Vito rantolovelo: Cucumber
Ti cucumber ti humeleriseiwa ku xavisiwa, e Afrika Dzonga, eka ndzhawu leyi pfulekeke kumbe eka ti greenhouse. Nawu nkulu hileswaku vahumelerisi lavakulu vati cucumber leti tirhisiwaka ku endla swin’wana vaswi endlela emasin’wini naswona ti cucumber leti diywaka taha tsakama tihumelerisiwa hi xitalo eka ti greenhouse, leswi swi endla leswaku titshama tirikarhi ti kumeka naswona kuna mphakelo watona lembe hinkwaro.
Cucumber i xiphemu xa ndyangu wa Cucurbitaceae, tani hi makwembe, makavatlaxikan’we na quash.
Ti cucumber ti ehleketeleriwa kuva ti tumbulukile e Dzongeni wa Asia nale ka swiphemu swale n’walungwini nale Dzongeni wa Asia.
Nhlamuselo ya Ximilani
Ximilani xa cucumber i ximilani lexi navaka xiphasaphasa, laha loko xingari na nseketelo wa trellis kuva xikhandziya, xita tata ndzhawu yikulu ya misava. Ximilani xina matluka ya rihlaza lawakulu lawa yangana voya kutani yava na xivumbeko xa xiphemu xa triangle. Ximilani lexi xiseketeriwa hi timintsu totiya swinene letingavaka mitara yin’we hambi leswi timuntsu letivuyerisaka tinga eka misava yale henhla ya misava.Ximilani xihumesa mabilomu ya xinuna naya xisati ya xitshopani. Mabilomu ya xinuna ya huma kusungula kutani ku landzela ya xisati. Mabilomu ya xisati yana xivumbeko xo hlawuleka laha yanga kukumuka etshakwini ya bilomu leswi eku heteleleni swihundzukaka mihandzu. Kwalomu ka 10 ra mabilomu ya xinuna yava kona eka bilomu rin’wana na rin’wana ra xisati.
Tinxaka timbuirhi letikulu tati cucumber leti humelerisiwaka, i cucumber ya ntolovelo, leyi humesaka muhandzu lowunga kwalomu ka 20 cm hiku leha naswona English cucumber hi leyi kulaka yiva exikarhi ka 30 na 40 cm hiku leha. Ku anama ka cucumber ka ntolovelo loko yiringanerile ku khiwa yiva yiri eka 4 kuya eka 5 cm.
Switirhisiwa
English cucumber yitala kutirhisiwa kuva yi dyiwa yaha tsakama tani hi salad hikokwalaho yinga tala mati xikan’we na nhlonge leyo vevuka. Kasi cucumber ya ntolovelo yinga dyiwa yi vandliwile hikuva yina nhlonge yotsindziyela naswona ya dzunga. Cucumber yantolovelo ayina mati yotala naswona yitirhisiwa eka kuhumelerisa swakudya swokarhi. Ti cucumber ta khiwa tahari tintsongo tani hi matsavu lawa yantsongo.Ntirho wa cucumber iku engetelela ku humesiwa ka mitsakamiso naswona yi basisa mpfuvelo wa swakudya. Yitlhela yi fayelela ti uric acid naswona kuvikiwa leswaku yikahle eka lava karhatiwaka hi arthritis.
Swilaveko swa Misava na Ndzulamiso
Ximilani xa cucumber xitsakela misava leyi tswongaka mati ya sandy leyingana nhlayo yale henhla ya swakudya. Laha pH ya misava yinga exikarhi ka 6 na 7.Teka swikombiso swa misava kutani uswi yisa kuya kambisisiwa. Rima kuya fika eka 500 mm ya misava yale henhla leswaku swakudya leswi lavekaka kuya hiku hleriwa ka misava xikan’we naku nghenelela ka timintsu na mati.
Lulamisa ti seedbeds kwalomu ka 4 wa mavhiki loko kungase byariwa. Leswi swibasisa nhova eka misava xikan’we naku susa masalela ya swibyariwa swa khale. Swikahle swinene ku byala mbewu eka ti beds leti tlakukeke letinga funengeteiwa hi plastiki rantima kumbe kundlaleriwa. Loko ungase funengeta ti seedbeds tiyisisa leswaku u vekela swocheleta hiswona u tlhela u tiyisisa leswaku yina pH leyi lavekaka kutani u rimela manyoro kuya fika eka 20 cm ya misava yale henhla u tlhela u rima hiku tirhisa disc harrow kumbe cultivator.
Maxelo
Maxelo yo oma lawa yangana timpfula tintsongo ya kahle kuva ku byariwa ti cucumber. Mahiselo ya misava yale henhla ka 15°C ya laveka leswaku mbewu yita mila kahle. Mahiselo ya kahle swinene yakuva ku huma mabilomu na mihandzu yale xikarhi ka 20°C na 24°C. Kukula kahle ka swimilani swihumelela exikarhi ka 26°C na 30°C. Kambe ya kahle yale xikarhi ya nguva yokula ka cucumber yale xikarhi ka 22°C na 28°C. Ku tsakama ngopfu na timpfula totala aswikahle hikuva swihlohletela kunghena ka mavabyi.Swibyariwa
Kuna tinxaka totala swinene tohambana hambana na mihlovo yo hambana yati cucumber ta ntumbuluko na leti antswisiweke. Xakahle iku hlawula ku byala ti cucumbers leti tsakeriwaka e makete. Kukatsa naku kuma switsundzuxo eka vativi, vatsundzuxi va horticulture na vativi va mbewu.Tinxaka ta cucumber leti xavisiwaka i: Ashley, Beit Alpha, Carmen, Cohiba Delft, Long White, Marketmore, Muncher, National, Polaris, Sorolla, Straight Eight, Telegraph, Trimax na Zena.
Translated by Ike Ngobeni