Kukhokha Lokuncane
Kukhokha lokuncane kusuka etinhlavini te celery.Yekuhlanyela
Kuhlanyelwa kwe celery kungenteka ngekutsi uhlanyele kanjalo letindumbu kepha incumbi yebalimi batsandza kwenta titjalo letincane bese bayatihlanyela ngekutikhokha. Indumbu ye celery yincane kakhulu ngako kuyinhlanyela nje yintfo lelukhuni kantsi futsi natindumbu tidzinga kuhlanyelwa tishone phansi cishe ema mm lamatsatfu kuya kulamane. Kuhlanyela kwentiwa ngesandla ngemshina wekuhlanyela.Kushiywa Kwesikhala
Titjalo kumele tibenesikhala lesimasentimitha lalishumi nesihlanu noma emashumi lamabili ngekuhlukana emilayinini lengemashumi lamatsatfu emasentimitha ngekushiyana. Kutsembela esigulumbeni kanye nemasondvo lavula sikhala, tindlela kumele tisale kwentela umsebenti wamanyolo kanye netimoto tekufutsa kanye nemishina yekuvuna. Loku kusemkhatsini wetinkhulungwane letilikhulu kanye naletiyinkhulungwane nemashumi lasihlanu etitjalo te celery ngelihekitha linye kushiyane ngalendlela lekubekwa ngayo.Sikhatsi Sekuhlanyela
Hlanyela icelery ngekhatsi ematreyini etitjalo letincane ngenyanga yaKholwane bese uhlanyela tindumbu njengobatinjalo endzaweni yesitjalo ekugcineni kwenyanga yeNgci. iCelery yetitjalo letincane akukameli ivetwe esitfwatfweni lesidzala njengoba loko kungabulala titjalo letincane. Titjalo letincane tivama kulungela kuhlanyelwa emavikini lasitfupha kuya kulasiphohlongo nakuhlanyelwe.Sikhatsi Sekuhlanyela
Sikhatsi lesikahle sekuhlanyela titjalo letincane tecelery kusemkhatsini wenyanga yeNyoni ngesikhatsi lapho kubandza kuphelile kantsi nesitfwatfwa sesengcile. Loku kutonika sikhatsi lesenele sekuvuna ngaphambi kwekungena kwekushisa kwasehlobo.Sikhatsi Sekuhluma
iCelery ivama kutsatsa emkhatsini wemaviki lalishumi nakubili kanye nemaviki lalishumi nesitfupha kusuka lapho titjalo letincane tihlanyelwa ensimini kwentela kutfola kulunga kwekuvuna. Nangabe kuhlanyela kanjalo kwentiwe kutobese kuba tinyanga letine ngaphambi kwalenhlanyelo ilungele kuvunwa.Kuvundzisa
iSuperphosphates iyafakwa phindze ingeniswe uma lomhlabatsi alungiselelwe bese uyalinywa ngemaviki lasiphohlongo ngaphambi kwekulima. Evikini lekugcina ngaphambi kwekuhlanyela, inhlanganiso ye Nitrogen ne Potassium ingafakwa etikhaleni talesitjalo kanye nelihhaligi emhlabatsini longetulu lomasentimitha lamashumi lamabili. Loku kungabasekwakheni kwe makhulu lasihlanu ema kg kuya kumakhulu lasikhombisa nemashumi lasihlanu ema kg a1:0:1 (emashumi lamatsatfu nesitfupha) futsi loku kutonika letitjalo letincane emanutrients kutsi ahlale aphindze angetele timphandze kutfutfuka kanye nekukhula ngesikhatsi sekuhluma enyangeni yekucala.Emavikini lamane ngemuva kwekuhlanyelwa le celery kufakwa kwemakhulu lamatsatfu emakg a1:0:1 (emashumi lamatsatfu nesitfupha) kungafakwa kulomugca walesitjalo. Ngemuva kwemaviki lamane langetekile kanye nemaviki lamane phambili kwentela kuvuna, kufaka kwekugcina kwemakhulu lamatsatfu emakg a1:0:1 (emashumi lamatsatfu nesitfupha) angafakwa kumugca wesitjalo se celery. Kunisela kumele kulandzele ngekushesha ngemuva kwekufakwa kwesivundziso sinye.
Kufakwa kwalesivundziso kungentiwa ngendlela yemaphayiphi ngekusho kwesincumo lesinikwe bahloli bemhlabatsi.
Kunisela
Kunisela kungaba ngendlela yekunisela ngeliphayiphi lelinenhloko lenganyakati, indlela yekunisela lenyakatako, emamicrojet misters noma tindlela temaphayiphi ngetulu kwemigca noma ngaletinye tikhatsi emaphayiphi langaphansi ngakulamalayini atitjalo.Elangeni ngaphambi kuhlanyelwe le celery, faka ema mm lamashumi lamabili ekunisela kwentela kuletsa lomhlabatsi esisindvweni salensimu kantsi ngekushesha ngemuva kwekuhlanyela cishe ema mm lalishumi kwentela kuhlalisa letitjalo te celery. Uma kufakwa tindumbu tinjalo kwenteka ngaloki yiba nesiciniseko kutsi umhlabawangetulu uhlala ufutfumele ngalokujwayelekile, sisindvo lesiphansi sesikhatsi sekunisela kuze letindumbu ticale kukhula phindze titsatsa timphandze.
Titsi letitjalo letincane tisacina, kunisela sikhatsi lesidze kungacala. Ngesikhatsi letitjalo setihleti, kunisela kwenjwayelo kungaba ngema mm lamashumi lamabili nesihlanu kuya kumashumi lamatsatfu nesihlanu ngeliviki linye. Ngaloko indlela yemphandze yekushona ye celery, kuncono kunisela lenanhlanyelo ngetindlela letimbili tekunisela ngeliviki.
Translated by Phindile Malotana