Swikwavava switumbuluke e South East Asia naswona I muhandzu wa citrus lowu tsakeriwaka ngopfu hikwalaho ka vuswikoti byo tshungula kusukela eka minkarhi ya khale. Switirhisiwile swinene tani hi xisusa phoyizeni yokarhi. Himinkarhi yak hale yale Rome, xikwavava axi tekiwa tani I xilo xa manyunyu swinene lexi axi hlayiseriwa lavanga fuma, ngopfu ngopfu hikwalaho ka vuswikoti bya xona byo tshungula, nuhelo wa kahle naku kala ka xona. Hiku endla vulavisisi bya DNA kukumeke leswaku xikwavava xivekona hikwalaho ka mpfanganyiso wa lamula ro dzunga na citron.
Vuhumelerisi Bya Misava Hinkwayo
India hirona muhumelerisi nkulu wa swikwavava naswona rina kwalomu ka 17% wa vuhumelerisi bya misava hinkwayo hi lembe ra 2018, tani hi leswi swikombisiweke hi Tridge. Mexicoriteka xiyimo xavumbirhi, laha ringana 14% wa vuhumelerisi. Kulandzela China, eka 13.2%.
Spain I muxavisi nkulu wo xavisela matiko mambe wa swikwavava, hi kwalomu ka 18% hi nhlayo loko yi helerile hi 2018. Loko nakambe, Mexico yaha teka xiyimo xavumbirhi, hikwalomu ka 16% wa leswi xaviseriwaka matiko mambe. Turkey na Afrika Dzonga, hivumbirhi ya tshame eka 9.6 na 9.4% hi nhlayo leyi heleleke yo xavisa.
Tikor a United States I muxavi nkulu, laha ringana kultula 15% wa swixaviwa hi lembe ra 2018. Germany frilandzela hile ndzhaku eka 11%, loko France na Netherlands, harin’we riri eka 7% wa swixaviwa.
Switirhisiwa
Swikwavava swa dzunga, hixitalo swidyiwa switetano kumbe swaha tsakama. Juzi na makamba lawa yo tsindziyela swilaveka ngopfu leswaku swita tirhisiwa ku engetela nantswo eka swakudya swotala swinene, swobaka kuya eka nyama na matsavu leswi tsemeleriweke na salad dressing. E Afrika Dzonga, vadyi va hlampfi na machipisi vatala kukuma na swilayi swa xikwavava xikan’we na swakudya swavona.
Lemon yitlhela yiva kahle ku olovisa nyama xikan’we naku pfuneta ku fayelela mafurha. Swinga tirhisiwa ku hlayisa mihandzu, leswi vuriwaka marmalade kumbe mihandzu leyi omisiweke yo phutseriwa hi chukele. Ehandle ka leswi, juzi leyi yitirhisiwa ku endla swonwa swofana na lemonade, tiya nati liqueurs. Swilayi swa xikwavava switirhisiwa ku katsiwa eka swonwa kumbe ku chela nantswo eka mati.
Swikwavava swifuwile hiti vitamin nati minerali, leswaku switavonaka tani hi xipfuneta mpfuvelo, xitiyisa masocha ya miri xikan’we naku pfuxelela nhlonge. Vanhu vatala kuxinwa na swinwana kufana na vulombe, xihoko xa whiskey na cinnamon, tani hi xilwisa mukhuhlwani, leswi tivekaka tani hi hot-toddy.
Swinga tirhisiwa kusivela mihandzu kuva yi cinca muhlovo yiva ya buraweni, naswona hikwalaho ka vuswikoti bya ku fayelela mafurha, xikwavava xa basisa. Mapoto lawa yanga tshwa, tani hi xikombiso yanga totiwa xikwavava kutani yatshikiwa ya tlela leswaku swita olova kuya basisa. Xinga tlhela xitirhisiwa kususa ink kumbe tani hi bleach kumbe mafurha ya nkoka.
Translated by Ike Ngobeni