Kukhokha kancane
Kukhokha kancane kwelitsanga ne Hubbard squash nguletindumbu. Letindumbu takheka kulesikhala ngekhatsi kwalesitselo.Indlela Yekuhlanyela
Kuhlanyela kwenteka ngekuhlanyela ngesandla letindumbu te squash noma ngekusebentisa umshina wekuhlanyela. Lokuhlanyelwa kwetitjalo letincane letilungiselelwe ematreyini ngetitjalo letisemkhatsini nako kujwayelekile njengoba loku kuholela etikhatsini letisekucaleni tekuvuna. Tindumbu tingahlanyelwa phindze tihlume ngekushesha ngaphansi kwekumbonywa noma endlinileluhlata esimeni selitulu sasebusika lesibandzako ngenyanga yaKholwane nasekucaleni kwenyanga yeNgci.Sikhala
Letinhlobo taletihlahlana tingavulwa ngemasentimitha lamashumi lasihlanu kuya kumashumi lasikhombisa nesihlanu ngekushiyana emgceni langaba likhulu nemashumi lasihlanu kuya kumakhulu lamabili ngekushiyana. Loku kusemkhatsini wemahekitha latinkhulungwane letisiphohlongo kanye netinkhulungwane letilishumi tetitjalo ngelihekitha linye.
Sikhatsi sekuhlanyela
Kuhlanyela ngesandla kwelitsenga noma tinhlavu te squash kuvama kwentiwa uma kushisa kwemhlabatsi kucala kukhula ngentfwasa hlobo. Loku kungaba noma ngasiphi sikhatsi kusuka emkhatsini wenyanga yeNyoni kuya ekucaleni kwenyanga ye Imphala.Sikhatsi sekulima
Kulinywa kwetitjalo letincane kungesikhatsi kushisa kucala kukhula, sikhatsi lesifanako sekulinywa kwetindumbu. Loku kusemkhatsini wenyanga- ye Nyoni kuya ekucaleni kwe nyanga ye Mphala.Sikhatsi sekukhula
iHubbard squash ivunwa cishe kumaviki lalishumi nakune kuya kulishumi nesitfupha ngemuva kwekuhlanyelwa kwetindumbu. Ematsanga adzinga lokudze futsi avama kulungela kuvunwa emkhatsini wemaviki lalishumi nesitfupha kuya kulishumi nesiphohlong ngemuva kwekuhlanyela tindumbu.Kuvundzisa
Kwenele kuvundzisa kabili, ngesikhatsi sekulima kantsi futsi emavikini lasitfupha kuya kulasiphohlongo ngemuva kwekuhlanyela. Ngesikhatsi sekulima, faka omatsatfu ema macronutrients lamakhulu, Nitrogen (N), Phosphate (P) ne Potassium (K). Loku kungaba kungabangendlela yema kilogram lamakhulu lasikhombisaa nemashumi lasihlanu e 2:3:4 (emashumi lamatsatfu) ngelihekitha kuhlanyelwe ngelikhuba kumhlabatsi longetulu wemasentimitha lamashumi lamabili ngaphambi kwekuhlanyela titjalo letincane.Uma litsanga netinhlavu te Hubbard squash tilinywa tinjalo noma tihlanyelwa ngendlela lefanako njengangetulu kungafakwa ngemuva kwetitjalo setihlumile phindze tingemasentimitha lasihlanu ngekuya etulu. Zama kunaka lendela lofaka ngayo kulemigca/imilayini lesondzele kulendlela yekwakha timphandze ngaloko kwentela kungaphi lukhula. Lukhula kumele lugcinwe lungaphansi kwekunakekelwa ngesikhatsi semaviki ekucala. Indlela yesibili yekufaka lengaba ngema kilograms lamakhulu lamatsatfu eLAN ngelihekitha linye langafakwa kumaviki lasitfupha kuya kumaviki lasiphohlongo ngemuva kwekuhlanyela.
Kunisela
Kutsamba kwemhlabatsi kumele kunakwe cishe kabili evikini. Loku kwenteka ngesandla ngekusebentisa lifosholo noma iauger noma ngekubeka emamitha ekutsambisa kulensimu yonkhe. Kungabi nemanti kahle kungabulala futsi kunganciphisa umkhicito.Kuvama kuba ngema mm lamashumi lamatsatfu kuya kumashumi lamatsatfu nesihlanu ekunisela ngeliviki linye kungaba ngulokwenele. Uma kushisa kukhula kusho kutsi kunisela kudzinga kubekwa ngendlela lengiyo. Njengoba letimphandze takheke kahle dvute nangetulu lokunisela kungahlukaniswa kabili ngeliviki. Loku ke kuyacwayiseka kumhlabatsi lonematje lamancane kantsi nangesikhatsi kukhula simo sekushisa.Translated by Phindile Malotana