Imbali Yemandla yaseRichtersveld

Siyilo Semibala

©David Fleminger
Kunyenti losekubhaliwe ngalembali yasesigangeni, leshintja lendzawo leyomile ibe yinhle nakutfwasa lihlobo. Kahle kahle yenta babhali labanyenti bashintje babe timbongi. Kepha mine ngicinile, ngitatibamba.
Kepha ke, sikhatsi setimbali eNamaqualand sikhatsi lesihle. Ngalamanye emagama, kuyakhatimula. Ngubani lowenta lentfo lenhle kanje, futsi yini kusheshe kuphele?

Indlela Yekumelana Nebundzima

©David Fleminger
Tonkhe tihlahla eNamaqualand setitfole indlela yekumelana nemvula lencane letiyitfolako.
iSucculents igcina emanti emacembeni noma emtimbeni wesihlahla, tigadla tona tigcina emanti ngephansi kwemhlabatsi.
Letinye tona tihlahla tikhulisa timphandze letindze, letikhona kutfola emanti.
Kepha letinye letifana nemndeni weDaisy, tinaletinye tindlela. Emuva kwemvula yasebusika, leti tihlahla tikhula masinyane, tiyamila, tikhiphe timbale, tehlise tinhlanyelo bese tiyafa.
Konkhe loku kwenteka ngemavikana. Letinhlanyelo timela lenye imvula, lapho khona konkhe loku kucala phansi. Letinye tinhlanyelo tingabeketela iminyaka ngephansi kwemuhlabatsi, kute kube nemvula leyanele.

Kwehlukana

©David Fleminger
Kepha Hendrik van Zijl, condvocondvo wetimbali lohlala endzaweni yase Nieuwoudtville utsi “akuyi ngetinombolo kuphela”.
Yena ubona kutsi nguletinhlobo letinyenti tetimbali letenta lendzawo ibe yinhle.
Nasetiphelele tinhlobo tetimbali tingetulu kwa3000 eNamaqualand, letinye taletinhlobo tetimbali atikajwayeleki.
Nangabe ufuna kutati kahle letimbali, kufanele utsatse sikhatsi sakho ungakangeneli indlela yekuyobuka letimbali.

Kushaywa Ngumoya

©David Fleminger
Njengoba tonkhe letinhlobo taletimbali tikhula ngesikhatsi lesifanako, loku kusho kutsi atineli tilwanyana letisita letimbali tikhule kahle.
Loku kwenta letimbali tibangisane, tonkhe bese titfola indlela yato yekutimela.
Loku tikwenta ngekukhipha imibala lemihle letokhanga tilwanyana.
Kungeta kuloko, letinye timbali tikhipha tihlahla letime njenge tilwanyana, ngaleyo ndlela tiyakhona kukhanga tilwanyana.
Kwentasibonelo, iMonkey beetles tiyatsandza kusebentisa tinhloko tetimbali letibitwa ngekutsi iDaises njengendzawo yekutalela.
Lena ngulenye yetindlela lesita timbali kutsi tikhule kahle futsi tibe tinhle.

Kuphila Kahle

©David Fleminger
Letinye timbali tikhula ngesikhatsi sinye naletilwanyana letitisitako kutsi tikhule, futsi letimbali tikhule ngendlela letsandvwa nguletilwanyana.
Kwenta sibonelo, timbale letibitwa ngePelargoniums kanye neIrises tikhula tibe timbali letihambisana futsi letingena emlonyeni wetilwanyana letibitwa ngekutsi yi”Tangle-winged flies”.
Ungacabangi kutsi indzawo yaseNamaqualandigcwele ngetimbali te”Daisies”. Kepha leti timbali tikhula ngekuhlukana.

Translated by Thandokuhle Motha