Kuguculwa kwe Nhlanyelo
Gucula ematamatisi, emazambane, titjalo letisekhasini noma ibroccoli.Kukhokha - emathani kuhekitha linye
Kunakekela: emathani lalishumi nesihlanuLinani: emathani lamashumi lamabili nesihlanu
Lokukahle: emathani langaba ngetulu kwemashumi lamane
Kuvuna
Kuvunwa kwe celery kwentiwa kusuka enyangeni yesitsatfu kuya kuyesine ngemuva kwekuhlanyelwa. Kuvunwa kwentiwa ngekuphakamisa lesitjalo ngesandla kanye nekusebentisa umukhwa lokhaliphile kujuba lamahlanga ngaphansi kwalolokuyibhola lapho khona lamahlanga ahlanganiswa kwentela kuhlukanisa lesitjalo kuletimphandze. Loku kungonga ekubiteni kwentsengo.Kumcoka kuvuna ngekushesha kantsi nangesikhatsi ngoba icelery leshiyiwe kwentela kutsi ikhule sikhatsi lesidze iba tintsambo phindze ibemunyu.
Kuvikela kugobeka nekufa ngemuva kwekuvuna, icelery kumele ngekushesha isuswe kulensimu iye endzaweni lepholile iyowashwa, ilungiswe phindze ipakishwe.
Kugcinwa
iCelery lensha isesengulekahle nayijutjiwe, ilungisiwe, ipakishiwe, imakethwa phindze itsengiswa ngekushesha lokukhulu. Lesimo sekushisa lesipholile lesibukiwe kumele sibesemkhatsini wa 2°C na 4°C futsi icelery ikahle igcinwe emkhatsini wa 1°C na 2°C bese ku 90% kuya ku 95% ngesimo lesifutfumele nalesimanti. iCelery ingagcinwa emaviki lamatsatfu kuya kulamane.Tilwanyana
Ema Nematodes, sayobe lesibovu, iPlusia Looper, silwanyana lesimunya ijusi esitjalweni, army worms, cutworms ne leaf miners.Tifo
Kubola kwenhlitiyo, sifo lesibulala titjalo ekucaleni nasemuva, emabala elicembe.Kumcoka kutsintsana nalosebenta ehhovisi wasendzaweni noma loluleka ngekhemikhali kwentela kuhlanganisa luhlelo lwekuvikela inhlanyelo endzaweni letsite kanye netimo.
Gadza tinhlanyelo takho njalo kwentela kuciniseka kutsi tilwanyana noma tifo tivumelekile kutsi tiphume bese indlela yekwenta iyatsatfwa ngesikhatsi kwentela kutsi kungabikhona kuta kwekulimala enhlanyelweni yakho ye celery.
Translated by Phindile Malotana