Ku Byala Kwembe na Hubbard Squash

Mabyalelo

Kwembe na Hubbard Squash swibyariwa hi mbewu/tinyungu. Mbewu yikumeka endzeni ka muhandzu wa kona.

Ndlela yo Byala

Ku byala swi endliwa hiku byala mbewu himavoko kumbe kutirhisiwa muchini. Ku byariwa ka swimilani leswinga lulamisiwa eka ti seed trays letingana peat kumbe swimilani swale xikarhi swidumile swinene hikuva leswi swiendla leswaku kuhatlisa ku tshoveriwa. Mbewu yinga byariwa naswona yihatla yi mila laha kunga fuleriwa kumbe eka greenhouses eka maxelo yotitimela ya xixika hi nhweti ya July nale masunguleni ya August.

Xipesi

©Louise Brodie

Tinxaka leti phasanaka tifanele kuva tivekiwa eka xipesi xa 75 kuya eka 100 cm hiku hambana eka mintila leyinga 200 cm hiku hambana. Leswi swile xikarhi ka 5 000 na 8 000 wa swimilani hi hectare. Kasi muxaka lowu tlhumaka wa xihlahla wufanele ku vekiwa eka 50 kuya eka 75 cm hiku hambana eka mintila leyinga 150 kuya eka 200 cm hiku hambana. Leswi swile xikarhi ka 8 000 na 10 000 wa swimilani hi hectare.

Nkarhi woByala

Kubyariwa ka mbewu ya makwembe kumbe squash switala ku endliwa loko mahiselo ya misava ya tlakuka hi nhweti ya ximunwana. Leswi swingava nkarhi wihi na wihi kusukela eka nhweti ya September kuya e masunguleni ya October.

Nkarhi woByala

Kubyariwa ka swimilani swiendliwa loko mahiselo ya sungula ku tlakuka, nkarhi lowu fananaka naku byala mbewu. Lowu kuva kuri nkarhi wale xikarhi ka September kuya e masunguleni ya October.

Nkarhi woKula

Hubbard Squash yi tshoveriwa kwalomu ka 14 kuya eka 16 wa mavhiki endzhaku kaloko mbewu yibyariwile.
Makwemba ya lava nkarhi woleha nyana naswona yava ya lulamele ntshovelo exikarhi ka 16 na 18 wa mavhiki endzhaku ka kubyariwa ka mbewu.

Kunonisa Misava

Switala kuva swiringanerile ku nonisa misava kambirhi, kan’we loko kubyariwa nakambe exikarhi ka 6 kuya eka 8 wa mavhiki endzhaku ko byala. Eku byaleni, chela nkatsakanyo wa manyoro yanharhu lawakulu, Nitrogen (N), Phosphate (P) na Potassium (K). Leswi swingava hi ndlela ya kwalomu ka 750 kilograms ya 2:3:4 (30) hi hectare kutani yirimeriwa hi xikomu eka 20 cm ya misava yale henhla loko kungase byariwa mbewu.
Loko mbewu ya kwembe na Hubbard squash yibyariwe emisaveni kumbe kucheriwe manyoro lawa yanga laha henhla yanga cheriwa endzhaku kaloko swimilani swimirile kufika eka 5 cm hiku leha. Ringeta ku chela manyoro lawa emintileni ekusuhi swinene nalaha kungana timintsu naswona uta papalata ku phamela nhova. Nhova yifanele ku lawuriwa eka mavhiki yosungula. Ku cheriwa ka manyoro ravumbirhi ya kwalomu ka 300 kilograms ya LAN hi hectare yanga cheriwa kwalomu ka 6 kuya eka 8 wa mavhiki endzhaku ko byala.

Ku Cheleta

Kutsakama ka misava swifanele ku vekiwa tihlo kuringana ka mbirhi hi vhiki. Leswi swiendliwa hi mavoko hiku tirhisa xipedi kumbe auger hikuva ti vekeriwa eka masimu hinkwawo. Ntshikelelo wo pfumala mati wa onha swinene naswona swinga kavanyeta mbuyelo.
Hi xitalo 30 mm kuya eka 35 mm ya ncheleto hi vhiki wuringanerile. Loko mahiselo ya tlakuka swivula leswaku macheleltelo yafanele ku cinca hindlela leyifaneleke. Tani hileswi timintsu tinga laha henhla nyana nchelelto wunga avanyisiwa kuva wuva kambirhi hi vhiki. Leswi swihlohleteriwa ngopfu eka misava leyingana sandi naswona loko maxelo yari ehenhla.

Translated by Ike Ngobeni