Phetošopšalo
Dikološa le ditamati, matsapane, dinawa goba broccoli.Poelo - ditone/hektare
Motho: ditone tše 15Palogare ya: ditone tše 25
Botse: ditone tše 40
Puno
Puno ya celery e dirwa ka morago ga dikgwedi tše 3 go ya go 4 ka morago ga pšalo. Puno e dirwa ka diatla ka go kuka sebjalo le go šomiša thipa ye bogale go sega mahlaka a ka fase ga kgwele fao mahlaka a kopanyago go aroganya sebjalo go medu. Mo kgwebong, puno ya celery e dirwa ka metšhene ye e kgethegilego. Se se ka boloka tšhelete ya mošomo.Go bohlokwa go buna ka pele le ka nako ka lebaka la gore celery yeo e tlogelago go butšwa lebaka le letelele e ba le digwaši e bile e thoma go baba.
Go thibela ponnego, celery e swanetše go tlošwa ka morago ga puno mo tšhemong, e be e išwa mo lefelong la go tonya go yo hlatswa, go šoma le go phuthelwa.
Poloko
Celery ye foreše e a segwa, go špmwa, go phuthelwa, go papatšwa le go rekišwa ka pela ka mo go kgonegago. Themperetšha ya go tonya ke swanetše go ba gare ga 2°C le 4°C gomme celery e bolokwa kaone ka gare ga 1°C le 2°C le 90% go ya go 95% ya monola. Celery e ka bolokwa dibeke tše tharo go ya go tše nne.Disenyi
Nematodes, red spider, Plusia Looper, aphids, army worms, cutworms le leaf miners.Malwetši
Heart rot, early and late blight, leaf spot.Go kaone go ikgokaganya le ba balemiši goba moeletši wa tša dikhemikhale go tlatša lenaneo la tšhireletšo ya dibjalo le lefelo la gago le itšego le maemo.
Lekola dibjalo tša gago letšatši le letšatši go kgonthiša gore ga go na disenyi le malwetši tše dumelelwago go tsena gomme ditiro tša taolo di ka tšewa ka nako gore go sa ba le tshenyo ya celery ya gago.
Translated by Lebogang Sewela