Go ya ka South African Avocado Growers’ Association (SAAGA), 80% ya mehlare ya Avocado yeo e tšweleditšwego ka mo neseri ya Afrika Borwa e na le matlalo a mantsho, ke dikhalthiba ya mohuta wo montsho go swana le Carmen, Gem, Lamb-Hass and Maluma.
Dikhalthiba tša Avocado tša letlalo le le tala tša go swana le Fuerte, Pinkerton, Ryan and Reed di dira 20% ya taetšo wa tšweletšo. Khalthiba ye e bjalwago kudu ka mo Afrika Borwa ke Hass e be go latela Fuerte.
Dikhalthiba tše dingwe ga di kgone go kgotlela malwetši a mangwe gomme tše mangwe di a fapana go ya ka dinyakwa tša phepo, le ge e le gore mekgwa ya go dirapa go swana le go sega dikenyo, mekgwa ya peakanyo ka morago ga puno, e a swana.
Dikhalthiba mo Afrika Borwa
Bacon
Khalthiba ye e na le poelo ye nnyane le seenywa sa sebopego sa nkgokolo ka letlalo le boreledi le mmala wo tala. Peu e bola ka lebelo.
Reed
Reed round e na le seenywa sa bogolo bja magareng le sebopego sa nkgokolo. Mokgopa o na le tatso ya matokomane gannyane gomme ga o fifale ge o segwa. Peu ya yona ke ye nnyane go ya magareng gomme mohlare wa gona o huetšwa phefo.
Edranol
Avocado ya Edranol ya mohlodi wa matokomane e na le bogolo bja magareng le bokoto, le sebopego sa nkgoko sa go swana le pere. Letlalo le le tala le na le corky lenticels. E gona go tloga ka Juni go Setemere. Boloka ka +6 go ya godimo.
Fuerte
Fuerte ke avocado ya go tsebega ka mo Afrika Borwa. E na le sebopego sa pere le molala wo motelele le letlalo le le sese le boreledi le mmala wo motala ge e butšwa. Mokgopa wa Fuerte o gobala gabonolo ebile o butšwa ka morago ga matšatši a 7 a puno. Puno ya pele – e ba gona go thoma ka Feperware go ya go Agostose. Boloka avocado ye go +5°C le go ya godimo. Marontho a mantsho a hlaga mo letlalong ge le beilwe mo go tonyamg kudu. Fuerte ke khalthiba ye e tšwago mo boithuteding. Dikenywa di okatša ke tulafatšo ya dinose.
Hass
Hass ya sebopego sa lee e na le avocado e nnyane le letlalo le knobbly, le thata la mmala wo tala wo o fetolago go purapura ge o loketšwe go lewa. Hass e na le tatso ya matokomane le gomme e ba gona go tloga ka Mei go ya go Oktoboro. Go kaone go e bea go +5°C go ya ka godimo. E na le bophelo bjo botse bja šelefong. Mohlare wa gona o gola ka go nanya ebile seenywa se ka ba se se nnyane ka mafelong a borutho goba ge mehlare e le ye megolo.
Pinkerton
Avocado ya Pinkerton e na le ‘molala’ wa go tia ge go bapetšwa le avocados tše dingwe gomme e na le letlalo le tala le ge le butšwitše. Ke avocado ye kgolo gannyane, ya go ba le tatso ya go tanta gannyane ya peu ye nnyane. E na le sehla se se kopana gomme e ba gona magareng ga June le Julae fela. O e boloke go 7°C go ya godimo. Mehlare wa gona ke wa tšweletšo.
Ryan
Ryan avocado ya sehla sa morago ga nako sa go ba le sebopego sa lee, se ba gona go tloga ka kgwedi ya Agostose go ya go Oktoboro. Ke seenywa se se golo ka letlalo le makgwakgwa la mmala wo tala gomme se ka bewa go +5°C le go ya godimo. Poloko ya morago ga puno e ka magareng. Mehlare ya Ryan e boima ebile e kgona go kgotlelela tšhwaane.
Translated by Lawrence Ndou