Ligama le Sayensi: iBrassica rapa
Ligama Lelijwayelwe: iTurnips
Inchazelo Yenhlanyelo
emaTurnips ahluma eEasterm Europe kanye nasetindzaweni letipholile tase Asia. Kucatjangwa kutsi tihlanyelwa bantfu eminyakeni letinkhulungwane letine noma ngetulu. Ngaphambi kuloko, bekacokelelwa ngulabahlangene batingeli labekakhulele etigangeni letikuncenye lese Asia.Lesitjalo se turnip sinemacembe laluhlata lotopele ngasekuugcineni neluhlanga loluluhlata lohhwabile. Lokukukhula kube ngemasentimitha lamashumi lamane kuya kumashumi lasihlanu kusuka ngetulu kwemphandze lesigadla ekucaleni kweluhlanga, lekungukona ncenye yekudla. Nomakunjalo, lamaembe nawo ayadleka. Lemphandze ye turnip isandingilizii lengatsi icijile kanye nemphandze lengatsi yimpompi. Ema turnips nawo sekayatiwa njengentfo ledliwa tilwane kanye futsi lahlanyelwa njengentfo yekudlliwa.
Kusetjentiswa
Letimphandze letitigadla tidliwa tibilisiwe, titfosiwe futsi tishisiwe bese lamacembe ayabiliswa nawo aphindze atfoswe noma adliwe anjalo njengesaladi. Letimphandze letibilisiwe tiphindze tente imeshi lenhle kakhulu.Tidzingo Temhlabatsi kanye Nemalungiselelo
emaTurnnips atsandza umhlabatsi lonematje lamancane nelibumba lelincane lokhona kudvosa kahle uphindze utfwele indlela lencono lelinganako yetintfo letakheka etintfwenii letiphilako. Lomhlabatsi ungenta kuba ne esidi lencane leku pH lesemkhatsini wa 5.8 na 7. Ayenti kahle etintfweni letisindzako, emhlabatsini lohlangene nolebumba lolusetulu njengoba loko kungenta lushintjo etimphandzeni, lekungabese kulimata kukhokha kwemkhicito.Ngesikhatsi titjalo te turnip titincane, lukhula kulendzawo yalesitjalo lingenta kulahlekelwa yinhlanyelo lenkhulu njengoba letincane titjalo tinebulukhuni bekutihlumela tona. Ngakoke, etinyangeni letihambela kuya ekuhlanyelweni, luhlelo lwekugadza lukhula kumele lulandzelwe. Umboniso wemhlabatsi kumele utsatfwe kahle kunesikhatsi sekuhlanyela iturnip, tintfo letiphuma kuletiphilako letibalulekile, ilime ne phosphates kumele kufakwe kulendzawo phindze kufakisiswe emhlabatsini ngekutsi kuhlanyelwe kube ngema khulu lasihlanu ema mm, kugucula nekuhlanganisa lomhlabatsi lekungaba ngemaviki lamane kuya kulasihlanu ngaphambi kwekuhlanyela kwentela kunika lomhlabatsi sikhatsi sekukhululeka kahle.
Loku kungalandzelwa ngekushesha ngelihharigi kwentela kulungisa umhlabatsi longetulu, kujuba lukhula lolungetulu lolusele kanye nekulinganisa lendzawo. Evikini lekugcina ngaphambi uhlanyele ematurnips, hhariga futsi kwentela kubulala lukhula lelingahle litsatse kubamba kanye nekwenta siciniseko kutsi kute tigadla kulomhlabatsi longetulu longalimata titjalo kanye netimphandze letikhulako.
Simo Selitulu
emaTurnips yinhlanyelo lelinywa esimeni selitulu lesipholile futsi akatsandzi indzawo lenesitfwatfwa nangabe lesitjalo sesicalile kuhluma. Sikhula kahle esimeni sekubandza lesisemkhatsini wa 5°C na 15°C. uma alinywe kakhulu kusimo lesifutfumele letimphandze tingaba sesigabeni lesikhanyako, lesinetigodvo phindze tikkhule kuvela lokumunyu.Tindzawo Tekuyilima
Yi Lukhwebeletane Lolungetulu Lolusha, iGolide yeMlaba, Igolide, iMilan Lelukhwebeletane Lengetulu, Lukhwebeletane Lolungetulu Lolumhlophe lwemhlaba, Lasikhombisa ngetulu, iShogoin ne Licandza lelimhlophe.Kusesemalungiselelo lamahle kutfola tindumbu tasendzaweni kanye nesecwayiso kulosehhovisi kusho kutsi ngukuphi lokukahle lokungalungela lesimo sekuhlanyela. Futsi phindze utfole secwayiso kulolotsengako noma tinhlangano tekutsengisa njoba kungumcondvo lokahle kwentela kutsengiswa.
Translated by Phindile Malotana