Isthelo soMviyo Esizele i-Vitamin C

I-medlar yomango - (Vangueria infausta) inebiso elijayelekleko: i-wildemispel, Mmilo, Muzwilu, Mavelo, Mpfilwa, Umtulwa, Mothwanye, Umvile kanye ne-Amantulwane. Umviyo mumuthi oneziqu ezinengi ohlangana kwamamitha ayi-3 kanye ne-7 ngobude onamakari anga yivevedi. Utholakala ematjeni, entabeni, etjanini kanye nesandeni eduze kwetlhagwini eemfundeni ze-Eastern Cape, Free State, KwaZulu-Natal, Mpumalanga, Gauteng, Limpopo, North West kanye ne-Northern Cape nakwezinye iinarha eSewuala Africa.
Umuthi onenthelo zendabuko lo kukholelwa bna unamandla amambi,ungabanga iinkomo ezisikazi bona zibelethe amakonyana aiduna kwaphela njeke iinkuni zawo azisetjenziselwa ukwenza umlilo. Ngokungafaniko isthelo saso sithandwa khulu (sinambitheka njenge apula) begodu sizele ngevihamni C.
Isthelo somviyo sithoma ngokobana sibe hlaza, kodwana bese siyavuthwa sibe nombala o-orange – onga uba phephuli kusukela ngo. Tjhirhweni ukuya ngoSihlabantangana. Singathoma ukuvunwa lada ngoSewula ukuya ekuthomeni kwaka Khukhulamungu lokha isthelo nasele sivuthwe ngokuzeleko. Nakungasinjalo isthelo singavuthelwa emthini kuze kube ngesiruthwana ukwenzela bona sibe nomnambitheko, nange kunganabungozi bombethe. Isthelwesi siyaphazima begodu sirondo, siyi 3.5 ngobukhulu. Simomile inga siyiflowura sinomnambitheko osudu ukuya koswiri sineleveli ephezulu ye-calcium kanye (Ca) ne-potassium (K). Umviyo usetjenziselwa ukwenza i-dessert nokwenza iwayini. Ishelo esonyisiwekwesi singabekwa sibekelwe iskhathi lapha sitlhogeka khona kodwana kungenziwa ngaso umratha obilisiweko. Enarhen yengeBotswana isthelwesi kwenziwa ngaso ijuzi ezele i-vitamin C.
Umrabhu womviyo usetjenziswa ngokwesiko kusukela kade ukwelapha umalalehlengezela kanye ne-pneumonia. Ukungezelela itiye eyeziwe ngomrabu westjalwesi kanye namakaraso usebenza ukwelapha amanyokani, ubuhlungu obuziwa bomma lokha nabaya esikhathini izinyo kanye nemiraro yesinya. Ihlanganisela yamakaraso egayiweko irhelebha ukwelapha ingogoriyana evuvukileko ebantwaneni. Umviyo ukhula buthaka, kodwana awunamraro ukukhula eendaweni eserhalawumbeni nanyana eziyirhalawumba kanacani emazingeni wokutjhisa ahlangana ne-17 - 28℃. Akusilula ukobana imile lokha nawuyitjala ngembewu kodwana lokha nawutjala imbewu ngoSinyikhaba kwenza bona imile ncono kunalokha uyitjala ngoMgwengweni. Bibha imbewu yestjalwesi ngaphambi kokobana uyitjale. Indlela encono yokutjala istjalwesi kulokha nawusikera kwesinye.

Ukwala Kwezemaphilo

Ilwazeli lenzelwe ukufundisa kwaphela begodu akukafaneli bona lisetjenziswe njengesiyeleliso sezepilo. Ilwazeli alikenzelwa ukujamiselela iinluleko zezepilo nanyana ukulatjhwa okunikelwa ngusiyazi wezepilo.

Translated by Busisiwe Skhosana