Kuhlanyela sipinachi
Kuhlanyelwa
Kusukela enhlanyelweni.
Indlela yekuhlanyela
Kuvele ufake inhlanyelo emhlabatsini nasemalayinini kungentiwa khona sikhala emalayinini sibe kahle. Kuhlanyela ngendlela yesilungu kuyentiwa khona kwenta siciniseko kutsi emalayini aba nesikhala lesanele. Tihlanyelo kufanele tishobele 20mm. tihlanyelo tingahlanyelwa kwekucala entfweni lencane bese nasetikhule tingu 10cm tikhiphwe tiyiswe ensimi.
Sikhala
Tihlahla kufanele tibe nesikhala lesingu 10 cm kuya ku 20 cm. Loku kwenta tihlahla letingaba ngu 160 000 kulihecta linye. Balimi labalimela kutsengisa, labo labavuna ngendlela yesilungu bahlanyela tihlahla tisondzelane kube 15cm na 25cm loku kuniketa umlimi tihlahla letindlula ku 25 000 kuli hecta linye.
Sikhatsi sekuhlanyela
Noma sipinachi singahlanyelwa umnyaka wonkhe nangabe simo selitulu sivuma, eSouth Africa timbili tikhatsi letikahle tekuhlanyela. Kusukela nga January kuya ku April lapho khona kushisa lwelihlobo kungekho etulu kakhulu nebusika abubandzi kakhulu lesinye sikhatsi ngu August kuya ku December kungakashisi kakhulu.
Sikhatsi sekukhula
Kucala kuvuna kwemacembe langephandle kungacala emalangeni langu 60 kuya ku 70 emuva kwekuhlanyela. Kwenta siciniseko kutsi sikhatsi sekukhicita siyandza lokutowenta sivuno sibe sinyenti, sipinachi sidzinga iNitrogen emhlabatsini ngaso sonkhe sikhatsi ekukhula kwesipinachi.
Kuvundza
Ungakahlanyeli lapho khona umhlabatsi ulungisiwe, wafakwa lokudzingekako njenge 500 kg kanye ne 1000 kg ye Nitrogen, Phosphates kanye ne Potassium uhlanganise 2:3:2 emhlabatsini. Emuva kwaloko, 250 kg ye LAN ingafakwa emavikini lasihlanu futsi emavikini langu 8 nasohlanyele. Kusebentisa kwemcuba wetinkhukhu losetulu ku Nitrogen nako kukhulisa umsoco emhlabatsini.
Kunisela
Nisela nawucedza kuhlanyela phindze uma kucedza kumila. Enyangeni yekucala kuhlanyelwe, umhlabatsi ufuna kuhlolwa njalo emuva kwmalanga lamabili kuhlola kutsi konkhe kuhamba kahle emhlabatsini. Uma kushisa lapho khona tihlahla toma khona ngekushesha, kunisela kanye ngeliviki noma kabili ngeliviki kuyasita. Etindzaweni letipholile, kunisela kungahlukaniswa ngemalanga lalishumi umhlabatsini losindzako. Sipinachi satiwa ngekuba netimphandze letincane.
Translated by
Thandokuhle Motha