iGrapefruti yintalelwano lekhula iphuma kulokuhlangene emkhatsini we pummel (phindze lekubitwa ngekutsi yi pomelo) kanye neliwolintji lelinongotelako. Njengentfo lensha lengetiwe kulomndeni wetitselo, igrapefruit kwekucala yachazwa ngeminyaka ya 1750 ngu Reverend Griffith Hughes endzaweni yase Barbados. Waphindze walibita nge “sitselo lesilahliwe’’ sase Barbados, njengoba labanye bantfu batsemba kutsi inendlela yekuhlangana netihlahla tendalo talokuhle kanye nalokubi kwe Ngadze yase Eden.
Leligama lelitsi “grapefruit’’ lakhetfwa, ngenca yalendlela yalesitselo lekhula ngayo njengemagilebisi lahlangene. Labafundza ngekukhulisa titjalo base America kahlekahle bebafuna kubita lelicembu “iPomelo’’, kepha lokushintja kwaleligama kwabanga inhlanganhlangao nale “Pummelo’’ ngako “li grapefruit’’ lahlala.
Umkhicito waNgaphesheya
iGrapefruit ikhula etindzaweni letinesimo lesifutfumele selitulu. Njengoba kuchaza Tridge, iChina nguyona lekhicita kakhulu. Ngemnyaka wa 2018, yabalelwa cishe kuhhafu wawo onkhe emagrapefruit lakhicitwwe emhlabeni wonkhe. Le United States, lelandzelako ngekukhicita kwesibili lokukhulu, ibalelwa ku 18% wemkhicito sowuphelele.
Ngaphandle kwekutfola lokungu 4% wemkhicito lophelele, iNingizimu Afrika ibalelwa ku 25% wemagrapefruit onkhe lahanjiswa ngemnyaka wa 2018. Loku kuyenta ibengulenkhulu ekuhambiseni emagrapefruit ngekusho. iChina yatsatsa indzawo yesibili, nga 12.7% walokuhanjisiwe konkhe.
iNetherlands ngiyo lehambisa emagrapefruit, na 16.6% wemagrapefruit langeniswako onkhe (lawa magrapefruit angeniswa aphuma kulamanye emave kwentela kuphindze apakishwe atohanjiswa). Kumele nomakunjalo kukhunjulwe kutsi lama Netherlands avame kuphindze ahambise loko lokungenisiwe kuletinye tincenye tase Europe. iRussia ilandzela iNetherlands ku 10% wemagrapefruit onkhe langeniswako.
Umkhicito wase Ningizimu Afrika
Ngemnyaka wa 2018, iNingizimu Afrika, ndzawonye ne Zimbabwe, kube nalokuphelele kwemahekitha latinkhulungwane letisikhombisa nemakhulu lasiphohlongo nemashumi lasiphohlongo nesitfupa labhaliselwe kuhambisa emagrapefruit, njengoba kubekiwe yiNhlangano yeKukhulisa Titselo. Lokungetulu kwa 50% kwalendzawo kwakuse Limpopo, kuyenta sigodzi lesikhulu lesihambisa umkhicito lomkhulu, ilandzela yi Mpumalanga, lebalelwa ku 20% wemkhicito endzaweni.
iKwaZulu-Natal itsatsa indzawo yesitsatfu, lebalelwa ku 9% wemkhicito. Lelapho iNothern Cape ne Swaziland tibalelwe ku 6% na 5% walokuphelele kwalokuhanjiswako lokubhalisiwe. Letinye tindzawo letincane nato tibhalisiwwe eEastern nase Western Cape. iZimbabwe ibalelwa kumahekitha lalikhulu nelishumi nesiphohlongo salokubhalisiwe lokuphelele kwentela kuhanjiswa.
Tinhlobo
Tinhlobo letiningi tiyahlanyelwa, lekusho kutsi Star Ruby na Marsh ngubona batiwa. Star Ruby ubalelwa ngetulu kwa 80% wendzawo lephelele lebhaliselwe kuhambisa ngemnyaka wa 2018. Lelapho Marsh utsatsa indzawo yesibili, nendzawo lencane lengetulu kwa 10%.
Star Ruby wakhiwa ngu Dokotela Dick Hensz eTexas ngema grapefruit etinhlavu ta Hudson. Lenanhlobo yabitwa phindze yakhululwa ngemnyaka wa 1970, netinhlavu tekucala letilishumi nakubili letakha indlela yato kuya eNingizimu Afrika ngemnyaka wa 1972.
Lesitselo sinesikhumba lesitsambile lesimtfubi kanye nabovu kanye nelibala lelishonako elibovu lenyama yaso. Lenhlobo yenta kahle kakhulu eNingizimu Afrika kunase United States, ngekukhokha sitselo lesikhulu lesingenawo emapips langanani.
iMarsh yetfulwa ngu CM Marsh eFlorida ngetikhatsi teminyaka ya 1860 kusuka kusitjalo lesincane lesaphuma esihlahleni se Duncan endzaweni ya Mrs Rushing. Watsatsa ligala lelincane lelaphuma kusinye setihlahla, watsi nakabona kutsi lalite tinhlavu wase ucala kutsengisa lamagala lamancane. Lesitselo sikhulu futsi simhlophe, asinato titjalo futsi sisetjentiselwa kudliwa sinjalo kanye nejusi yato. Sikhatsi lesidze, bekuyinhlanyelo lehamba phambili eNingizimu Afrika.
Sikhatsi
Lesikhatsi saletitselo eNingizimu Afrika siluleka kusuka kunyanga yeNdlovu Lenkhulu kuya kunyanga ya Kholwane, kushiyane ngenhlobo yaso kanye nesimo selitulu.
iMakethe
Liningi lemagrapefruit ase Ningizimu Afrika atsengiswa ngaphandle kwemave, nemakethe lehanjiswako lebalelwa cishe ku 70% walokutsengisiwe konkhe ngemnyaka wa 2017. Lemakethe leyakhiwe ibalelwa cishe ku 27% bese imakethe yasendzaweni ingaphansi kuna 1% wentsengiso iphelele.
iEurope nguyona lenkhulu lehambisa etindzaweni, na 40% wesisindvo ngemnyaka wa 2017, lelapho iAsia ibalelwa ku 25% wesisindvo.
Kusetjentiswa
iGrapefruit sitselo lesinekuvela lokumunyu. Singadliwa sinjalo njengesidlo sasekuseni, njengekudla kwekuhambisa sikhatsi, noma sisetjentiswe kusaladi. Siphindze sentiwe sibe yitart, emajellies, imarmalade, kanye netinatfo.
Ngusinye setitselo tema calorie laphansi, sibe sivutsiwe ngemanutrients kanye ne fibre, lekungusinye setizatfu leni sivama kufakwa ekunciphiseni-sisindvo emitimbeni. Siphindze sitfwele emanti lasetulu, lokusenta sibenemanti lamaningi.
Translated by Phindile Malotana