Ukuyitjala
Itjalwa ngembewu.Indlela Yokuyitjala
Ukutjala i-celery kungenziwa ngokuyitjala phasi ngembewu kodwana abatjali abanengi bathanda ukuyitjala ngama-plantjiesl. Imbewu ye-celery yincani njeke ukuyitjala ngokulingana kubudisi begodu imbewu itlhoga ukutjalwa ingatjhingeli khulu itjalwe emasentimitheni ayi-3 mm ukuya ku-4 mm. Itjalwa ngesandla nanyana umtjhini wokutjala.Iinkhundla
Iintjalo kufanele zenzelwe iinkhundla ezihlangana kwe-15 cm nanyana 20 cm. Okuya ngetregera Kanye nesikhundla esitlhogwa mavilo wensetjenziswa zakho, ipata kufanele itjhiywe ukuze isetjenziswe ukukhamba khamba hlangana wentjalo, itjhiyelwe nenkoloyi zokuspreya nemitjhini yokuvuna. Lokhu kuhlangana kwe-100 000 kanye ne-150 000 yentjalo ze-celery obe yi-hectare ukuya nigorobuna zingangani.Iskhathi Sokuyitjala
Tjala i-celery ngaphandle ematreyini wamaplantjisi ngenyanga kaVelabahlinze yitjale endaweni ofuna ukuyitjala ekupheleni kwakaRhoboyi. Amaplantjisi we-celery encani akukafaneli athole umbethe ngombana angafa. Amaplantjisi wayo avamise ukulunga ngemva kwemveke ezisithandathu ukuya kwezibunane.Iskathi Sokuyitjala
Iskhathi esihle sokutjala i-celery kuphakathi kwakaKhukhulamungu lokha nasele amakhaza aphelile nombethe udlulile. Lokhu kuzokupha iskhathi esaneleko sokuvuna ngaphambi kokobana kuthome umtjhiso wehlobo.Iskhathi Sokuyikhulisa
Kuvamise bona ithathe iimveke eziyi-12 ukuya kweziyi-16 ukusuka lokha nayitjawe imaplantjisini esimini kuze ifike lapha sele ilungele ukuvunwa khona. Nange uyitjala ehlabathini kuzokuthatha iinyanga ezine kobana ilungele ukuvunwa.Iskhathi Sokuyivundisa
I-superphosphate ifakwa ihlanganiswe nehlabathi lokha ihlabathi nagade ilungiswe yapetwa emvekeni ezibunane ngaphambi kokobana utjale. Evekeni yokugcina ngaphambi kokobana utjale, ihlanganisela ye-nitrogen Kanye ne-pottasium ingafakwa emareyini nge-disk harrow ehlabathini engaphezulu eyi-20 cm. Lokhu kungaba ngendlela ye-500 kg ukuya ku-750 kg ye-1:0:1 (36) lokhu kuzokupha amaplantjisi izakhimzimba zokuzinza zenze ncono ukuthuthuka kwemirabhu kanye nokukhula kwawo eenyangeni zokuthoma zokukhula.Ngemva kwemveke ezine uyitjalile faka i-300 kg ye-1:0:1 (36) emareyini wentjalo. Ngemva kwemveke ezine fake i-300 kg ye-1:0:1 (36) emareyini we-celery uthelelele ngemva kwalokho. Ukufaka isivundisi kungenziwa ngesistimu yedribhu ngokulandela lokho ukuhlolwa kwehlabathi ekutjhoko.
Ukuthelelela
Ukuyithelela kungasetjenziswa ama-sprinkler weplayistiki, i-microjet nanyana ama-drip system phasi emareyini kwesinye isikhathi zifakwe ngaphasi eduze kwemareyi wentjalo.Nahomi ngokutjala i-celery, faka i-20 mm yamanzi ngemva kokuyitjala ku- 10 mm ukunzinzisa amaplantjisi we-celery. Nange uyitjale phasi qiniseka bona ihlabathi yangaphezulu ihlala imanzi lokha imithamo yokuthelelela iphasi ize imbewu ithole umrabhu. Lokha amaplantjisi nakaqinako, ungathoma ukuwathelelela khulu. Nasele iintjalo zinzile, lokha nasele zimamilimitha ayi-25 ukuya ku35 wamanzi qobe veke. Ngombana i-celery inesistimu yomrabhu ongatjhingeliko, kuncono ukuthelelela iintjalwezi kabili qobe veke.
Translated by Busisiwe Skhosana