Ukwandisa
Ukwandiswa kwe thanga kunye ne Hubbard squash kungenziwa ngembewu. Imbewu ikhula phakathi kwisiqhamo.Indlela Yokutyala
Kungatyalwa ngokuhlwayela imbewu ngqo ngesandla okanye ngemitshini yokutyala. Ukutyalwa kwezithole ezikhuliselwe kwii treyi zokutyala, kuxhaphakile nako njengoko oku kukhokelela ekubeni isityalo silungele ukuvunwa kwangethuba. Imbewu ingatyalwa ize intshule kwamsinya ka isithiwe okanye ikwizindlu zezityalo (greenhouses), ingakumbi kwimozulu ebandayo yasebusika yenyanga zika Julayi nasekuqaleni kweka Agasti.Ukuqelelanisa
Ixesha Lokuhlwayela
Ukuhlwayelwa ngqo kwe mbewu yethanga okanye ye squash seeds kuvamise ukwenziwa xa amaqondo obushushu omhlaba eqala ukwenyuka entwasahlobo. Oku kungenziwa nangeliphi ixesha ukusuka embindini wenyanga ka Septemba ukuya ekuqaleni kweka Okthobha.Ixesha Lokutyala
Ukutyalwa kwezithole kufuneka kubexa amaqondo obushushu eqalisa ukwenyuka, ngexesha elinye ekutyalwa ngalo imbewu. Eli xesha liqala embindini wenyanga ka Septemba ukuya ekuqaleni kweka Okthobha.Ixesha Lokukhula
Ihubbard squash ingavunwa malunga neveki ezili 14 ukuya kwezili 16 emva kokuhlwayelwa kwembewu.Amathanga adinga ixesha elidana kwaye avamise ukulungela ukuvunwa kwiveki eziphakathi kwe 16 ukuya kwi 18 emva kokuhlwayelwa kwembewu.
Isichumiso
Kuvamise ukwanela ukugalela isichumiso izihlandlo ezibini. Kubekanye ngethuba kutyalwa, kuphindwe kwakhona kwiiveki ezi 6 ukuya kwezisi 8 emva kokutyala. Ngethuba kutyalwa, galela umxube wazo zontathu iimacronutrients, Nitrogen (N), Phosphate (P) kunye ne Potassium (K). Oku kungaba ngumlinganiselo omalunga nama 750 khilogrem we 2:3:4 (30) kwi hekthare nganye. Emva koku kufuneka kuhlakulwe nge disk plough kumhlaba ongama 20cm ongaphezulu, kwihekthare nganye kane phambi kokutyala izithole.Xa imbewu yethanga kunye neye Hubbard squash ihlwayelwe ngqo okanye ityaliwe, kungagalelwa umlinganiselo olinganayo nalo ungentla, kanye emva kokuba imbewu iqale ukuntshula kwaye imalunga nee sentimitha ezintlanu ubude. Zama ukugalela lomxube ecaleni kwemiqolo yezityalo kufuphi nendawo enengcambu ukuze ungachumisi ukhula. Ukhula kufuneka lugadwe kweziveki zokuqala. Kungaphinde kugalelwe isichumiso okwesibini, nesingumlinganiselo omalunga nama 300 khilogrem eLAN kwihekthare nganye, kwiiveki ezi 6 ukuya kwezisi 8 emva kokutyala.