Imumethe i-esidi engakajwayeleki ephenduka ngomkhanyo we-UV ukubumba iskhumba esinganamafutha esivikelakeko eskhunjeni nenhluthwini. Amafutha esembewini azele i-zinc (Zn) erhona ukuvikela. Isthelo esilingana nepremesi esingaba yi- 3.5 ngobude, siqaleka njengamaqanda le-velvety begodu siwela phasi kusukela ngo-Ntanka ukuya kuSihlabantana ukuze sivuthwe. Smumethe iskhumba esondileko esidlekako kanye neqephe eliqinileko elinembewu ngaphakathi. Isthelwesi sidliwa yi-kudu kanye nendlovu, ezilahla imbewu ehlwengekileko endundumeni.
Lokha ivunwako, incenye eyinyama yesthelo itlhoga ukuhlwengiswa ngaphambi kokuphula iqephe ekukhitjhwa kilo amafutha embewini. Imbewu enezakhi mzimba ingarostiwa begodu inambitheka njengamantongomani we-cashew nanyana I-almond. Iinthelo zivunwa emangweni begodu zinerhono elikhulu lokukhiqiza amafutha kodwana ubudisi bokuputjuza i-kernel ngenye yonobangela yokobana istjalo semangongo singakhiwa khulu esikhathini esidlulileko. I-kernel inamaprotheyini amanengi angaba yi-25%, kanye namafutha ayi-50% kanye namavithamini E (tocopherol) angaba yi-560 mg qobe i-100 gm ye-kernel. Iinenthako ezitjhugulula amafutha ziwenze bona asetjenziswe eensibheni.
Amantongomani wamaMongongo nut oil ayathambisa, avuselele bekakhe ngabutjha ngebanga lokobana amumuthe-linoleic acid ehlangana kwe-(30% kanye ne-54%) begodu asetjenziselwa ukutlhogomela iskhumba njengesizeso nemikhiqizo yeenhluthu. Izinga eliphezulu lamaprotheyini kanye namafutha lenza amangongo abenerhono lokulungisa iinhluthu ezomileko neziqinileko begodu angarhelebha ukukhandela ukuphela kweenhluthu. Asebenza njengamafutha wokumasaja begodu asusu iskhumba esomileko begodu arhelebha ukupholisa amancaba ngokugcugcuzela ukuvuselelwa kwamaseli.
Ukwala Kwezemaphilo
Ilwazeli lenzelwe ukufundisa kwaphela begodu akukafaneli bona lisetjenziswe njengesiyeleliso sezepilo. Ilwazeli alikenzelwa ukujamiselela iinluleko zezepilo nanyana ukulatjhwa okunikelwa ngusiyazi wezepilo.Translated by Busisiwe Skhosana