Ligama le Sayensi: iCucurbit Maxima
Ligama Lelatiwako: Litsanga ne Hubbard squash
Inchazelo ye Sitjalo
Litsanga ne Hubbard Squash kokubili tinhlobo te squash noma tenhlanyelo. Letitjalo tingaba salihlashana-kufana noma etintfweni letiningi yimivini ledonsako ngetulu kwemhlaba. Litsanga ne Hubbard squash sitjalo lesikhokha timbale letindvuna naletinsikati. Ematsanga angahlukaniswa ngetinhlobo letiluphuti, mhlophe noma mphunga ngesikhumba/sigogo. Ema Hubbard maningi kepha lamaningi latiwako tinhlobonhlobo letiluhlata lotopele na luphuti ngelibala. Letinhlobo letiningi letinkhulu kanye netinhlobo letiningi letincane letinsha lesetihlume ngekwatiwa.Kusetjentiswa
Litsanga ne Hubbard squash kokubili kusetjentiswa nakuphekwa futsi kuyabiliswa, kuyashisiswa, kuyatfoswa noma kuyahashulwa. Kungacatwa bese kwentiwa isuphu, kusetjentiswe kuma pie noma kwentelwe kugcinwa. Letitibhidvo tilungele indlela lencono ye beta-carotene, Vitamin A ne Potassium. Letindumbu tiphakeme nge Zinc futsi tingasetjentiswa esinkhweni, kusaladi noma tidliwe tinjalo.Ematsanga ne squash kuphindze kunike kudla kwetilwane letikahle, njengoba ngaletinye tikhatsi balimi basebentisa incenye yalenhlanyelo, lengakalungeli kutsengiswa, kube kudla kwetilwane.
Emalungiselelo Emhlabatsi kanye Netidzingeko
Umhlabatsi losihlabatsi loya kulohlangene ulungile. Umhlabatsi kumele ucenge kahle futsi ube nendlela lekhicitwa etintfweni letiphilako ngako loku kumele kwenteke kumaviki lalishumi nakubili kuya kulishumi nesitfupha ngaphambi kwekuhlanyela, ngesikhatsi uma lolokusele kwenhlanyelo yaphambilini kanye nelikhula kuhlanyelwa ngekhatsi. Kuhlanyela ngelikhuba lendzawo lengetulu kwentela kulinganisa ngemuva kwekuhlanyela inhlanyelo lesele. Hlanyela inhlanyelo yetindumbu levalekako bese uvala kuletindumbu ngemuva kwaloko.Loku kuvama kwenteka ngaphambi kwekungena kwe busika kwentela kunika kuvaleka kwenhlanyelo kwesikhatsi kwentela kutsi kuticale kona. Kuze wentele kungetelela kukhula kwalenhlanyelo levaliwe, niyacwayiswa kutsi nente kufaka kwe Nitrogen lengaba ngema kilograms lalikhulu nemashumi lasihlanu eLAN ( emashumi lamabili nesiphohlongo) ngelihekitha linye ngemuva nje seyakhekile futsi ingaba ngemasentimitha lalishumi ngekuya etulu.
Kumaviki lalishumi ngaphambi kwekuhlanyela, yenta kutsi lomhlabatsi uhlolwe. Kumaviki lasihlanu kuya kulasitfupha nawucedza kuhlanyela juba lenhlanyelo levalekile bese ufaka emanutrients langadzingeka kusuka kumiphumela yemhlabatsi lohloliwe. Loku kungaba yi Gypsum, ilime ye pH noma isuperphosphates. Kulesisikhatsi ngeta tintfo letakhekile etintfweni letiphilako ngendlela yamanyolo noma umcuba, umakudzingeka. Landzela loku ngekuhlanyela lomhlabatsi uyephansi ku ma mm lamakhulu lasihlanu kwentela kuhlanganisa kutotonkhe tintfo.
Liviki linye ngaphambi kwekuhlanyela faka kwekuvundzisa ungakahlanyeli bese ugubha ngelikhuba ngetulu kwemhlabatsi longemasentimitha lamashumi lamabili bese ulungiselela umbhedze wekuhlanyela wekugcina kwentela tinhlavu noma titjalo letincane.
Simo selitulu
Ematsanga kanye ne squash kwenta kahle esimei selitulu lesifutfumele nekushisa lokusemkhatsini wa 20°C na 30°C kulesikhatsi sekuhlanyela.Kushisa kwemhlabatsi kumele kube ngu 18°C kwentela kukhula kwetindumbu kutsi tivele.
Njengoba letitjalo tiveta timbale letindvuna naletinsikati, kuyanconotwa kuba neliphesenthi leliphakeme lwetimbali letinsikati kkube loku kukhulisa umkhicito. Kushisa kwa 35°C noma lokuphakeme lokuholela etulu ku kanye nangesikhatsi sekwakheka kwetimbali, kukhulisa leliphesenthi letimbali letindvuna letakheka phindze kunciphise umkhicito.
Tindzawo tekuhlanyela
Tikhona tingetulu kwelikhulu letehlukene longakhetsa kito. Kumcoka kufuna Lusito kulabo bendzawo labanelwati ngetindumbu kanye nalosehhovisi. Kantsi kuphindze kumcoka kufuna lwati kulabatsengisako nalabadlako. Hlanyela loko lokufunwa yimakethe.Letinye letehlukahlukene letiningi tibhaliwe ngentasi.
Litsanga: iCrown Prince, iBoer Lepatalele lemhlophe, iFord, iJarrahdale, iCheese yase Long Island, iQueensland Blue, Star 7001 ne 7022
Hubbard Squash: eGreen Hubbard, eChicago Waarted, iGolden Hubbard, iEssex Red ne Blue Hubbard.Translated by Phindile Malotana