I-African Ginger (Siphonochilus aethiopicus) likhambi elilaphaphako nelidume khulu esitjhabeni samaZulu begodu bekukholelwa bonyana libavikela eenyokeni kanye nombani. Ngokungavame khulu begade likghona ukulapha umraro wokungagayeki kuhle kokudla ngendeni, isusa umraro wamarhala kanye nekinga yesifuba nofan ukuvaleka esifubeni okufaka hlangana nokunciphisa umgomani ngokuthi ikwenze ujuluke. Imhlobo ophma phambilli ekulwisaneni nokuvuvuka begodu besoloko isetjenziselwa ukulwisana namagcikwana, iintwala, ukususa iinhlungu kanye nokupha eminye iiphumela yokulwisana nokuvuvuka. Isitjhaba samaSwati sisebenzisa ikhambeli ukulapla imalariya begodu ikghona ukusiza ukukhandela ukugula okubamba iimpera.
Ngale kwalokho, iziko lefundo ephakemeko i-Cornell University Medical College lathola isithako esisenza khulu phakathi kwalo ikhambi le-ginger (gingerol) ngokuthi ivimba i-enzyme ebangela bonyana amasotja womzimba avuvuke begodu ikhandela nokubethwa sifula. Amafutha we-Ginger la asetjenziselwa ekulapheni amaphadlhuko nofana amagazuka, ubulwelwe bamathambo, ikinga yokugayeka kokudla ngendeni, ukuphakanyelwa ziimbindi kanye nebhabhalazi. Isiza khulu ukukhandela nakubonakala amatshwayo wamakhaza kanye nomgomani namaye amatshwayo akhambisana nawo afana nokuphathwa mphimbo, ukupakelelana, ukukhohlela kanye nomraro wamarhala. Ubujamo besikhumba obulatjhwa ngamafutha la kufaka hlangana ukuluma nofana ukuhlohlona kwesikhumba kanye nokuvuvuka.
Okhunye ekwenza kuhle kukuthi inomphumela wokusiza ngokugabdeleleka kwebusika kuthi iincenye zayo ezipha amandla zenze bonyana kuvuseleleke imizwa yokuya emsemeni. Ezintweni zokuzela nofana ngokuhlikihla, ingasetjenziselwa ubulwelwe bamathambo, imisipha ebuhlungu, ukungasebenzi ngenjeyelo kwemisipha begodu isiza khulu kokukhambisa iingazi kanye nokulapha ukonakala kwesikhumba. Kumhlobo wesimilo okhulela phasi smathuthumbo amahle wombala obubende, nokho kusetjenziswa imirabhawo kwaphela. Imumethe amaminerali wezinga eliphezulu kanye nezinye izakhamzimba ezifana ne-vitamin B3 kanye ne-B5.
I-Wild African ginger le imila esiFundeni seMpumalanga kanye ne-Northern Province kodwana ukuvunwa kwemirabhaso khulu kwenze bonyana sitjhabalale esiFundeni saKwaZulu-Natal. Sidinga ihlabathi enothe kuhle begodu zingandiswa ngokuhlukanisa iziqu zazo ebusika.