Go na le maphato e meraro ya semela se. Go na le Helichrysum Odoratissimum (bontsi bo senoga mo Afrika Borwa). H. Splendidum (e tlholega mo Afrika Borwa) le H.Italicum (peo e e tlile fano go tswa kwa Italy). Ka sekgoa e itsege thata ka leina la “Everlasting” mme ka loleme la senguni e tsege ka leina la “imphepho” (ka seXhosa le seZulu), fa ka seKhoisan le seAfrikaans e bidiwa “Kooigoed”. Tiriso ya sone mo ditumelong tsa ditso dintsi ke go fisiwa mme e biletse badimo ba setso seo le go phepafatsa meya ya batho, go koba meya ee sa siamang mo dihapusing tsa meago ya bo okelo le kwa malapeng a batho.
E kgona le go kgala ditshenekegi mme e dirisiwa mo marobalong e bile e kgona go phekola bolwetse jwa go tlhoka boroko. Go dumelwa fa e kgona go fodisa tlhogo, go gotlhola, mofikela le go fisa ga mmele (fever). E kgona gape go bolaya dikokwanatlhoko (antibacterial) le bolwetse jwa mogare (antiviral). E ka dirisiwa go phekola motho fa a lomilwe ke ditshenekegi jaaka dogokgo, diphepheng ga mme le fa o ka lomiwa ke noga.
Oli ya Helichrysum ke molemo o o bolayang megare le goruruga (anti-inflammatory and anti-biotic). E dirisiwa go thusa malwetse a a tshwanang le matlhoko a mesifa le ramatiki (tendonitis and rheumatism), so fodisa mabadi (scar tissue), diso tsa letlhalo (dermatitis and acne). E na le matla a go tsoseletsa bontlhana jwa ditshedi (cell rejuvenation), mme seo se e dira engwe ya dikarolo tse dibotlhokwa tsa metswako ya dikirimi tsa letlalo le dikirimi tsa go sira letsatsi (skin creams and sunscreens).
Mosi wa yo n e o kgona go kokobatsa go thibana ga mafatlha le bo bereka kgatlhanong le malwetse a go ilwa ke sengwe (allergic reaction), mme fa e dirisetswa aromatherapy e ka kgona go fokotsa stress mme e tiise matla a masole a mmele.
Thobo ya yone e kaediwa ke maemo a bolepi (climate). Fa semela se se ka bona metsi a mantsi se ka abela kotulo kgotsa thobo tse pedi ka ngwaga. Ya ntlha ka paka ya dikgokologo fa e e latelang e ka bonwa ka paka ya gwetla/letlhabula. Semela se se na le matlhare, thito le dithunya tse di dirisiwang di omeletse kgotsa di le bosha, di apeiwe ka tsela ya “steam distilation” go ntsha oli e e mmala o bosetlha jwa mmala wa lephutshe (pale-yellow).
Monkgo wa yone o botlha (pungent) jwa tlhago (earthy and herbaceous). Tshimo ya tsone e ata ka peo, kgotsa go segiwa ga thito e e iseng e thuntse. Go na le balemi ba tsone kwa Clocolan kwa profinsing ya Free State, kwa Gauteng, Bavinaanskloof kwa Kapa Botlhaba (Eastern Cape) le kwa Stellenbosch le Piketberg (Kapa Bophirima).