Ngekusho kwe Litiko Lelilima Emkotapeni aseNingizimu Afrika (South African Avocado Growers’ Association – SAAGA), 80% wetihlahla temakotapeni letikhicitwa endzaweni yato eNingizimu Afrika ngema Hass lanesikhumba lesincama kany nenhlobo yenhlanyelo yema Hass lefana ne Carmen, igem, iLamb-Hass kanye ne Maluma.
Inhlanyelo yemakotapeni esikhumba lesiluhlata lesincama kufana ne Fuerte, iPinkerton, iRyan kanye ne Reed kwenta 20% ndzawo yetihlahla tekukhicita. Lenhlanyelo lelinywa kakhulu eNingizimu Afrika ngule Hass ilandzelwe yi Fuerte.
Letinye taletinhlanyelo tiyatsetsela etifenin letitsite bese letinye tingahluka ngetindlela tetidzingeko temanutrition, abe emalungiselelo etingadze tetitselo njengekutincutsa, kusheshe kuvunwe kunakekelwa kwenhlanyelo kuyafana.
Kuhlanyelwa ase Ningizimu Afrika
iBacon
Lenanhlanyelo ikhokha kancane kuya kulokusemkhatsini kanye nesitselo lesisandingilizi nesikhumba lesiluhlata. Letinhlavu letinesikhala takheka njalonjalo.
Reed
Sikhatsi sekugcina se Reed Round sinesitselo lesisemkhatsini kuya kulesikhulu ngebundingilii. Lenyama ingatsi ilintongomane phinze ayibi ngulemnyama uma ijutjiwe. Tinhlavu tayo tincane kuya emkhatsini bese lesihlahla siyincelencele nakubandza.
Edranol
Lelikotapeni le Edranol lelinelintongomane lelivutsiwe ngulelisemkhatsini kuya kulokukhulu, sandingilizi lesa pear ngekuma kwalelikotapeni. Lesikhumba lesiluhlata sinetintfo letingatsi tiyahlaba. Abakhona noma atfolwa ngenyanga yeNhlaba kuya enyangeni yeNyoni. Agcinwa ku +6 °C nangetulu.
Fuerte
iFuerte likotapeni lelatiwako kakhulu eNingizimu Afrika. Limise kweli pear nentsamo lendze kanye nesikhumba lesimelula, lesincama lesiluhlata nalivutsiwe. Inyama ye Fuerte ilimateka melula phindze ikhula ngetinsuku lesitsikhombisa ngekuvunwa. Avutfwa ngekushesha – atfolwa kusuka ngenyanga yeNdlovu lenccane kuya kunyenga yeNgci. Gcina lamakotapeni ku +5 °C nangetulu. Emabala lamnyama ayavela kulesikhumba nakagcinwe lapho kubandza khona kakhulu. Le Fuerte ngulekhokha inhlanyelo ngalokutsite.
Hass
Le hass lemise kwelicandza likotapeni lelincane lelinebusagila, linesikhumba lesicinile, lesiluhlata lesigucuka sibe ngulukhwebeletana lomnyama naselilungele kudliwa. iHass inesinongo lesivutsiwe kanye nelintongomane futsi libakhona ngenyanga yeNkhwenkhweti kuya kunyenga yeMphala. Akahle agcinwe ku +5 °C nangetulu kwaloko. Linemphilo lenhle yaseshelufeni. Lesihlahla sikhula kancane kantsi nesitselo singaba sincane etigodzini letifutfumele noma nangabe tihlahla setikhulile.
Pinkerton
Lelikotapeni le pinkerton ‘linentsamo’ lengiyo nawulicatsanisa nalamanye emakotapeni kantsi futsi linesikhumba lesicinile lesiluhlata naselivutsiwe. Likotapeni lelikhulu lelinesinongo lesinekunongotela kancane kanye nendumbu lencane. Linesikhatsi lesimfisha futsi litfolakala emkhatsini wenyanga yeNhlaba kanye nenyanga yaKholwane. Ligcine ku +7 °C nangetulu.
Ryan
iRyan likotapeni lelimise kwelicandza lesikhatsi sekugcina, lelitfolakala kusuka ngenyanga yeNgci kuya kunyenga yeMmphala. Sitselo lesikhulu lesinesikhumba lesicinile lesiluhlata lesilungela kugcinwa ku +5 °C nangetulu. Kugcinwa kwalokusheshe kwavunwa kusemkhatsini. Tihlahla te Ryan tikhokha lokusindzako phindze tiyavana nesitfwatfwa.
Translated by Phindile Malotana