Ibizo elijayelekileko: Mgade kanye ne-Hubbard Squash
Ukuqhazwa Kwesitjalo
Umgade kanye ne-Hubbard Squash zombili zimhlobo weentjalo oyi-squash. Iintjalo zingabalihlatjhana nanyana eskhathini esinengi zirharhabe phasi ehlabathini ngengesivini. Umgade kanye ne-Hubbard squash ziveza amathuthubo wobulili obubili aduna nasikazi. Umgade ungahlukaniswa ube mbala o-orentji, omhlophe nanyana umhlobo oneskhumba esisamlotjhana.Ama-Hubbard amhlobo omnengi kodwana ethandwa khulu ngenombala ohlaza okungeneleleko kanye neyombala o-orentji. Kunemihlobo eminengi eyahlukahlukeneko kanye nemihlobo ebamntwana esele ethandwa khulu.
Ukusetjenziswa Kwaso
Umgade kanye ne-Hubbard squash zombili zisetjenziselwa ukupheka begodu zibiliswa, zistinyiwe, zirostiwe nanyana zifrayiwe. Zingagaywa kwenziwe ngazo isobho, zisetjenziswe emaphayini begodu zikheniwe. Imirorho le zimthombo omuhle we-beta-carotene, Vitamin A kanye nePotassium. Imbewu yayo izele i-Zinc begodu ingasetjenziswa eburothweni kanye nemasaladini nanyana idliwe ngendlela ingayo.Umgade kanye ne-squash ukukudla okuhle kweenlwane, ngombana ngesinye isikhathi abalimi basebenzisa incenye yeentjalwezi engasi yihle kobana ingathengiselwa abantu, iphiwa iinlwane.
Iimfuneko Zehlabathi kanye Nokulungiselwa Kwawo
Isanda nanyana Ihlabathi kufanele kube ngebamba amanzi kuhle begodu ibe nezinga eliphezulu lamagciwani. I-pH yehlabathi kufanele ibe hlangana kwe-6 nanyana 7. Nangabe iintjalo ezihlaza ezivala ihlabathi zitjalelwe imetheriyali eyenziwa ngaphandle kwamakhemikhali lokhu kufanele kwenziwe ngemva kweemveke eziyi-12 ukuya kweziyi-16 ngaphambi kokutjala, ngeskhathi lapha iinsalela zentjalo kanye nekhula zipetelwa khona.Ialisa iinsalela zentjalo zibeselevelini ngemva kokupeta. Tjala imbewu yeentjalo ezivala ihlabathi uharigele imbewu phasi ehlabathini. Lokhu kuvamise ukwenziwa ngaphambi kokuthoma kobusika ukupha iintjalo ezivala ihlabathi isikhathi sokungenelela ehlabathini. Ukwenza ncono ukukhula kweentjalo ezivala ihlabathi, kumbono omuhle ukufaka i-nitrogen emakhilogramu ayi-150 we-LAN (28) ku-hectare yinye ngemva kokobana sele ikhulakhulile imasentimitha ayi-10. Ngaphambi kweemveke ezilisumi ngaphambi kokutjala, biza abosiyazi behlabathi bazokuhlolela yona.
Ngemva kweemveke ezihlanu ukuya kwezisithandathu ukusuka ekutjaleni sika iintjalo ezivala ihlabathi ufake izakhi ezitlhogwa yihlabathi ngokuya kwehlolo yehlabathi. Lokhu kungaba yi-Gypsum, lime ye-pH nanyana i-superphosphates. Landelisa lokho ngokutjala imetheriyali.
Ngeskhathesi faka imetheriyali eyenziwe ngaphandle kwamakhemikhali uyifake ibe manyoro nanyana ikhompowusti, nakutlhogekako. Landelisa lokhu ngokupeta ihlabathi ngamamilimitha. Iveke ngaphambi kokutjala faka isivundisi uharige ihlabathi engaba yi-20 cm yehlabathi ulungise umbhede wokugcina wokufaka imbewu kanye nama-plantjies.
Ubujamo Bezulu
Imigade kanye ne-squash ibe ziintjalo ezihle lokha zitjalwe endaweni enobujamo bezulu obuma themperayitjha ahlangana kwe-20°C kuya ku-30°C eskhathini sokuwutjala.Amazinga womtjhiso wehlabathi kufanele ube hlangana kwe-18°C ukuze imile kuhle. Ngombana iintjalo zayo zivela amathuthumbo aduna nasikazi, kubancono bonyana ube namaphesenti aphezulu wamathuthumbo asikazi ngombana lokhu kungezelela isivuno.
Amazinga aphezulu womtjhiso angaphezu kwamathempereyitjha ayi-35°C nanyana ngaphezulu enza bona kube namathuthumbo amanengi, angezelela amaphesendi wamathuthumbo aduna begodu anciphisa isivuno.
Ama-Cultivars
Kunemihlobo engadlula eyi-100 eyahlukahlukeneko yama-cultivars ahlukahlukeneko. Kuncono ukubawa isiyeleliso kusiyazi wangekheni wembewu kanye ne-extension officer.Kuqakathekile godu ukubawa isiyeleliso ebubulweni lakho kanye nemakhastamini wakho. Tjala lokhu amabubulo akufunako.Emiye imihlobo ngetlolwe ngaphasi:
Pumpkin: Crown Prince, Flat white Boer, Ford, Jarrahdale, Long Island Cheese, Queensland Blue, Star 7001 kanye ne-7022
Hubbard Squash: Green Hubbard, Chicago Warted, Golden Hubbard, Essex Red kanye ne- Blue Hubbard.
Translated by Busisiwe Skhosana