Amasuru avela enarheni ye-South East Asia begodu asthelo esidume ngokubulala amagciwani kusukela emandulo. Asetjenziselwa nokobulala imihlobo ethize yetjhefu. E-Rome yakade, amalamula gade abonakala njengesithelo sabantu abazingwili, ngebanga lokobana ayapholisa, akakazali begodu anuka kamnandi. Ngokuhlola i-DNA yawo, kwatholwa kobana amasuru avela ngemva kokuhlanganiswa kwelamula elisuru kanye ne-citron.
Imikhiqizo Yentjhantjhaba
Enarheni ye-India abakhiqizi bamasuru gade bayi-17% emkhiqizweni woke wephasi ye2018, ngokuya ngokwaka-Tridge. Inarha ye-Mexico, bayi-14% ithatha indawo yesibili, lapha kukhiqizwa khona isthelwesi. Ilandelwe yinarha ye-China bayi-13.2%.
Inarha ye-Spain ikhamba phambili ngokusabalalisa abosuri, ngapheze i-18% yawo athunyelwe eenarheni ezinye ngonyaka ka-2018. Lokha godu inarha ye-Mexico, ithatha indawo yesibili, ngokobana ibe ne-16% ethunyelwa eenarheni ezinye. I-Turkey kanye neSewula Africa zisa i-9.6 kanye ne-9.4 yenthelwezi eenarheni zangaphandle.
Inarha ye-United States ikhamba phambili ngokuthumela iinthelwezi kwezinye iinarha, lapha ithumela khona ngaphezu kwe-15% ye2018. Ilandelwe yinarha ye-Germany bayi-11%, inarha ye-France kanye neye-Netherlands, ngayinye zithumela i-7%.
Ukusetjenziswa Kwalo
Amasuru aswiri, njeke avamise kobana adliwe afretjhi. Ijuzi yayo angastjenziselwa ukwenza iinthelo ezibekwako, ezibizwa bona ma-marmalade nanyana iinqetjhana ezineswigiri zenthelo ezomileko. Ijuzi yesthelwesi ifunwa kwamanikelela ngombana isetjenziselwa ukupheka, ukubhaga, ukupheka inyaka kanye nemirorho, begodu ifakwa nemasaladini. E-Sewula Africa, abathengi befesi namatjhiphisi bavamise kobana bathole islayi sakasuri zikhambisane nokudla kwabo.
Abosuru basebenza kuhle ukuthambisa inyama, begodu barhelebha ukunciphisa amafutha. Bangasetjenziselwa ukulondoloza iinthelo zingonakali, ezibizwa bona ma-marmalade, nanyana ijuzi yayo ingasetjenziselwa ukwenza iinthelo ezibekwako, ezibizwa bona ma-marmalade nanyana iinqetjhana ezineswigiri zenthelo ezomileko. Ngaphandle kwalokho Ijuzi isetjenziselwa ukwenza iinselo, amatiye kanye notjwala. Iinqhetjhana ze-lemon zisetjenziselwa ukuhlobisa iinselo nanyana umnambitheko webhanana.
Abosuru bazele amavithamini kanye namaminerali, njeke asebenza ukugaya kuhle ukudla, ukuqinisa amasotja womzimba kanye nokwenza iskhumba sibesihle. Abantu bavamise ukusela bawahlangene nezinye iinthako, ezifana neliju, i-whiskey kanye ne-cinnamon, ngebanga lokobana ziqeda umkhuhlani nasele zihlangene.
Ingasetjenziselwa ukukhandela iinthelo ezinjengama abhula ukobana zingatjhuguluki zibenzotho ngombala, nangebanga lokobana irhona ukuphula amafutha, amasuru ayahlwengisa. Iimpoto ezitjhileko, ukwenza Isibonelo, zingahlikihlwa ngalo, ziliswe ubusuku boke ukwenzela bona zihlwengiseke msinya. Lingasetjenziselwa ukwenza ukususa i-ink nanyana njenge-bleach nanyana amafutha aqakathekileko.
Translated by Busisiwe Skhosana