Iimfunda Eziyikhiqizako
ISewula Africa yinarha ekhamba phambili ngokukhiqiza umkhiqizo we-abhilikosi e-Africa yoke kodwana iletha umkhiqizo oyi-16% kwaphela e-Southern Hemisphere, kanye nephesendi yinye kwaphela emkhiqizweni wephasi. Nanyana kunjalo, i-SA sele ihlonitjhwa khulu ngokukhiqiza umkhiqizo wekhwalithi ekhamba phambili, ngokuzwisesekako ofunwa khulu, khulukhulu e-Europe kanye ne-United Kingdom.
Amabhilikosi adlala indima eqakathekileko emlandweni wenarha, ajamele isthelo sokuthoma esathunyelwa eenarheni zangaphandle; ngotjhirhweni ka-1982 lokha kuthunyelwa amakasi wamaperegisi ayi-14, athunyelwa ngenarheni ye-England ngesitimela esikhipha istimu i-Drummond Castle. Njengobana kubikwe yi-Post Harvest Innovation,zinthelo ezingaphasi kwe-5% ekhabe zilimele lokha nazifika lapha gade zisiwa khona ngemva kwemveke ezimbalwa. Lokhu kwatjengisa bona kuyarhonakala kobana iSewula Africa ithumele ngepumelelo iinthelo kwezinye iinarha. Amaperegisi athengiswa e-London’s Covent Garden ngenani elidlula leli ekhabe lilindelweko.
Ama-abhelekosi anentlhogeko ezihlukahlukeneko lokha nakabekwe eenqandisini okuya ngokobana mhlobo onjani westhelo. Lokhu kutjho bona atlhoga iskhatjhana sobujamo bezulu obumakhaza ngaphambi kokobana angathoma ukuthuthumba. Isthelo sikhiqizwa kizo zoke iimfunda zilithoba eSewula Africa, kodwana zikhiqizwa khulu esifundeni sange-Werstern Cape, lapha ubujamo betlayimedi bubuhle khulu kobana kungatjalwa iinthelwezi.
Umkhiqizwabo ugcile emaperegisini, ema-abhilikosini, amapremu kanye neminye imihlobo yama peregisi, begodu amatani ayi-320 000 wenthelwezi akhiqizwa qobe nyaka. Amaperegisi ajamele incenye yazo. Umthambo omncani wama-cherry ukhiqizwa ngomthamo wama-lychees engezeleleke kancani, kancani eminyakeni embalwa edlulileko.
Iimaraga
I-20% yama-abhelikosi weSewula Africa athunyelwa eenarheni zangaphandle, lokha aseleko adliwa enarheni le. Kuthiwa ibubulo lama-abhulikosi we-Sewula Africa lenza imali engange-R2 billion, lapha i-70% yenziwa ngokobana kuthengiswe iinthelo ezifretjhi.
Amanye ama-abhulikosi akakaqakatheki kwaphela emnothweni wenarha le, kodwana enza bona kudaleke amathuba womsebenzi amanengi eendaweni ezisemakhaya, lapha kuqatjhwa khona abasebenzi abayi-24 000 kanye nabantu abathembele kiwo abayi-95 000.
Translated by Busisiwe Prudance Skhosana