Indoda eqinileko, Engagobekiko
Gade ayindoda eqinileko engagobekiko ubabami, uVictor Thamsanqa Ngqono gade asibonelo esihle kimi, ngimhlonipha begodu ngimthanda. Gade angutitjhere wamabanga aphezulu kodwana woke malanga nakabuya eskolweni gade aya emasimini ayokulima isphila sakhe imigade neminye imirorho agade nemithi yakhe yenthelo.
Gade amanzi wokuthelelela ingadi namasimi wekhaya awathatha edamini elikhulu elise duze. Gade asitjela bona, akarhoni ukujamelana nomkhumbulo wokobana silambe ngombana, nawuyindoda, 'kufanele usebenze urhone ukondla umndenakho'. Njeke besingalambi.
Ukuzimisela Okungapheliko
Nagade kwenzekile silale msinya, gade avuka godu phakathi kobusuku athi, 'ngivukela ukuyokuhlola woke amaphayiphi wokuthelelela.' 'Ngo-2 wamasa gade avuka godu, athi’ngisayokuqiniseka bona iinkomo azikabaleki esibayeni', nanyana ngisasa etregere emasimini godu.
’Ngangazi bona uvukile phakathi kobusuku ngombana gade ngimuzwa akhamba khamba enza namahlaya nomma. ’Sthandwa, vuka, vuka.’ Kufanele usebenze,uyazi.Kufanele usebenze budisi’, atjho njalo. Bese bayahleka. Gade akuthatha ukuhlekisa kodwana, phew gade anokuzimisela okungapheliko.
Iimfundiso Zemali
Iminyaka elisumi yangaphambi kokobana ahlongakale, wathenga indlu phezulu entabeni, eduze kwayo gade kunevikili elibizwa Deckert's Hill Trading Store, ekhuweni elalibizwa Mnumzana bona ngu Groenewald. Kwakuyindawo ehle, sirhona ukubona iintaba eziyizombelezileko namasimu amakhulu.
Ngitjho nangonyaka ka-1995, nekumnyaka abhubha ngawo sele amdala gade asasebenza budisi eplasini lakhe, atjala amabhontjisi anzotho, neminye imihlobo yamabhontjisi, imigade, ama-peas, nama-squash, butternut, eggplant, cauliflower kanye namakhabitjhi. Gade anganabo abasebenzi abamrhelebhako, njeke safunda sisese bancani ukupeta ukuhariga, nokuzitjalela imirorho yethu.
Bengikuthanda khulu lokho, ngombana koke ukudla kwethu bekuvela engadini yethu. Ubaba gade angawusebenzisi umrholwakhe, gade awubulunga woke esefeni. Gade lingekho ibulungelo lemali ngeskhatheso, njeke ubaba wazithengela isefo sakhe. Gade athanda ukuthi kithi 'ningabizingebengu nanyana ababolekisi bemali. Imali enye nenye onayo, yihlukanise kathathu. Yinye ibe ngeyokudla, enye uyibulunge, yesithathu ilinde lokha abantu bagula ekhaya.' njeke besihlala sinokwaneleko.
Unomthetho Oqinileko, Kodwana Ulungile
Ngelinye ilanga ubaba bamfudusela eskolweni esinye akhange arhole unyaka woke.Unyaka loyo, gade athatha imali ayibulunge e-spaar boxsini sakhe athenge ngayo izinto esizitlhogako, kodwana saragela phambili sidla emirogo egade siyikha emasimini wekhethu.
Kwathi lokha athola woke umrholwakhe kurhulumende,wawumuhle kokobana wathenga itregere etja yekwa-John Deere wayithengela ukulima ngayo amasimu wakhe ukwenzela, bona azokukhula khulu. Gade anenkomo ezinengi, azi oda e-Transvaal, zafika ngestimela semithwalo.
Ubaba waye nemithetho eqinileko kodwana alungile, wasithengela imilelenjani emitjha edorobheni elikhulu eduze ne-Queenstown, ukwenzela bona nakafuna ukusithuma emavikilini siye masinya, singadinwa. Ekupheleni kwenyanga gade akhamba nathi e-Queenstown ayosithengela izambatho e-Bloomenthals ne -Sales House. Besizizwa sikhethekile.
Translated by Busisiwe Skhosana