Vito ra xi science: Brassica rapa
Vito ra ntolovelo: Turnips
Nhlamuselo Ya Ximilani
Ti turnips ti tumbuluke e Eastern Europe nale ka swiphemu swa Asia leswinga hola. Ku ehleketiwa leswaku ti byariwile hi vanhu kwalomu ka 4000 wa malembe kumbe kutlula. Loko kunga se fika sweswo, ati hlengeletiwa hi vahloti laha ati mila e nhoveni eka tindzhawu tin’wana ta Asia.Ximilani xa turnip xina matluka ya rihlaza rodzwihala na makumu lawa yafanaka na saha eka xinsinyani xa rihlaza leri vonikelaka. Ximilani xikula kufika eka 40 kuya eka 50 cm kusuka ehenhla ka timintsu letikulu e hansi ka xona, leswi swinga swona switisaka swakudya. Hambiswiritano, matluka ya xona ya dyiwa. Timintsu ta turnip it a xirhendzevutani kuya eka oval letingana taproot. Ti turnips tisungule kuva na ndhuma tani hi swakudya swa swifuwo naswona tibyariwa hi xikongomelo xo phameriwa swifuwo.
Switirhisiwa
Timintsu leti ta swimilani leswi tidyiwa loko ti swekiwile, ti katingiwa kumbe ku virisiwa kasi matluka ya virisiwa naku katingiwa kumbe ya dyiwa yatetani tani hi ti saladi. Timintsu titlhela tiva kahle ku endliwa mash.Swilaveko Na Ndzulamiso Wa Misava
Ti turnips ti rhandza misava ya sandy loam kuya eka loam leyi yitswongaka kahle mati naswona yina nhlayo yakahle ya swakudya. Misava yingava yiri na acid leyingana pH yale xikarhi ka 5.8 na 7. Ximilani lexi axi hanyi kahle eka misava leyingana vumba ngopfu naku gandleka hikuva leswi swinga endla leswaku timintsu tinga kuli kahle, leswingatava na xiave eka mbuyelo.Loko ximilani xa turnip xahari xintsongo, nhova leyinga ekusuhi na swimilani yinga endla leswaku kuva na kulahlekeriwa swinene eka mbuyelo wa swimilani hikuva swatsandzeka kuhumelela. Loko switetano, eka tinhweti leti tshunelaka eka ku byala, kufanele ku lawuriwa nhova hindlela ya kahle. Swikombiso swa misava swifanele ku tekiwa hinkarhi kunga se byariwa, swakudya swa nkoka, lime na phosphates swifanele ku cheriwa eka ndzhawu yoleyo kutani yikatsiwa na misava hikuva yi rimeriwa e misaveni kuringana kwalomu ka 500 mm, kurimiwa na kukatsiwa ka misava swilava ku endliwa loko kungase byariwa kunyika misava nkarhi waku yitshamiseka.
Leswi swinga landzeleriwa hiku tirhisa disc harrow kuyisa emahlweni ku lulamisa misava yale henhla, leswi swita tsema nhova hinkwayo naku levela misava laha ku byariwaka kona. Vhiki loko kunga se byariwa ti turnips, disc harrow yifanele ku tirha nakambe kususa nhova leyinga sala naku tiyisisa leswaku akuna magavadi lawa yanga sivelaka kukula ka timintsu.
Maxelo
Ti turnips i swimilani leswi tsakelaka maxelo yo hola naswona swichava gwitsi loko se swibyariwile. Swimila ku antswa eka mahiselo yale xikarhi ka 5°C na 15°C. Loko ti byariwile eka mahiselo yo kufumela timintsu tinga hatla titiyela laha tingavaka tidzunga.Swibyariwa
Early Purple Top, Golden Globe, Goldie, Purple Top Milan, Purple Top White Globe, Seven top, Shogoin na White Egg.Kahari maendlelo ya kahle kukuma switsundzuxo eka vaxavisi va mbewu leswaku vataku tsundzuxa eka tinxaka tohambana hambana letinga lulamelaka swiyimo swa mabyalelo. Tlhela u kuma switsundzuxo kusuka eka vaxavi kumbe vaxavisi kutiva leswaku vatsakela ku xava kumbe kuxavisa muxaka wihi.
Translated by Ike Ngobeni