Leungo la bogolo jwa plum, la boleele jo bo ka nnang 3.5cm, le lebega jaaka mae a a borethe mme le wela fatshe go simolola ka Mopitlwe go fitlha Motsheganong gore le butswe. Le na le boalô jo bo sesane jwa leungokobolwa le le jegang, le kgapa e e tiileng e e nang le dipeo ka mo gare. Leungo le jewa ke tholo le tlou, tse di ‘latlhang’ dipeo tse di ‘phepafaditsweng’ ka mekoa e e botsipa...
Fa o kotulwa ka seatla, leungukobolwa le tlhoka go ka phepafatswa pele kgapa e tšhwetlwa go gamola oli gotswa mo dipeong. Dipeo tse di dikotla thata di ka beswa mme di latswega jaaka almond kgotsa cashews.
Maungo a kotulwa kwa nageng mme a na le bokgoni jo bo gaisang jwa tlhagiso ya oli, fela bothata jwa go gamola thapô ke lengwe la mabaka a a dirileng gore thôbô ya mongongo e lekanyediwe mo malobeng.
Thapô e na le seelo sa protein se se ka nnang 25%, seelo sa mafura se se ka nnang 50% le vitamin E (tocopherol) e e kwa godimo - e e ka nnang 560 mg go 100 gm ya thapô. E na le dimelô tsa bofetola-oli go nna sesepa tse di dirang oli mosola mo go direng disepa.
Oli ya kgeru ya Mongongo e e humileng e kitlane, e a metsifatsa, ntšhwafatsa le go bopafatsa ka ntlha ya seelo se se kwa godimo sa esiti ya linoleic (magareng ga 30% le 54%) mme e diriswa mo tlhokomelong ya letlalo (jaaka setlhatswa, setlôdi le senolofatsa) le mo ditlhagisweng tsa moriri. Seelo se se kwa godimo sa protein le oli se dira oli ya mongongo kalafi e e gaisang ya moriri o o omeletseng o o letshiri mme e ka thusa go thibela tatlhegelô ya moriri. Jaaka oli e e sedilang mmele, oli ya mongongo e retibatsa letlalo le le omeletseng ebile le tleboga, le go thusa go fodisa dintho ka go tlhotlheletsa ntšhwafatso ya togwa.