Vito ra ntolovelo: Pumpkin and Hubbard Squash
Nhlamuselo ya Ximilani
Kwembe na Hubbard Squash hivumbirhi i tinxaka ta swibyariwa swa squash. Swimilani swakona swingava swotlhuma kumbe himinkarhi kuva leswinavaka swiphasana. Swimilani swa makwembe na hubbard squash swihumesa mabilomu lya xinuna na xisati. Makwembe yangava na mintlawa ya orange, yobasa kumbe lawa yangana nhlonge ya mpunwa.Muxaka wati hubbard titele kambe kudume ngopfu leta muxaka wa rihlaza ro dzwihala na muxaka wa muhlovo wa orange. Kuna muxaka lowunga leha na lowuntsongo leyi milaka yitele.
Switirhisiwa
Makwembe na hubbard squash hinkwaswo switirhisiwa eku swekeni naswona swa virisiwa, swikatingiwa, swi swekiwa kumbe frayiwa. Hivumbirhi swinga endliwa mukapu kumbe swi endliwa supu, ku tirhisiwa eka ti pies kumbe ku hlayisiwa. Matsavu lawa yana swakudya swa kahle swotala swotani hi beta-carotene, Vitamin A na Potassium.Mbewu yakona yile henhla hi Zinc naswona yinga tirhisiwa eka xinkwa, ti salads kumbe yi dyiwa yite tano. Makwembe na squash swinga phameriwa swifuwo, tani hileswi van’wamapurasi vatirhisaka xiphemu xokarhi xa ximilani lexi, lexinga lulamela ku xavisiwa kumbe kuva xidyiwa hi swifuwo.
Swilaveko na Ndzulamiso wa Misava
Misava ya sandy kuya eka loam hiyona yinga kahle swinene. Misava yifanele ku tswonga kahle mati naswona yiva na swakudya swale henhla. pH ya misava yifanele kuva exikarhi ka 6 na 7. Loko kuri na swimilani swo engetelela leswi faneleke ku byariwa swifanele ku endliwa kwalomu ka 12 kuya eka 16 wa mavhiki loko kungase byariwa, hinkarhi lowu swimilani swa khale switshoveriwile naswona nhova yifanele kurimeriwa e hansi ka misava.Rima hiku tirhisa disc plough leswaku misava yita ringanela endzhaku ko rimela swimilani. Byala mbewu ya swimilani swo engetelela kutani u harika mbewu emisaveni endzhaku ka sweswo. Leswi switala ku endliwa loko kunga se fika xixika leswaku swimilani swita kota ku mila kahle. Ku pfuneta kukula ka swimilani swo engetelela, swa tsundzuxiwa ku chela nitrogen ya kwalomu ka 150 kilograms ya LAN (28) hi hectare endzhaku kaloko se swimirile naswona swiri eka 10 cm hi ku leha.
Kwalomu ka 10 wa mavhiki loko ungase byala, misava yifanele ku hleriwa. Endzhaku ka 5-6 wa mavhiki endzhaku ko byala unga tsema swimilani swo engetelela kutani u chela swakudya leswinga lavekaka kuya hi mbuyelo. Leswi kungava Gypsum, lime ya pH kumbe superphosphates. Eka nkarhi lowu engetela swakudya hi xivumbeko xa manyoro, loko ya laveka. Landzelela leswi hiku rimela ehansi misava kwalomu ka 500 mm kuta katsa hinkwaswo.
Vhiki rin’we loko ungase byala tlhela u chela manyoro kutani uya rimela e hansi kwalomu ka 20 cm ya misavakutani u lulamisela ku byala mbewu eka ti beds.
Maxelo
Kwembe na squash switirha kahle swinene eka maxelo lawa ya kufumelaka lawa yanga exikarhi ka 20°C na 30°C eka nguva yobyala.Mahiselo ya misava yafanele kuva yari eka 18°C leswaku mbewu yita kona ku mila kahle. Tani hileswi swimilani leswi swivaka na mabilomu ya xinuna na xisati, swalaveka kuva na nhlayo yale henhla ya mabilomu ya xisati tani hi leswi switlakusaka mbuyelo. Mahiselo ya 35°C kumbe yale henhla loko kutshunela kuhuma mabilomu, loko nhlayo ya mabilomu ya xinuna swihunguta mbuyelo.
Swibyariwa
Kuna tinxaka to tlula dzana letingakona ku hlawula eka tona. Swikahle kukuma switsundzuxo eka kusuka eka mutivi wa mbewu kumbe extension officer. Switlhela swivana nkoka kukuma switsundzuxo kusuka eka makete laha kungata xavisiwa kona na vaxavi. Kunguhata kuya hiku makete wu lava yini.Vona tinxaka tin’wana laha hansi:
Pumpkin: Crown Prince, Flat white Boer, Ford, Jarrahdale, Long Island Cheese, Queensland Blue, Star 7001 na 7022
Hubbard Squash: Green Hubbard, Chicago Warted, Golden Hubbard, Essex Red na Blue Hubbard.Translated by Ike Ngobeni