Ntumbuluko wa Tona
Ntumbuluko wati nectarine awu tiveki, kambe ti ehleketeleriwa kuva ti tumbuluke kutlula kwalomu ka 4 000 wa malembe lawa ya hundzeke e China, himinkarhi leyi kunga sungula ku byariwa mapecisi emakaya. Tinxaka totala namuntlha ta mihandzu leyi tivikiwa kuva ti tumbuluke e Dzongeni wa China.
Ti nectarines na mapecisi i muxaka wun’we kambe loko swi xavisiwa switekiwa swiri mihandzu leyi hambaneke. Kuhambana lokukulu hileswaku ti nectarines tina swin’wana leswi endlaka leswaku nhlonge yatona yirhetela, loko mapecisi yari na voya nyana eka nhlonge. Ehandle ka leswi, ti nectarines hi xitalo ti nyanganya titlhela tiva tintsongo nyana eka mapecisi.
Vito ‘nectarine’ ritumbuluxiwe rosungula e England kwalomuya kava 1616, kumbexani hikwalaho ka rito ‘nectar’ leri vulaka kunyanganya ka muhandzu. Tiko ra China ri famba emahlweni eku humeleriseni ka mihandzu yati nectarine.
Ti Nectarines ta Afrika Dzonga
Ti nectarines, xikan’we na mapecisi, hi yin’wani ya mihandzu yosungula kuva yi byariwa e Afrika Dzonga endzhaku ka kufika ka Jan van Riebeeck hi 1655. Hi 1892, ti nectarines na mapecisi aswiri misinya yotala swinene leyi ayi byariwile e Cape Colony.
Ndzhawu ya Vuhumelerisi
Ti nectarines ti humelerisiwa e tikweni hinkwaro ra Afrika Dzonga, kambe vuhumelerisi byotala byi huma e Western Cape. Kuya hi Hortgro Tree Census ya 2018, Ceres yina kwalomu ka hafu wa vuhumelerisi bya nhlayo leyikulu swinene leyi kumekaka kusuka e Wolseley, Tulbagh, Klein Karoo, Paarl, nale Northern Province.
Tinxaka ta ti Nectarine
Tinxaka to hambana hambana ta ti nectarine ti byariwa, hi xiboho xakuva muxaka wokarhi wu byariwa swihlohleteriwe hi swin’wana swa mbango naku laveka ka timakete. Van’wamapurasi va cinca swibyariwa swa khale hi tinxaka letintshwa leti antswisiwaka loko tiva kona.
Hi 2018, Alpine akuri muxaka lowu byariwaka swinene, wa landzeriwa hi wa August Red. Tinxaka tin’wana tikatsa Royal Ruby, Super Star, May Glo, Luciana, Fantasia, Sunburst, Skye, Tiffany, Artic Wolf, Sunlite, Garofa, Margaret’s pride, Crimson Glo, September Bright, Summer Fire, Fire Pearl, Garcia na Summer Bright.
Ti nectarine ti hambana hikwala ka swilaveko swa tona swaku titimetiwa, nkarhi wo vupfa, xivumbeko xa tona xikan’we naku khomiwa hi mavabyi yo hambana hambana. Nhlonge yatona la handle yitala kuva yobasa kumbe xitshopani.
Nguva
Nguva ya vuhumelerisi e Afrika Dzonga yiya hi xiyimo xa maxelo, ndzhawu ya vuhumelerisi na muxaka wa swibyariwa. Yitala kusungula hi October eka March, laha kungana nhlayo yintsongo leyi humelerisiwaka hi April. Nguva ya vuhumelerisi yi pfumelela tiko ku phakela ti nectarines kuya eka matiko lawa yanga e Northern Hemisphere hinkarhi lowu vuhumelerisi endzhawini liya abyiri ehansi.
Vuxavisi e SA
Afrika Dzonga, hikwalaho ka muphakeri ntsongo wale handle, switise ndzhuti wa kahle eka khwalithi ya mihandzu leyi xaviseriwaka matiko yan’wana. Nhlayo yati cartons leti xaviseriwaka ematikweni mambe yitlakukile eka malembe lawa ya hundzeke, laha kungana kutlula hafu ya nhlayo leyi yaka e United Kingdom. European Union nale Middle East nawona ya teka xiphemu xikulu, loko nhlayo yintsongo yikongomisiwe eka swihlala swale Indian Ocean, Russia, Far East, Asia nale ka swiphemu leswinga sala swa Africa.
Switirhisiwa
Ti nectarines tile henhla hi fibre, vitamins nati minerali naswona tina leswivuyerisaka swa ximilani swofana nati antioxidants leti sirhelelaka miri eka ku khalabya. Muhandzu na nhlonge swa dyiwa, kambe nyungu leyingale ndzeni ya cukumetiwa. Ti nectarine ti dyiwa titetano naswona titlhela titirhisiwa kahle nale ka ti saladi.
Switsundzuxo
Loko u xava ti nectarine, hlawula leto rhetela, to tiyela, titlhela tivangama. Ti nectarine tinga vupfisiwa hiku vekiwa eka ntewani na mihandzu yin’wani, yofana na ma-apula kumbe na tibanana. Xin’wana xinga endliwaka, ku engetelela vutomi bya tona endzhaku ka ntshovelo iku tiveka eka xigwitsirisi ku endla leswaku ku vupfa ka tona ku nonoka.
Nyungu ya tona yinga susiwa hikuva ku tsemiwa ti nectarine hile xikarhi, kutani kupfuriwa swiphemu swimbirhi hiku swihundzuluxela eka matlhelo yambirhi yo hambana.
Translated by Ike Ngobeni