Nanyana Ukutjalwa
Kutjalwa ngembewu.Indlela Yokutjala
I-spinach sitjalwa phasi ehlabathini begodu kungasetjenziswa i-thinning ukuqiniseka bona kuvulwe isikhundla esilungileko. Kungasetjenziswa nemitjhini ukuqiniseka bona kuvulwe isikhundla esilungileko. Imbewu kufanele itjalwe emamilimitheni ayi-20 ukuya phasi. Imbewu ingatjalwa godu ematreyini wayo, bese ikhitjhwa lokha sele ikhulile, lokha sele imasenthimitha alisumi.Iinkhundla
Iintjalo kufanele zenzelwe iinkhundla nanyana zihlukaniswe ngamasentimitha alisumi kuya kwalisumi nantathu. Ekulingana nama-hectare ayi-160 000+ weentjalo. Abalimi abalima ngehloso yokurhweba balima ngemitjhini, ngasibanga esimasenthimitha ayi-15 kuya ku-25 okupha umtjali, iintjalo ezingaba-250 000+ i-hectare ngayinye.Isikhathi Sokutjala
Nanyana i-spinach singatjalwa unyaka woke, kwaphela ubujamo bezulu nabubuhle, eSewula Afrika kusetjenziswa iinkhathi ezimbili zokutjala. Ukusukela ngoTjhirhweni ukuya ngoSihlabantangana lapha sele kutjhisa khulu, begodu ubusika bungasimakhaza khulu nangoRhoboyi ukuya ngoNobayeni ngaphambi kokobana kutjhise khulu.Isikhathi Sokukhula
Singathoma ukuvunwa ngemva kokutjalwa amalanga ayi-60 ukuya kwayi-70. Ukuqiniseka bona isikhathi somkhiqizo kanye nokobana uvuna umkhiqizo omnengi, i-spinach sitlhoga bona sihlale sine-Nitrogen size sikhule.Ukuvundisa
Ngaphambi kokobana utjale lokha usalungisa ihlabathi, usayihlwengisa nalokha usayifaka i-compost kufanele ufake hlangana i-500 kg kanye ne-1000 kg of Nitrogen, Phosphates kanye ne-Potassium ufake umvango oyi-2:3:2 loyo ehlabathini. Ngemva kwalokho, faka i-250 kg ye-LAN qobe ngemva kweemveke ezihlanu, nangemva kweemveke ezibunane ngemva kokusitjala. Ukusetjenziswa komanyoro weenkukhu one-Nitrogen ephezulu sele kukhuphula isivuno.Ukuthelelela
Thelela ngemva kokutjala nangemva kokoba sele similile. Eenyangeni zokuthoma zokukhula kwesitjalo ehlabathini, kufanale ihlabathi ihlolwe qobe ngenva kwamalanga amabili ukuqiniseka bona akunakugandeleleka ngokomkhumbulo okubangwa buswe ehlabathini. Lokha amazinga womtjhiso aphezulu ihlabathi yoma msinya, ngeveke nanyana kabili ngeveke kufanele kuthelelelwe. Lokha nakupholileko kungathelelelwa ngemva kweemveke ezilisumi. I-spinach sinemirabhu engatjhingi phasi begodu siyazwela lokha kunobuswe ehlabathini. Njeke kubalulekile ukobana uhlole ubuswe behlabathi okungasenani kabili ngeveke.Translated by Busisiwe Skhosana