Ukuphikisana Namapholisa
Ngelinye ilanga sathatha isiqunto sokobana,sidiniwe kusaba amapholisa, begodu sizokuragela phambili nokuhlala. "Nangabe bafuna ukusibulala, abasibulale", satjho njalo. ’Ayisekho into esingayenza. Sizokuhlala’. Kwathi ngesikhathi esilandelako amapholisa nakeza nezinja sazihlalela. Basibuza ’Kwenzakalani?’ Sabaphendula ngokobana, "Siyathanda ukuhlala la.
Asikhambi ngombana ayikho enye indawo esingahlala kiyo." Basilisa. Ngemva kwalokho saya e- Black Sash, sayobabikela. I-Black Sash yasiphendula ngokobana, ”Kulungile Kuhle.” Amapholisa, eza godu nagodu, baphetha ngokusilisa.
Ngesinye isikhathi, bebasithusa, beze eduze nezinja zabo, benze Inga bazosilumisa ngazo. Kodwana besivele sizithuke, sibatjele bona asiyi ndawo, basilise. Zange basithinte. Bebangazami ukusibulala. Beifuna ukuzithusela nje kwaphela, basiqothe.
Ilanga elimbi e-Crossroads
Ngelinye ilanga abadosi phambili behlangano ye-ANC beza endaweni ye- Crossroads, u Johnson Ngxobongwana,wasibizela soke emhlanganweni wathi sizokubonisana ngemiraro yethu. Wathi sinhlangane ngaphandle kwesikolo se Uxolo, sitjhagale sazise amapholisa bona asiyindawo.Sakhamba soke,abantwana, naye woke umuntu. ”Maye! Lelo kwaba yilanga elimbi” yoh, yoh, yoh! Sasiyi-500.
Amapholisa ezagodu ngemveni zawo ezikulu, izinja, nengidi. Sasivuma ingoma ethi, Nkosi Sikelel'iAfrika ngaphandle kwesikolo, siyi-500 njalo. Basitjela ngempikara zabo bona sikhambe. Sathi awa. Woke amapholisa eza kithi agijima.
Asibetha ngezambogo nengodo. Maye! basibetha. Abanye abentwana bebalele phasi. Nangabe gade umbethe amanyathelo, awa bewubaleka bezilahleke. Abentwana batjhinyekga, abanye balimala. Yoh, yoh, yoh! Mhlokho, kwakulilanga elikhulu. Pheze woke umuntu walimala, Kodwana mina khange ngilimale Ngabaleka. Ngangisesemncani begodu ngikgona ukugijima.
Kodwana akusi ngibo boke abamuntu abakgona ukugijima. Bathatha uNgxobongwana bamfaka evenini, bamusa ehlathini, bambetha. Bambuyisa, bamlahlela esikolweni.
Khabe opha, anganathemba, imbambo zakhe ziphukile, umkhonwakhe munye nawo uphukile. Gade angasakgoni ukwenza litho, nakabuyako. Gade aphukile. Kwafanela bona asiwe esibhedlela begodu kwathatha isikhathi bona abebhedere mhlambe iinyanga ezintathu. Waragela phambili ngokubamdosi phambili wethu. Kwathi amapholisa nakabuyako ngeskhathi esizako, sazihlalela naye zange abaleke.
Ukubhala Ukukhamba
Ngelinye ilanga indodakazi yami, iqeda ukubusiswa ngontwana, ngonyaka ka-1978 nanyana -1979. Ipholisa uBasson, weza godu, wasibona sihlezi ehlabathini etjhisako elangeni nomtwana. Wathi kimi, ’Gogo, kungebanga lani uhlala lapha? Kubayini ungayi ekhaya?
’ Ngaphendula ngokobana, ’Ngizakuyaphi? Alikho elinye ikhaya lami.’ Wathi, ’Wabelethelwaphi?’ Ngathi, ’Ngabelethelwa eWynberg, nina bantu nasiqotha khona.’ Wathi, ’Wabelethelwa eWynberg, eKapa?’ Ngathi, ’Iye, Nasiqotha.’ Khange angiphendule. Wakhamba. Kwabayihlandla lokugcina eza. Into engamtjela yona le, kwakuliqiniso. Anginasiqiniseko sokobana, kungabana lani khange baseza, kodwana basilisa, sakha imikhukhwethu lapho, sahlala.
Translated by Busisiwe Skhosana