Kuguculwa kwe Nhlanyelo
Kugucula ema turnips ngetitjalo letingasiwo umndeni we Cruciferae. Kugucula kweminya lemitsatfu kuyacwayiswa. Ngalenye indlela, yiba nesiciniseko kutsi emalungiselelo aleto letiyingoti letidzingakunakwa kufana nemihlwa kanye netifo kuyafakwa.
Kukhokha - emathani ngelihekitha
Kunakekela: lishumi nesihlanu lemathaniLinani: emathani lamashumi lamabili nesihlanu
Lokuhle: emathani lamashumi lamane
Kuvuna
Kuvunwa kwe timphandze te turnip kwentiwa ngesandla noma kuvunwe ngemshina.Uma kuvunwa lamacembe, noma ematurnip laluhlata njengoba ashiwo nge, kujuba ususe lamacembe langaphandle kwentela kutsi lamacembe lasele langekhatsi angagcina lesitjalo kutsi sikhule. Lokuluhlata kumele kususwe kuye endzaweni lepholile nesimo lesifutfumele nalesimanti ngekushesha lokuphutfumako ngemuva kwekujutjwa kwentela kuvikela kuphelelwa ngemanti kanye nekugobeka nekufa.
Letimphandze tiyaphakamiseka bese timphandze letikahle bese lolokuluhlata kuyajutjwa kususwe, kusale luhlanga lelingaba ngemasentimitha lalishumi ngetulu kwale turnip kwentela kunciphisa kuphelelwa ngemanti ngaphambi tipholiswe.
Kugcinwa
Kugcinwa kwetimphandze te turnip kungenteka ku 0.5°C kuya ku 2°C bese naku 95% kumanti futsi kufutfumele.Kugcinwa kwetimphandze te turnip ngaphansi kwesimo selitulu kungentekka ngebunono kuze kube tinyanga letine.
Tilwanyana
Tilwane letijwayelwe Tilwanyana letincane letimunya ijusi yetitjalo, emaCutworms, iDiamondback moth, iNematodes, ema Root maggots, ne Wireworm.Tifo
Letinye tifo lekumele uticaphele bese wenta kutivikela kito ngema Blackleg fungus, Black root rot, Clubroot, Downey mildew, Loopers, Powdery Mildew, Rhizoctonia Rot, iRust ne Sclerotinia.Kuhlale kucwayiswa kutsi utsintsane nebasendzaweni labatiko ngemakhemikhali kanye nalabasehhovisi noma iagronomist kuhlelo lolukahle lwekuvikela lwesigodzi noma indzawo ledzinga kuhlanyelwa.
Translated by Phindile Malotana