Ngekungeta, iNyuvesi yeCornell Medical College itfole kutsi sinongo lesinemandla ku ginger (gingerol) kuphatsa ema enzamu lawenta tinhlayiya kutsi tente lihlwili lelingavikela kufa luhlangotsi linye emtimbeni. Oyili we ginger usetjentiswa ekwelapheni kufafabuka, irheumatism, sifo sematsambo, inkinga yekugaya esiswini, kugonyuluka kanye nelibhabhalazi.
Iyasita nasemakhateni nemkhuhlane kanye nakutimphawu letifana nebuhlungu bemphimbo, kucumbelana, kukhwehlela kanye nasekuvimbaneni. Timo tesikhumba letilashwa nge oyili yeginger tifaka buhlungu besikhumba kanye netibati. Lizinga lekufutfumalisa kwe oyili yeginger kuyasebenta ngesikhatsi sasebusika lesikhatsatako ibe tintfo tayo temandlandla tiyenta umndlandla ngekutelicansi. Ngekuyenta emafutsa ekugcobisa noma isetjentiselwe kunciphisa ingasetjentiselwa sifo sematsambo, buhlungu bemamasela, rheumatism iphindze isite nawugucula kancane phindze nekulapha tibati.
Ngekukhula kancane- kwetihlahla lenetimbali tayo letibukhwebeleti letinhle timphandze kuphela letisetjentiswako. Iphakeme ngema minerali iphindze itfwele vitamin B3 kanye na B5.
Iginger yesiganga yase Afrika ikhula eSifundzeni sase Mphumalanga nesaseNyakatfo kepha ngekuvuna lokwecile lemphandze seyente lesihlahla kutsi sisuswe KwaZulu-Natal. iGinger idzinga umhlabatsi lovundze kahle futsi ingasakateka ngekutsi uhlukanise lesigadla setimphandze ngesikhatsi sasebusika.