Sitselo litemu lelibutfwe etihlahleni tetimbali kanye nakutihlahla letimfisha emndenini we, Rutaceae. Titjalo te titselo tikhicita inhlanyelo yetitselo letibalulekile kufana nema orintji, emamandarins, emalamula kanye nesitselo lesimunyu kakhulu kanye nemagrapefruit. Titselo tivela eSouth East Asia, kwewelela esigodzini lesichamuka eChina kuya eNortheast lese India. Inhlanyelo yetitselo ihlanyelwe kuletigodzi iminyaka yandvulo kantsi futsi ngekuhamba kwesikhatsi kwaletitselo sekuhambele kwaya eMediterranean kantsi nemkhicito wetigodzi mhlabawonkhe.
Sitselo sikhicitwa etihlahleni letiluhlata. Tihlahla tetitselo tikhokha timbali entfwasahlobo bese letitselo tikhula ngekuhamba kwentfwasahlobo bese kuvutfwa kwasehlobo kuvunwa ekupheleni kwelikwindla nasekungeneni kwebusika.
Titselo tehlukanisekile phindze tinesikhumba lesicinile. Lesitselo sivame kucatwa ngaphambi kwekudliwa kants nalesikhumba, siphindze sibitwe ngeligcolo bese lolokungemuva kweligcolo kubitwa ngesikhumba, kuvame kulahlwa. Tonkhe titselo letinongotelako titfwele iesidi, lokwatiwa ngekutsi nguVitamin C. titselo tekunongotela tichazwa ngesinongo lesicinile kanye netinhlobo tetitselo letinye, letifana nemalamula kanye netitselo letimunyu kakhulu, timunyu noma tiyababa nativelelela, tibe letinye tinongotela. Letitselo tineliphunga lelicinile, ikakhulu ngenca ye oyili ye limonoid ikakhulu kuletikhumba tetitselo.
Translated by Phindile Malotana
Titselo letinongotelako nguyinye lebalulekile leyatiwako futsi ikhicita tinhlobo tetitselo mhlabawonkhe....
Tinhlobo tema orintji letatiwako kakhulu eNingizimu Afrika ngema Navels kanye nema Valencias. Ema Navels avutfwa kucala kunemaValencias....