Mabyalelo
Turnip yi byariwa hi mbewu.Ndlela Yo Byala
Ku byala turnip swinga endliwa xikanwe a misaveni kumbe ku endliwa swimilani leswinga simuriwaka. Kubyala eka tindlela hinkwato swinga endliwa hi mavoko kumbe hi muchini.Loko yi byariwa kunene, mbewu ya turnip yivekiwa eka 3 na 5 cm hiku hambana kutiyisisa leswaku swimilani swita tlhuma. Loko se switshamisekile kwalomu a 3 kuya eka 4 wa mavhiki mintila ya larisiwa leswaku swita tlhuma swinene kuya hileswi swinaverisiwaka xiswona. Ku byariwa ka turnip swi endliwa hi ndlela leyi ringanaka eka mintila naku anama kumbe eka ti tram lines leti fikelekaka hi vatirhi na mimovha. Ti turnips tin’wana ti byariwa laha kunga leveriwa kasi tin’wana tibyariwa laha kunga tlakukela ehenhla nyana eka ti beds.
Xipesi
Swimilani swati turnip swifanele ku vekiwa eka xipesi xa 15 cm kuya eka 20 cm hiku hambana eka mintila leyinga 50 cm hiku hambana. Leswi swita endla leswaku kuva na 100 000 kumbe 120 000 waswimilani hi hectare.Kubyala Na Nkarhi Wakona
Ti turnip i ximilani lexi rhandzaka laha kungahola se unga xibyala hinkarhi lowu kunga hiseki. Ku tshovela laha Afrika Dzonga swi endliwa hi ximun’wana, kubyala swifanele kuva hi March na masungulo ya April leswaku ximilani xita tiyela kahle hinkarhi wa xixika naloko ku fika gwitsi.Ku byala ka ximunwana swinga endliwa hi August na September kambe kufanele kutshoveriwa ringa se hisa ngopfu dyambu hikuva rita onha ti turnips.
Nkarhi Wokula
Nkarhi wakukula kusukela loko mbewu yati turnip yibyariwile kuya fikela loko kutshoveriwa hile xikarhi ka 10 na 12 wa mavhiki. Rihlaza ra ti turnip kumbe matluka yanga tshoveriwa kusuka eka 6 kuya eka 8 wa mavhiki loko ximilani xitiyerile kuringana na timintsu titiyele kahle. Susa ntsena matluka yale handle leswaku xita sala xikota kukula naku kula ka timintsu. Horisa matluka hiku hatlisa endzhaku ko tshovela.Ku Nonisa Misava
Swikombiso swa misava swifanele ku tekiwa na switsundzuxo leswi kumekeke swifanele ku landzeleriwa kutiyisisa leswaku ku cheriwa swakudya swa kahle.Leswi landzelaka swa hlohleteriwa hintolovelo loko ku nonisiwa ti turnips.
Eka vhiki kungase byariwa swimilani chela kwalomu ka 400 kg wa 2:3:4 (30) hi hectare loko kululamisiwa ti beds kutani kurimeriwa eka 20 cm ya misava. Leswi switisa swakudya hinkarhi walowo endzhaku ko byala naswona swita tisa matimba yo sungula kahle naku pfuneta eka ntshikelelo lowuvaka kona endzhaku ko simuriwa ka swimilani. Loko ku byariwa mbewu, chela rosungula eka mintila ya ximilani loko swimilani swisungula ku tlhava.
Endzhaku ka 2 kumbe 3 wa mavhiki, haxa nhlayo leyi ringanaka eka mintila ya swimilani.
Endzhaku ka manwana mavhiki y 2 kumbe 3, unga chela ravunharhu 350 kg hi hectare ya LAN (28) leyinga haxiwaka eka mintila ya swimilani. Leswi swifanele kuva swiringanerile kuva swimilani swikota ku kula naku lulamela ntshovelo.
Tsundzuka ku lawula nhova hikuva yinga tekela swimilani swawena swakudya leswi phameriwaka.
Ku Cheleta
Ku tiyisisa mbuyelo wa kahle na nantswo wa kahle swina nkoka kutshamela ku cheleta ti turnip.Loko ungase byala, tiyisisa leswaku misava ya tsakama kambe aku talangi mati. Byala mbewu kumbe u simulela swimilani eka misava leyi tsakamaka kutani u cheleta kantsongo leswaku swimilani kumbe mbewu swita kota kutshamiseka.
Xiphemu xa nkoka xa ncheleto ikuva na macheletelo lawa yanga ringanela eka swimilani swa ti turnip leswaku switshama switsakamile. Leswi swinga endliwa hi mavoko hiku tirhisa xipedi kumbe augur kumbe hiku vekela swopima kutsakama kuva swiku nyika vuxokoxoko bya misava loko yitsakama kumbe yiri na ntshikelelo.
Loko swimilani switshamisekile, kufanele ku cheletiwa 30 mm hi vhiki eka tinhweti hinkwato leti tititmelaka ta nguva yobyala naswona 40mm kuya eka 50mm laha kushisaka. Leswi unga swi endla hiku cheleta kambirhi kumbe kanharhu hi vhiki.
Tsundzuka ku hunguta ncheleto loko kuri na mpfula kutani u engetela nhlayo na minkarhi yo cheleta loko mahiselo yari e henhla naku hatlisa kuhaha ka mati emisaveni.
Translated by Ike Ngobeni