Kukhokha Lokuncane
Kukhokha kancane kusuka etindumbini.Indlela yekuHlanyela
Kuhlanyelwa kwe turnip kwenteka ngekuhlanyela tindumbu noma ngekuphakamisa titjalo letincane kanye nekuhlanyela kukhokhwe letitjalo letincane. Kuhlanyela etigbeni letimbili kungenteka ngesandla noma ngemshina wekuhlanyela.Umakuhlanyela lokucondzile kwentiwa, letindumbu te turnip tibekwa emkhatsini wemasentimitha lamatsatfu kanye nalasihlanu ngekushiyana kwentela kuciniseka ngekushona kwenhlanyelo. Atsi nasekatsetse kuhlala emavikini lamatsatfu kuya kulamane ngemuva kwekuhlanyelwa, lemilayini iyancishiswa ibenguloko lokulungele lenhlanyelo. Sitjalo se turnip sentiwa ngekufanana emilayinini kanye nebubanti noma kumalayini lanemvumo emkhatsini wemalayini lacondzile kwentela tisebenti kanye netimoto. Lamanye ematurnips angahlanyelwa emhlabatsini lolinganako abe lamanye ahlanyelwa emibhedzeni yekuhlanyela lephakanyisiwe.
Kuvulwa Kwesikhala
Titjalo te turnip kumele tivulwe tibe ngemasentimitha lalishumi nesihlanu kuya kumashumi lamabili ngekushiyana emilayinini lengaba ngemasentimitha lamashumi lasihlanu ngekushiyana. Loku kungakhokha emkhatsini wetitjalo letilikhulu letinkhulungwane kanye nelikhulu nemashumi lamabili etinkhulungwane kuhekitha linye.Sikhatsi Sekulima neku Hlanyela
Le turnip ihlumakahle esimeni lesipholile ngakoke hlanyela ngesikhatsi uma kungulesikhatsi lesingiso sekuhluma lapho kutobona lesimo lesipholile. Kwentela kuvuna ngesikhatsi sentfwasahlobo eNingizimu Afrika, kulima kumele kube Ngendlovu Lenkhulu nasekucaleni kwa Mabasa khona lesitjalo sitocina ngaphambi kufike sikhatsi sasebusika kanye nesitfwatfwa sekuacala singakafiki.Titjalo tangesikhatsi sasentfwasahlobo tingentiwa ngenyanga yeNgci neye Nyoni kepha tingavunwa ngaphambi kungene kushisa kweluhlobo njoba loku kungenta umonakalo kulama turnips.
Sikhatsi Sekuhluma
Lesikhatsi sekuhluma lesisuka kuletindumbu te turnip tihlanyelwa kutimphandze letitigadla bese kuvuna kwenteka emavikini lalishumi kanye nelishumi nakubili. emaTurnips laluhlata noma emacembe angavunwa kusuka kumaviki lasitfuph kuya kulasiphohlongo uma lesitjalo sicinile kahle bese letimphandze tihluma kahle. Khweshisa lamacembe langaphandle kwentela kutsi kube nekudla lokwenele lokusele lokutowenta lesitjalo kutsi sikhule phindze sihlume timphandze. Pholisa lamacembe ngekushesha ngemuva kwekuwajuba.Kuvundzisa
Umboniso wemhlabatsi kumele utsatfwe bese nekukhetsa kwangcondvongcondvo lokucinisa kufakwa kwema nutrient langiwo.Lolokukhetsiwe lokulandzelako yindlela lengalandzelwa umakuvundziswa ematurnips.
Evikini ngaphambi kuhlanyelwe letitjalo letincane faka emakhulu lamane ema kg e2:3:4 (emashumi lamatsatfu) kuhekitha linye uma ulungiselela umbhedze wesitjalo bese uhhaliga ngetulu umhlabatsi longemasentimitha lamashumi lamabili. Lokukunika emanutrients ngekushesha ngemuva kwekuhlanyela futsi kunika lesitjalo emandla kwentela kucala lokukahle kanye nekusita ngetinkinga leticalako ngesikhatsi sekuhlanyelwa phindze. Uma ulima tindumbu, faka lokwekucala ngakulomulayini wesitjalo ngekushesha njoba sitjalo lesinsha sicala kuvela.
Emavikinii lamabili kuya kumatsatfu muva, khombisa lolokufanako njengentfo yekucala lefakwa ngakumalayini esitjalo. Ngemuva kwemaviki lakhashane lamabili kuya kumatsatfu, kufaka kwesitsatfu kwema kg lamakhulu lamatsatfu nemashumi lasihlanu kuhekitha linye eLAN (emashumi lamabili nesiphohlongo) angakhonjiswa ngakumilayini yesitjalo. Loku kungabasibonelo salenhlanyelo kutsi sifike ekukhuleni futsi kulungele kuvunwa. Khumbula kutilungiselela ngekugadza likhula lelingalimata lesitjalo semanutrients lagadziwe.
Kuniselwa
Nawufuna kukhokha lokuhle kanye nekuvela lokuhle kubalulekile kubalekela tinkinga tekubamantana ngemikhicito ye turnip.Ngaphambi kwekuhlanyela, yiba nesiciniseko kutsi lomhlabatsi umantana kepha ungabanjwa ngemanti. Lima noma hlanyela ematurnips emhlabatsini lomantana bese unika kunisela lokulula ngemuva kwekuhlanyela tindumbu kanye netitjalo letincane kutsi tikhululeke.
Incenye lemcoka kakhulu yekunisela kuba nendlela lecinisako kutsi lomhlaba lodzingwa ngulenhlanyelo ye turnip losala uniseleke kahle. Loku kungenteka ngesandla nawusebentisa lifosholo noma iaugur noma ngekufaka emamitha esihlaba lesimantana kwentela kunika lwati njoba lobumantana besihlaba buyinkinga noma bungalungi.
Ngesikhatsi letitjalo setitsatsa kuhlala, indzawo yeliviki yemashumi lamatsatfu ema mm kumele alingane kutotonkhe letinyanga letipholile tekuhluma kantsi nemashumi lamane kuya kumashumi lasihlanu ema mm kusimo lesifutfumele. Hlukanisa loku kube kabili noma kumbe katsatfu kufaka evikini.
Khumbula kunciphisa lokunisela umangabe liyana bese kukhuliswa sisindvo sekunisela kanye nekuphindzaphindzeka ngesikhatsi sesimo lesiphakeme kanye nekugucuka kube ngugesi losetulu.
Translated by Phindile Malotana