I-sour fig litholwa e-Namaqualand esfundeni se-Northern Cape esizombeleze itlhagu ye-Western Cape ukuya e-Eastern Cape. Istjalwesi sibanjwa mlilo. Iinyoka zivamise ukutholwa sihlezi kiso lokha nazizuma amakhondlo arherhwa sthelwesi.Ngaphandle kwamakhondlo, isthelwesi, sithandwa zinlwane zeenyawo ezifitjhani ezigijima khulu/antelope, ingungumbane kanye nabantu.
Isthelwesi siqaleka njengesikhumba esele sitjhwabana esizele imbewu esifana nejeli. Ingaphasi lesthelwesi liyalunywa kumunywe imbewu enga isajeli.
Umnambitheko waso unetjwayi, begodu uswiri, isthelwesi sisetjenziselwa ukwenza ijemu. Ukwenza ijemu fala i-kg ye-sour fig emanzini amakhaza (kanye nesgobho sinye setjwayi) zibibhe ubusuku boke, qhitha amanzi bese uyasikela. Faka amakomitji amabili weswigiri, i-cinnamon kanye nekomitji linye lamanzi kokisa kuze kunamathele. Faka i-sour fig ukokise kuze kube dege isthelo sitjhuguluke umbala sibe bomvu khulu. Sifake ebhodleleni elisteralayiziweko.
I-sour fig inamakari anetswayi begodu angahlafunwa apholise umphimbo obuhlungu, amalwelwe angemlonyeni, ukutjhiswa lilanga, ukulunywa, iinlonda zomgomani, ikhwekhwe ebangwa lidugu kanye ne-blue bottle stings.
Ukusetjenziswa kwaso njengesihlahla okunye kubalwa ukwelapha i-TB (iserabhu eyenziwe ngejuzi yamakari i-olive oil kanye neliju ukwelapha ukuqurhelana (ngokudla isirabhu yesthelwesi) I-sour fig isetjenziswa esifundeni se-Eastern Cape ukwelapha i-diphtheria ( okubulwelwe bempumulo kanye nomphimbo kanye nobulwelwe beswigiri.
I-Sour fig imila kuhle lokha nayikeriweko begodu ithanda ihlabathi engenwa mamanzi nendawo enelanga.
Ukwala Kwezemaphilo
Ilwazeli lenzelwe ukufundisa kwaphela begodu akukafaneli bona lisetjenziswe njengesiyeleliso sezepilo. Ilwazeli alikenzelwa ukujamiselela iinluleko zezepilo nanyana ukulatjhwa okunikelwa ngusiyazi wezepilo.Translated by Busisiwe Skhosana