Moseme wa Mmala
Le fa gole jalo, setlha sa thunyô ya malomo kwa Namaqualand se tota se kgatlhisa thata. Ka mantswe a mangwe, ke digakgamatso tsa thunyô. Fela ke eng se se bakang semaka seno sa tlhagô mme ke goreng se fela ka bonako jaana?
Leano la go Kgona
Tse dingwe (jaaka ditlhare le ditlhatshana) di medisa medi e e boteng kgotsa di mela gaufi le ditselana tsa metsi. Fela tsa ngwaga le ngwaga (tse di akaretsang lolapa lwa mooka) di na le mokgwa o o farologaneng.
Morago ga dipula tsa mariga, dimela tse di maano tseno di gola ka bonako; di a mela, di thunye, di latlhe dipeo mme di swe mo sebakeng sa dibeke. Mme dipeo tseno di leta mo mmung, di letetse dipula tse di ntle tse di latelang, mme modikologo ono o simolola gape.
Dipeo dingwe di kgona go falola dingwagangwaga ka fa tlase ga mmu, go fitlha go nna le dipula tse di lekaneng go ka di tsosolosa gape.
Ka jalo, fa dipula tsa mariga di ne di siame, dibeke di le mmalwa moragonyana serala se tlabe se siametse thunyô ya kopanelo ya dithunya tse di serolwana, tshweu, mmala wa namune le phepôle e e tlileng go kgatlha leitlho le maikutlo.
Mme mokoa wa malomo a a mo dipontshong o tseisa maanya.
Mefutafuta
Ka gotlhelele, go na le mefuta ele 3000 ya dimela tsa malomo kwa Namaqualand, mengwe ya ona e sewelo ele tota kgotsa e bonwa fela kwa teng ka bonnye.
Ka jalo, fa o tota o batla go nna mosupi wa malomo yo o manontlhotlho, dira dipatlisiso tsa gago mme o bone buka-kaedi e e maleba ya malomo a naga pele o ka simolola go kgweetsa mo tikologong.
Se se salang, go a busetsa go itse pharologano magareng ga Iridaceae le Asteraceae.
Go Foka mo Phešwaneng
Bontsi bo tshepile pontsho ya diphetale tse kgolo tse di galalelang ka mebala e e kgatlhisang ya serolwana, bosweu, bohibidu le mmala wa namune. Diphetale tsa malomo a vygie ale mantsi di galalela mebala, di gogela ditshidinyana ka maatla a mmala wa tsona o o phepôle.
Mo godimo ga fao, diphetale tsa dimela tse dingwe di tswile matshwao a a tshwanang le ditshenekegi dingwe, a a ngokelang ditsadisani kgotsa difepi tsa modula. Dimmanngaunngau ka sekai, di rata go dirisa ditlhogwana tsa malomo a daisy jaaka serala sa tsadisô. Mopitikologo mo moduleng o apesa ditshenekegi ka, se eleng, sepeme sa semela, se di o tsholang jaaka di etela malomo a mangwe.
Ka jalo, go rotloetsa tsewô-tsia ya barati ba khukhwana ba ba nnye, mefuta ele mmalwa ya Gazania e tswile matshwaô a eketeng ke a mmanngaunngau ya tshegadi. Ka go tshwana le seo, Bee Fly e ngokelwa kwa dikôlông tse di phatsimang tse d dikaganyeditseng tlhogwana ya lelomo la Beetle Daisy, e e kgantshang okare ke mmele wa Bee Fly e nngwe.
Ka Kutlwanô
Ka sekai, mefuta mengwe ya Pelargoniums and Irises e tlhogisitse malomo a lela le le sesane le le kgonang fela go tsenya dikarolo tsa molomo wa mofuta kana e mebedi ya dintsi tse di tswanetseng tsa diphuka tse di tshophaganyeng. Bua ka ga go sa fitlhelege bonolo.
Jaanong, ka ntlha ya puo yotlhe eno ka ga tsadiso e e pheretlhêgô, o seke wa akanya gore kgaolo yotlhe ya Namaqualand e apesitswe ka malomo a mooka gotswa letlhakoreng le lengwe goya go le lengwe. Mo boemong jwa seo, malomo a na le go tlhoga ka dikgwethe le ka bontlhana.
Ka jalo, go ralala kgaolo, ka nako dingwe o tla bona dikarolwana tse di itlhaotseng tsa malomo a a mebalabala a golela mo tikologong e e borokwa. Le mo dinageng tse di malomo tota, tshimo nngwe e ka apeswa ke mmala, fa e nngwe e ka se bonagale e na le phetale ele nngwe tota.
Translated by Nchema Rapoo