Ngokuya ngokwabatjali bama-Avocado beSewula Africa i-South African Avocado Growers’ Association (SAAGA), i-80% yemithi yama-avocado ekhiqizwa ema-nursery we-Sewula Africa iinekhumba ezinzima, begodu inemihlobo yenkhumba ezifana ne-Carmen, Gem, Lamb-Hass and Maluma.
Ama-avocado anenkhumba ezihlaza afana nomhlobo we-Fuerte, Pinkerton, Ryan kanye ne-Reed eziyi-20% yomkhiqizo yemithi ye-nursery. Umhlobo womuthi otjalwa khulu eSewula Africa yi-Hass, ilandelwe yi-Fuerte.
Eminye imihlobo yentjalwezi ingenwa malwelwe ambalwa begodu eminye iyahluka ngokuya ngokwentlhogeko zezokondleka. Lokha izinto ezenziwa emithini leyo ezifana nokupruniwa kwayo, ukubanjwa kwayo ngaphambi kokobana uvunwe kufana.
Imihlobo Yentjalo Zawo eSewula Africa
I-Bacon
Ezineskhumba esibutjhelelezi esihlaza. Imbewaso izibumba msinya.
I-Reed
I-avocado yomhlobo we-Reed ithela lada inesthelo esihlangana nendawo lokha ezinye zazo zizikulu. Ngaphakathi unga yintongomani begodu awubinzima lokha nawusikiweko.
I-Edranol
I-Edranol yi-avocado enambitheka njengamantongomani ehlangana kwendawo lokha ezinye zizikulu.I-avocado eneskhumba esihlaza esifana ne-corky lenticel. Itholakala kusukela ngoMgwengweni ukufika ngoSewula. Wabeke ku-+6℃ ukuya ngaphezulu.
I-Fuerte
I-fuerte yi-avocado edume khulu eSewula Africa. Ibumbeke njengepiyera inentamo Ede kanye neskhumba esibutjhelelezi, esondileko esihlaza ngombala lokha nayivuthiweko. Ilimala msinya begodu ivuthwa ngemva kwamalanga alikhomba ivuniwe. Ivunwa msinya kusukela ngoMhlolanja ukuya ngoRhoboyi. Beka i-avocado ku-+5°C nokuya ngaphezulu. Ivela amabala anzima lokha nayibekwe endaweni emakhaza khulu, Iinthelo ze-fuerte zibazinengi lokha nayipholenetwa zinyosi.
I-Hass
Ibumbeke yabarondo, godu inga liqanda. i-Hass yi-avocado encani eneskhumba esiqinileko esinamabhambuza, esihlaza satjani ngombala esitjhuguluka sibe nombala onzima osaphephuli lokha nasele ilungele ukudliwa. I-avocado yomhlobo we-hass inambitheka njengamantomgomani begodu itholakala kusukela ngoMrhayili ukuya ngo-Oktoba. Iba yihle nayibekwe emazingeni womtjhiso ayi-+5°C kanye nangaphezulu. Ihlala iskhathi eside ingaboli etjhelifini. Umuthayo ukhula kabuthaka begodu iinthelo zayo zingaba zincani eemfundeni ezifuthumeleko nanyana lokha iinthelo nasele zikhulileko.
I-Pinkerton
Umhlobo we Pinkerton avocado unentamo ebonakalako, lokha nayimadaniswa namanye ama-avocado, begodu ineskhumba esimahadlahadla esihlala sihlaza satjani lokha nayivuthiweko. Iyi-avocado kulu enomnambitheko osudu kanye nentanga encani. Ayitheli iskhathi eside begodu ikhona kwaphela ngenyanga kaMgwengweni neyakaVelabahlinze. Yibeke ku-+7°C nangaphezulu. Imithi yayo ithela khulu.
I-Ryan
I-ryan yi-avocado eyakheke saqanda ethela lada, etholakala kusukela ngenyanga kaRhoboyi ukuya ku-Oktoba. Isthelo esikhulu eneskhumba esimarhadlarhala esihlaza satjani, esiba sihle lokha nasibekwe hlangana kwe-+7°C kanye nangaphezulu. Ngemva kokobana ivunwe ingabekwa amalangana. Umuthi womhlobo we-Ryan uthela khulu begodu awusabi umbethe.
Translated by Busisiwe Prudance Skhosana