Ukutjala I-Turnip

Itjalwa Njani

Itjalwa ngembewu

Indlela Yokuyitjala

Ukutjala i-turnip kungenziwa ngembewu nanyana ngama-plantjies. Ukuyitjala ngendlela le kokubila kungenziwa ngezandla nanyana ngomtjhini wokutjala.
Lokha itjalwa ngembewu, imbewu yayo ibekwe ihlukaniswe ngeskhundla esingaba masenthimitha amathathu ukuya kwamane ngemva kokuyitjala, amareyi enziwa onde ngendlela osifuna ngayo. Ukutjala i-turnip kwenziwa ngentjalo ezilinganako ngobubanzi kwenziwa nangamareyi lapha abasebenzi Kanye nemodere zizokurhona ukudlula khona. Ezinye iintjalo zama-turnip zitjalwa ehlabathini espara nanyana eleveli lokha ezinye zitjalwa emibhedeni ephakanyisiweko

Iinkhundla

Iintjalo ze-turnp kufanele zenzelwe iinkhundla ezingaba hlangana kwe-15cm ukuya ku-20cm emareyini ahlukaniswe nge-50cm. Lokhu kuzokurholela eentjalweni ezingaba hlangana kwe-100 000 kanye ne-120 000 qobe li-hectare.

Isikhathi Sokutjala

I-Turnip stjalo esithanda indawo epholileko, njeke tjala ngeskhathi lokha kuskhathi sayo sokutjala lokha ubujamo bezulu bupholile. Lokha nawufuna ukuvuna etwasahlobo, kufanele utjale ngoNtaka ukuya ngoSihlabantangana ukwenzela bona istjalo siqine ngaphambi kokobana ngungene amakhaza webusika nokobana kube compete.
Lokha nawuyitjala etwasahlobo ungayitjala ngoRhoboyi kanye nangoKhukhulamungu.

Iskhathi Sokuyikhulisa

Iskhathi sokukhula kwembewu ye-turnip ukuya nasele imirabhu kuhlangana nemveke ezilisumi Kanye nesumi nambili. Imirogo yama-turnip nanyana amakari waso angavunwa kusukela eemvekeni ezisithandathu nangabe istjalo siqine ngokkwaneleko begodu sikhula kule. Susa amakari wangaphandle kwaphela uqiniseke bona utjhiya amakari wangaphandle ukwenzela bona kube nokudla okwaneleko kobana istjalo siragele phambili ngokukhula. Pholisa amakari msinya ngemva kokuwakera.

Ukuyivundisa

Isampula yehlabathi kufanele ithathwe isiwe kibosiyazi ukuqiniseka bona zithola izakhimzimba ezitlhogako. Iimphakamiso ezilandelako zijwayelekile kobana zilandelwe lokha nawuvundisa ama-turnip.
Iveke ngaphambi kokobana uwatjale faka i-400 kg ye-2:3:4 (30) qobe i-hectare lokha nawulungisa imibhede yokutjala ufake i-disc ehlabathini engaphezulu eyi-20cm. Lokhu kupha istjalo izakhimziba khonokho ngemva kokuyitjala begodu kuzozipha amandla wokobana zimile kuhle begodu kuyirhelebhe ngokugandeleleka komkhumbulo okubangwa kokuyitjala kwenye indawo. Nange utjala imbewu, faka kokuthoma emareyini westjalo msinya ngemva kokobana istjalo sokuthoma simile.
Ngemva kwemveke ezimbili ukuya kwezintathu, rhatjha isivundisi esilinganako emareyini westjalo. Ngemva kwemveke ezimbili ukuya kwezintathu, sifake kwesithathu, nanyana faka i-LAN (28) eyi-350 kg qobe i-hectare emareyini westjalo. Izokwanela istjalo size sikhule silungele ukuvunwa.
Khumbula ukususa ikhula ngombana ikhula lizokwebela iintjalo izakhimzimba ozifakako.

Ukusithelelela

Ukuqinisekisa bona uthola isivuno esihle esimnandi kuqakathekile ukukhandela ukugandeleleka ngokomkhumbulo okubangwa bubuswe lokha nakukhiqizwa i-turnip.
Ngaphambi kokutjala, qiniseka bona ihlabathi inobuswe kodwana ayinamanzi. Tjala nanyana utjale ama-turnip ehlabathini enobuswe uthelelele kancani ngemva kokuwatjala lokha nawuyitjala ngembewu nanyana ngamaplantjisi ukobana anzinze.
Into eqakatheke khulu lokha nawuthelelelako kukuba nesistimu eqinisela bona uthola i-profile yehlabathi etlhogwa stjalo se-turnip ithelelelwe kuhle. Lokhu kungenziwa ngesandla nanyana ngegarafu nanyana i-augur nanyana ngokufaka amaetha wokuzwelela ubuswe ehlabathini ezokunikela unmniningwane wokobana kunobuswe nanyana kobana ihlabathi igandeleleke kangangani ngokomkhumbulo.
Ngemva kokobana istjalo sele sizinzile, qobe veke faka i-30 mm yamanzi eenyangeni zoke ezimakhaza ufake amanzi angaba yi-40 mm ukuya ku-50 mm lokha nakufuthumeleko. Hlukanisa lokhu ufake ezimbili nanyana ntathu iveke yoke.
Khumbula ukuphungula ukuthelelela nange izulu lina ungezelele umthamo wokuthelelela lokha nakutjhisa khulu.

Translated by Busisiwe Skhosana