Titselo letitsambile tiwelela kutitselo letinongotelako tetigaba letinesikhumba lesitsambile phindze kumelula kusicata. Mandarins, ema clementines, isatsumas, mineols ne tangerines tonkhe tincenye talelicembu.
Umkhicito waNgaphesheya
Umkhicito wamhlabawonkhe wesitselo lesitsambile kusuka kumathani latigidzi letimashumi lamabili nesitfupha ngesikhatsi semnyaka wa 2013 na 2015 kuya kumathani latigidzi letimashumi lamatsatfu ngesikhatsi semnyaka wa 2017 na 2018, ku 71% wemkhicito lophelele, lolandzelwa yi Nyonyane yase Europe, lebalelwa ku 10% bese iTurkey ne Morocco, le ngayinye kubalelwa ku 4% wemkhicito.
Ngekuhamba kwesikhatsi, tintfo letingeniswako temhlabawonkhe tancipha kusuka kumathani langu 2 281 000 kuya ku 2 466 000 ngemathani. I-Russia ibalelwa njengalenkhulu lengenisako, nalokuphelele kwalokungeniswako lokungu 35%, le Nyonyane yase Europe ibalela 19% waloku lokuhanjisiwe, ibe iUnited States ibalela ku 12% wakokonkhe lokungeniswako.
I-Ningizimu Afrika nguyona yesitsatfu ngebukhulu ngekungenisa emhlabeni ngetindlela tesisindvo.
Umkhicito waseNdzaweni
Umkhicito wetitselo letitsambile wacala eNingizimu Afrika ngetikhatsi ta 1980 tekucala ngekuvumela ngekukhula lokwakufunwa kwentela kucata melula kanye nesitselo lesikahle kusuka eEurope nase United Kingdom. Lama clementines ekucala besekavele angenisiwe eNingizimu Afrika kusuka eCorsica ngemnyaka wa 1973, ngekukhetfwa ngekushesha kulandzelwa Spain ne Morocco.
Lomkhicito wahanjiswa yi SA iCo-operative, Ingucuko yeTitselo Letinongotelako, lokwacala umkhicito ngemnyaka wa 1970 kwentela kuchaza letinhlobo letilungele kanye nemkhicito lolungiselelwako. Ekucaleni, umkhicito wawukalelwa eWestern Cape, kusuka ngetitselo letitsambile letinongotelako letikhulako ngaphansi kwesimo selitulu eMediterranean.
I-BFAP ngemnyaka wa 2019 yatfola kutsi sitselo lesitsambile lesinongotelako njengalesikhulu lesenta kahle ecenjini laletitselo ngetindlela tekutfolwa kwalokubuyako ngelihekitha, ngekucatjangwa lokuchubekako sikhatsi. Titselo letitsambile tibalelwa cishe ku 17% watotonkhe titselo letitsambile letakhicitwa ngemnyaka wa 2018 eNingizimu Afrika.
Umkhicito
Njengoba kukhonjwa yiNhlangano Yekukhulisa Titselo, lendzawo lehlanyelwe lephelele ngaphansi kwetitselo letitsambile letikhicitiwe lekhulisiwe kusuka kumahekitha la tinkhulungwane letine nemakhulu layimfica nemashumi lasitfupha (4 960) ngemnyaka wa 2009 kuya kumahekitha latinkhulungwane letilishumi nesitfupha nemakhulu lamabili nemashumi lasiphohlongo nesihlanu ngemnyaka(16 285) wa 2018. Kepha ngetulu kwalokuphindziwe lawa mahekitha solo adzinga kutfola kuphatfwa lokugcwele.
Le Western Cape beyisolo ikhokha lokukhulu, cishe ngalokuhambela ku 40% kwemkhicito, ilandzelwe yi Eastern Cape, lena 30% wemkhicito ne Limpopo, lebalelwa ku 24%. Tisindvo letincane nato tiyakhicitea eMpumalanga, yi Northern Cape, yi North West ne KwaZulu-Natal.
I-Makethe
Liningi letitselo letitsambile tase Ningizimu Afrika tiyahanjiswa, ngetisindvo tekuhanjiswa letifika cishe ku 13.4 wetigidzi 15kg wemakhathoni ngemnyaka wa 2017. Le makethe yase United Kingdom nguyona lenkhulu lehambisa etindzaweni, lokuphelele lokungaba ngu 32% walokuceshuliwe kwalokuphelele, ilandzelwa yi European Union, lemelele 26% walokuhlephuliwe. I-North America ne Russia, ngakunye kumelela 10% walokuhlephuliwe. Lolokusele kuhanjiswa kute eSouth ne East yase Asia, kanjalo ne Middle East.
Kusetjentiswa
Titselo letitsambile tivutsiwe ngemavitamin, ikakhulu A na C, kumamineral kanye nakumafibre ladliwako, nelizinga lemanutrition lelishiyana ngetinhlobo letehlukene tetitselo letitsambile. Lesitselo sidliwa sisesinsha njengesidlo sekucalela, kepha singasetjentiswa kumasaladi kanye nasekuphekeni. Ngaphandle kwaloku, singaba yijusi, somiswe phindze sakhiwe kukhokha titselo letifakwa etikoteleni, marmalade, kwekunonga kudla kanye ne oyili lebalulekile.
Translated by Phindile Malotana