Ku Andlaleka ka Muhlovo
Swahatetano, nguva ya mabilomu e Namaqualand wunyanyula hi matimba swinene hindlela ya xiyimo. Hi marito yan’wana, ya biloma swinyawula hindlela yo hlamarisa. Kambe leswi endlaka ntirho lowu wa ntumbuluko na leswaku hikokwalaho swihatlisa swihela?
Ndlela yo Kondzelela
Succulents tihlayisa mati eka timintsu kumbe tshindi, geophytes (kumbe bulbs) ti hlayisa mati eka timintsu.
Yin’wana (kufana na misinya na swihlahla) swina timintsu letinga enta swinene kumbe yitshama laha kungana mati. Kambe swimilani swin’wana (leswi katsaka ndyangu wa daisy) swina maendlelo yohambana.
Endzhaku ka timpfula ta xixika, swimilani leswi swikula hiku hatlisa; kumila, ku biloma, ku wisa mbewu kutani xi fa endzhaku ka mavhiki. Kutani mbewu yi tshama emisaveni kufikela kuva na timpfula ta kahle, laha maendlelo lawa yatlhela yasungula.
Mbewu yin’wana yikota ku tshama malembe ehansi ka misava, kufikela kuva na mpfula yo ringanela leyingata endla leswaku yimila nakambe.
Se, loko timpfula ta xixika tive kahle, endzhaku ka mavhiki nyana kuva naku huma ka mihlovo yofana na xitshopani, yo basa, orenji na purple lowu humelaka e handle eka matihlo na ntsako wa moya. Kutani nhlayo ya mabilomu yiva yiri eka nkombiso hindlela yohlamarisa.
Kuhambanana
Utshemba leswaku iku hambana ka tinxakaxaka ta swimilani leswi endlaka leswaku nkombiso lowu wuva wa matimba no hlawuleka.
Loko swihelerile, kuna kwalomu ka 3000 wa tinxakanxaka ta swimilani swa mabilomu yale Namaqualand, laha tin’wana tikalaka swinene navutshamo bya wona byintsongo swinene.
Hikokwalaho, loko ulava kuva munhu loyi ativaka ngopfu hita mabilomu, enda ntirho kaya kutani u kuma nhlamuselo leyi lavekaka ya mabilomu loko unga se sungula ku famba famba. Handle kaswona, swa vuyerisa kutiva kuhamba exikarhi ka Iridaceae kusuka eka Asteraceae.
Kuhunga e Moyeni
Leswi swiendla leswaku kuva na mphikizano naswona ximilani xin’wana na xin’wana xiva na ndlela ya xona yaku koka rinoko ra switsotswana leswinga lulamela ku pfuneta eka mihandzu.
Votala valangutela nkombiso lowukulu swinene wa swipetlu swa mabilomu yovangama yo naveta ya xitshopani, yo basa, yotshuka na orenji.
Swipetlu leswi swa mabilomu yotala ya vygie yapfuna swinene xikanwe naku tisa switsotswana hikokwalaho ka matimba ya kuvonakala ka wona loku ka purple. Ku engetela kwalano, swipetlu leswi swa swimilani swin’wani swina swicoticoti swin’wana leswi fanaka na switsotswani swokarhi leswi kokaka rinoko ra swona leswaku swita tswonga pollen. Ti Monkey beetles, tani hi xikombiso, swirhandza ku tirhisa tinhloko ta ti daisies tani hi ndzhawu yo endlela kona masangu.
Kuvumbuludziwa ka pollen swisirhelela switsotswana hi, leswi swinga ngati ya swimilani, leyi swifambaka nayona loko swivhakela mabilomu yanwana.
Se, ku hlohletela rinoko ra swifufunhunu leswintsongo leswi rhandzanaka, tinxaka tinwana ta Gazania tin mihlovo leyi fanaka na ti monkey beetles ta xisati.
Kufana na, Bee Fly yitsakela swicoticoti leswi hatimaka eka bilomu leri hile nhlokweni ya lerivuriwaka Beetle Daisy leyinga thyiwangiki kahle, leswi kombaka kuvonakala kusuka e mirini wa xitsotswana lexin’wana xa Bee Fly.
Hi Moya wa Ntwanano
Xikombiso, tinxaka tin’wana ta Pelargoniums na Irises titumbuluxe mabilomu lawa yangana machupu lawa ya ringanelaka eka milomo ya switsotswana leswi nga ringanela. Vulavula hiku kala ku kumeka.
Sweswi, hikwalaho ka mbulavulo lowu, unga hleketi leswaku ndzhawu ya Namaqualand yifunengete hi nkumba wa ti daisies. Ematshan’weni, mabilomu lawa yatala kuhumelela hi mintlawa yokarhi endzhawini yin’we.
Se, eka ndzhawu hinkwayo, uta vona swiphemu phemu leswinga swoxe swa mabilomu lawa yavonakaka lawa eka ndzhawu ya buraweni.
Hambi eka tindzhawu ta mabilomu, nsimu yin’wana yiva yifunengetiwe hi muhlovo wun’we, kasi tlhelo lerinwana ringa vonaka ringari na nchumu.Translated by Ike Ngobeni