Diswiri e hlolegilego ka thokong ya Asia gomme seenywa se sa bodinamune se ratega ka lebaka la antiseptic yo sona go tloga kgale. Se šomišitšwe bjalo ka antidote go mpholo ye itšego. Mo Roma ya kgale, diswiri di be di bonwa bjalo ka temana ya maemo, gomme ya go reka fela ke batho bao ba humilego, malebo go kalafo ya yona le meago, le monkgo wo botse. Ka tshekotsheko ya DNA go hweditšwe gore diswiri di hlabollwa go tšwa go lepastere ya batamelane wa namune le citron.
Tšweletšo ya Boditšhabatšhaba
India ke naga ye kgolo yeo e tšwletšago diswiri e be e rwele 17% ya tšweletšo lefaseng ka 2018, bjalo ka ge go bontšhwa ke Tridge. Mexico e be e le naga ya bobedi, la 14% ya tšweletšo. E be go latela China, ka 13.2%.
Spain e be e le moromedi wo mogolo wa diswiri ka 18% ya palomoka ya diromelwantle ka 2018. Mola gape, Mexico e le ya bobedi, ka 16% ya diromelwantle. Turkey le Afrika Borwa, di latelana ka 9.6% le 9.4% ya palomoka ya diromelwantle.
United States e be e le moamogedi wa dithoto wo mogolo, ka palo ya go feta 15% ya ditšwantle ka moka ka 2018. Jeremane e ile ya latelwa kudu ka 11%, mola France le Netherlands, tšona di rwele 7% ya ditšwantle ka moka.
Tšhomišo
Diswiri di a baba, ka fao ka tlwaelo ga di jewe di le foreše goba ka bo tšona. Matutu wa tšona o a nyakega kudu k age mohlodi wa tšona o šomišwa mo mehutahuteng ya dijo, go tšwa go dithoto tša go pakwa, tša go apewa, nama, merogo le segwa sa salate. Ka mo Afrika Borwa, bareki ba dihlapi gantši ba hwetša selai se tee sa swiri gammogo le dijo tša bona.
Swiri e šoma gabotse mo nameng ebile e thuša go fokotša makhura a mantši. E ka šomišwa go dibolokwa tša dienywa, tša go bitšwa marmalade goba dilai tša dienywa tša swikiri/sugar-coated. Ntle le se, matutu a šomišwago go dira dino tša go swana le lemonade, teye le go tswakwa dino. Dilai tša swiri di šomišwa bjalo ka noketša goba fa mohlodi ka gare ga meetse.
Diswiri di na le maemo a godimo a dibithamini le diminerale, ka fao di bonwa bjalo ka tonic ya tšhilego, dilekanyo ya mmele le bjalo ka dilekanyo ya letlalo. Batho gantši ba nwa swiri mmogo le ditswaki tše dingwe, go swana le todi, whiskey le cinnamon, bjalo ka twantšho ya phišo, e tsebja bjalo ka (hot-toddy).
Di ka dirišwa go thibela dienywa tša go swana le diapola go tšwa go fetoga mmala, gomme ka baka la bokgoni bja tšona bja go fokotša makhura, diswiri di šoma bjalo ka selo sa go hlwekiša. Dipitša tša fišwa, go fa mohlala, di fogohla ka swiri e be di tlogelwa go robala go nolofatša hlwekišo. Gape e ka šomišwa go dira enke/ink ya go se bonale goba bjalo ka hlwekišo/bleach le oli ye bohlokwa.
Translated by Lebogang Sewela