Ibizo lesayentji: Brassica rapa
Ibizo elijayelekileko: Turnips
Ukutlhadlhulwa Kwestjalo
Iintjalo se-turnip sivela enarheni yepumalanga yange-Europe encenyeni ezipholileko ze-Asia. Kuqatjangwa bona sele zitjalwe babantu iminyaka engadlula eyi-4000. Ngaphambi kwalokhu, gade istjalwesi sibuthelelwa babathwa lapha gade simila emangweni encenyeni zee-Asia.Istjalo se-turnip sinamakari ahlaza satjani Kanye nesdindi esihlaza satjani okukhanyako. Sikhula sibe masenthimitha ahlangana kwayi-40 ukuya ku-50 ukusuka phezulu ukuya phasi emrabhini okungiwo ukudla. Nanyana kunjalo, amakari waso nawo ayadliwa. Umrabhu we-turnip urondo ube inga usaqanda.
Istjalo se-turnip sele sithandwa njengokudla kwenlwane begodu sitjalwa nangehloso leyo.
Ukusetjenziswa Kwaso
Imirabhu yaso idliwa ibilisiwe, ifrayiwe kanye nalokha irostiwe begodu amakaraso ayabiliswa afrayiwe nanyana adliwe ahlaza njengesaladi. Imirabhu ebilisiweko yenza ne-mesh ehle.Iimfuneko Zehlabathi Kanye Nokulungiswa Kwayo
Istjalwesi sithanda indawo eyisanda ukuya kwemanzana ekhipha kuhle amanzi emumethe neleveli ehle ye-organic material. Ihlabathi leyo ingaba ne asodi ene-pH ehlangana kwe-5,8 kanye ne-7. Asibi sihle ehlabathini elidaka ngombana ihlabathi leyo ibanga bona imirabhu yaso ingamili kuhle, okuzokurholela bona singabi nomkhiqizo omuhle.Lokha nayiyincani i-turnip, ikhula esisendaweni lapha itjalwe khona lingenza bona ulobe istjalwesi ngombana iintjalo zayo ezincani azirhoni ukukhula kuhle. Njeke, eenyangeni zangaphambi kwalokha sele uzositjala kufanele ulandele iprogramu yokulawula ikhula. Kufanele uthathe isampula yehlabathi kusese neskhathi ngaphambi kokobana usitjale, ufake i-organic materia, i-lime kanye ne-phosphate ezitlhogakalako zihlanganise zipetelwe ku-500 mm ehlabathini nokobana uhlanganise ihlabathi eenyangeni ezine ukuya kwezihlanu ngaphambi kokobana utjale ukupha ihlabathi iskhathi sokobana inzinze.
Lokhu kungalandelwa ngokufaka i-disk harrow ehlabathini, nokususa ikhula Kanye nensalela zentjalo indawo ley obese iyalevelwa. Evekeni yokugcina ngaphambi kokobana utjale i-turnip, faka i-disc harrow godu ukubulala ikhula esele lizabe limilile nokuqiniseka bona akunamaqa wehlabathi ngaphezulu kwayo ezokwenza bona kube nemiraro yokumila kwemirabhu.
Ubujamo Bezulu
I-turnip sitjalo esithanda indawo epholileko begodu asithandi umbethe lokha nasele similileko, Sikhula emazingeni womtjhiso ahlangana kwe-5 °C kanye ne 15 °C. Nasitjalwe lokha nasele amazing womtjhiso sele afuthumeIe, imirabhu yaso ibelikhuni beyitjhuqe.Eminye Imihlobo Yaso
Early Purple Top, Golden Globe, Goldie, Purple Top Milan, Purple Top White Globe, Seven top, Shogoin kanye ne-White Egg.Kusese yinto ehle ukuthola isiyeleliso kumthengisi wakho wembewu Kanye naku-extension officer kokobana ngimuphi omhlobo omuhle okhambela nebujamo bendawo ozokutjala kiyo. Godu thola nesiyeleliso ehlanganweni yabathengi nanyana yabarhwebi kobana ungasithengisaphi istjalwesi.
Translated by Busisiwe Skhosana