Phatlalatšo
Phatlalatšo e tšwag go peu ya celery.Mokgwa Wa Go Bjala
Pšalo ya celery e ka dirwa ka go bjala ya peu, eupša batšweletši ba bantši ba rata go dira ka go bjala dibjalwana. Peu ya celery ke ye nnyane kudu ka fao go di bjalwa go boima kudu gomme peu e swanetše go bjalwa botebong bjo bo sa išego kudu bo ba 3 mm go ya go 4 mm. Pšalo e dirwa ka seatla goba metšhene.Katologanyo
Dibjalo di swanetše go ba le sekgoba sa go lekana le 15 cm le 20 cm ka ntle le ka direi tša 30 cm. Go ya ka maemo a ditrekere le sekgoba sa didirišwa, ditsela di swanetše go tlogelwa šomwa ka diatla le dikoloi tša kgašetšo le puno ya metšhene. Ye e ka magareng ga 100 000 150 000 ya dibjalo tša celery godimo ga hektare go ya ka sebopego.Nako Ya Go Bjala
Bjala celery ka gare ga ntlwane ka gare ga ditrei tša dibjalwana ka Julae le go gaša go dipeu mo lefelong la go bjala mafelelong a Agostose. Dibjalwana tše nanana tša celery ga di a swanelo go hlakana le tšhwaane ya morago ga nako ka ge se se ka g bolaya dibjalo tše nnyane. Ka tlwaelo dibjalwana di ka epiwa morago ga dibeke tše 6 go ya go 8 kamorago ga pšalo.Nako Ya Go Bjala
Nako ya maleba ya go bjala dibjalo tše nanana tša celery ke magareng a Setemere ge go tonya le tšhwaane di fetile. Se se tla fa nako ye e lekanego ya go buna pele ga go thoma ga phišo ya selemo.Nako Ya Kgolo
Gantši celery e ka tšea dibeke tše 12 le 16 go tloga ge dibjalwana tše nanana di epilwe mo tšhemong go fihlela nako ya puno. Ge e le gore go pšalo e dirilwe ka go bjala dipeu, go tloga fao e ka dikgwedi tše nne pele ga ge dibjalo di tla lokela go bunwa.Nontšho
Superphosphates di a gašwa e di kopanywa ge mmu o lokišwa e be e lengwa mo dibekeng tše ka bago tše seswai pele ga pšalo. Ka beke ya mafelelo pele ga pšalo, motswako wa naetrotšene le potasiamo o ka dirišwa mo direing e be o lengwa ka diski ka godimo ga mmu wo lekanago disentimetara tše 20. Se e ka ba gare ga 500 kg go ya go 750 kg ya 1:0:1 (36) gomme se se tla fa dibjalwana tše nanana phepo go dula gabotse le go thuša tšwelopele ya medu le kgolo mo kgweding ya mathomo ya kgolo.Dibeke tše nne ka morago ga pšalo ya celery o diriše gašo yenngwe ya 300kg ya 1:0:1 (36) mo direing tša dibjalo. Ka morago ga dibeke tše nne tše dingwe le dibeke tše nne pele ga puno, o gaše la mafelelo 300 kg ya 1:0:1 (36) go bapela le direi tša dibjalo tša celery. Nošetšo e swanetše go latela ka morago ga go šomiša menontšha.
Monontšha o ka laolwa ka go šomiša ditshepedišo ya go rotha ka fertigation go ya ka ditšhišinyo tšeo di abilwego ke tlhophollo ya mmu.
Nošetšo
Nošetšo e ka dirwa ka ditšharatšhara, ditšharatšhara ka tshepedišo ya tikologigare, microjet misters goba nošetšo ya go rotha ya direi goba ka nako yengwe nošetšo ya go rotha ka fase pele ga direi tša dibjalo.Letšatši, pele ga pšalo ya celery, nošetša 20 mm go lekantšha mmu gomme ka morago ga pšalo o nošetše 10 mm gore dibjalana tša celery di dule gabotse. Ge e le gore o šomišitše mokgwa wa go bjala dipeu mmung o kgonthiše gore mmu wa godimo kolobilego kgafetšakgafetša, o fokotše matšatši a nošetšo go fihla ge dipeu di mela e bile thakgolwa. Ge dibjalwana tše nanana di maatlafatša, o ka tšwela pele ka nošetšon ya sebaka se se telele. Ge dibjalo di lokile, setlwaedi ke 25 go ya go 35 mm ya nošetša ka beke. Ka baka la medu ya celery e yago fase, go kaone go nošetša dibjalo tše, ka didirišwa tše pedi tša go nošetša ka beke.
Translated by Lebogang Sewela