Emalamula avela eSouth East yase Asia kantsi futsi lesisitselo sasibukelwa tintfo taso kusuka ngeminyaka yetikhatsi takadzeni. Kusuka lapho bekasolo asetjentiselwa phoyizini lotsite. Ku Rome mandvulo, emalamula bekabukwa njengentfo lebekelwe tintfo letivundzisako, kubongwa lokwelapha kwawo, sinongo lesitsandvwako kanye nekungavami. Ngeluhlolo lwe DNA kwasungulwa kutsi emalamula aphuma kuma wolintji lamunyu kanye nasekunongoteleni.
Umkhicito waNgaphesheya
IIndai nguyona isetulu ngekukhokha emalamula phindze kubalelwa ku 17% wemkhicito mhlabawonkhe ngemnyaka wa 2018, njengoba kukhomba iTridge. iMexico itsatsa indzawo yesibili, na 14% wemkhicito. Ilandzelwe yi China, nga 13.2%.
Spain ngusona sihambisa kakhulu lamalamula, cishe kufika ku 18% walokuhambisiwe ngemnyaka wa 2018. Ibe phindze, iMexico itsatsa indzawo yesibili, cishe ngalokungu 16% kwalokuhanjiswako. iTurkey kanye ne Ningizimu Afrika, titsatsa lokuhambeka ku 9.6 na 9.4% walokuhambako nasekuphelele.
iUnited States nguyona isetulu ngekungenisa, ngalokungetulu kwa 15% kwakokonke lokungenako ngemnyaka wa 2018. iGermany iyalandzela dvute ngemuva nga 11%, ibe iFrance kanye ne Netherlands, ngalinye lihambela ku 7% wakokonkhe lokungenako.
Kusetjentiswa
Emalamula amunyu, ngako akavami kudliwa angiwo nje. Lejusi kanye netimvutfu kusetulu ngekufunwa njengesinongo lesisetjentiswa ekudleni lokuningi lokubanti, kusuka emubhakweni kuya ekudleni lokuphekwako lokuyinyama kanye netibhidvo kanjalo nasekunongeni emasaladi. eNingizimu Afrika, badli bemfishi kanye nemachips bavame kutfola tincetu temalamula nekudla kwabo.
Lilamula liphinze liyintfo letsambisa kahle inyama phindze lisite ekuphuleni emafutsa. Lingasetjentiswa ekugcineni titselo, letibitwa ngekutsi yi marmalade noma tincetu letomile letinashukela. Ngaphandle kwaloku, lejusi isetjentiswa ekwakheni tinatfo, letifana ne lemonade, litiya kanye ne liqueurs. Tincetu letisikiwe telilamula tisetjentiswa njengentfo yekunonga tinatfo noma kunonga emanti.
Emalamula avutsiwe ngemavitamin nemaineral, ngako abonwa njengentfo lesita kugaya emtimbeni wemuntfu, ingetetela kwelapha umtimba phindze isetjentiswe njengentfo lesita sikhumba. Bantfu bavame kuwanatsa kanyekanye netinongo, letifana neluju, iwhiskey ne cinnamon, njengentfo yekuncoba umkhuhlane, yatiwa ngekutsi yi hot-toddy.
Angasetjentiswa ekuvikeleni titselo, letifana nemahhabhula kutsi angabi nsundvu, ngenca yekutsi angabanemafutsa, emalamula aphindze asebente njengentfo legezeka. Emabhodo lashile, kufana nekutsi, angashikishwa ngelilamula bese ashiywa busuku bonkhe kutsi atsambe atohloba. Angaphindze asetjentiswe ekwakheni le inki lengabonakali noma njengentfo lehlobisako (bleaching) phindze njenge oyili lebalulekile.
Translated by Phindile Malotana