Tinhlobo letibanti tetitselo letitsambile tihlanyelwa eNingizimu Afrika. Loku cishe kungahlukaniswa kube ngemacembu lamatsatfu: mandarins, clementines, ne satsumas. Lokukhetfwa kwenhlobo kutfolwa yi makethe lefunwako kantsi nekuma noma kucina kwalenhlobo kulesimo semkhicito epulazini.
Ema Orintji eMandarin
I-Mandarin ne tangerine yintfo lefanako yetitselo. Umehluko kulamabito usala kulendzawo lapho lesitselo kwakucatjangwa kutsi sivela khona. I-Mandarin ichaza kutsamba kwesitselo kucatjangwa kutsi sikhule eSouth west yase China, lefutsi itangerine icatjangwa kutsi ivele
Ema Mandarins, nomakunjalo, kutsenjwa kutsi avela kuma orintji asesigangeni lakhule enortheast yase India ngetulu kweminyaka letinkhulungwane letintsatfu. Kusuka lapho lesitselo senta indlela yaso kuya eChina, phindze kusuka lapho saya eEurope nase North Afrika.
Ngemnyaka wa 2017, ema mandarin titselo letitsambile lebetilinywa kakhulu, kwabalelwa dvute na 75% walendzawo lephelele yemkhicito. Ibe inombolo lenkhulu yetinhlobo tema mandarin tiyahlanyelwa, iNardorcott yayikadze ihlanyelwa kabanti, cishe ku 37% wakokonkhe lokuhlanyelwe. I-Nova yayibalelwa ku 19% bese iTango imelele cishe 12% ngaphansi kwemkhicito wasendzaweni lophelele.
I-Nardocott yakhula ngetulu kweminyaka lemashumi lamane iminyaka yaphambilini iphuma kutitjalo letincane te Murcott ngendlela leyentiwe esiteshini sase Morocco. Labalimako batfole kutsi letitjalo letincane kutsi setilahlekelwe simo sato setindumbu ngesikhatsi tivundza. Lenahlobo ifunwa kakhulu ngoba ayinato tinhlavu noma tindumbu, nelizinga laso leliphumako lekudliwa kanye nashukela losetulu lohlanganisiwe ngesinongo.
Lenhlobo ingaphansi kwemvumo yetitjalo letihlanganiswako, naleNkampani Yekuviekla ema Nardorcott eMorocco lanekekela emalungelo ekulima eNorthern Hemisphere ne Citrogold lese Ningizimu Afrika lenakekelako eSouthern Hemisphere. Sitselo lesikahle kakhulu se Nardorcott eNingizimu Afrika sitsengiswa ngaphansi kwe ClementGold® ngalokubhaliwe. Lesitselo sivunwa kusuka ngenyanga yeNgci-emkhatsini.
I-Nova yintalelwano lekhula ngaphandle kwe clementine mandarin ne orlando tangelo. Ngekulingana ngetinhlavu kuya kuletite tinhlavu nekuvunwa kusuka ngenyanga ye Nkhwenkhweti kuya kunyanga yeNhlaba.
Ema Clementine
Ema Clementine acatjangwa kutsi akhule ngaphandle kwentalelo lebesiphosiso leyakheke kutitjalo letincane temandarin. Kahle kahle, kwakucatjangwa kutsi lokuhlanganiswa kwatfolwa yi mishini yesi French, iClément Rodier, engadzeni yetintsandzane eAlgeria. Kepha lenye indzaba yatsatsa kubamba muva, lokutsi lesitselo lesinongotelako sinemvelaphi, njengoba ticishe tifane ku Canton mandarin lekhula ngase China.
Ngemnyaka wa 2017, iclementine imelele cishe ku 17% wendzawo yetitjalo letiphelele ngaphansi kwe titselo letitsambile eNingizimu Afrika. Liningi letinhlobo letehlukene tiyalinywa, kepha umkhicito ukhulisa yi Nules, lebalelwa ngetulu kwa 73% wendzawo lephelele yekukhicitela. Lenhlobo yatfolwa ngemnyaka wa 1953 dvute nelidolobha lase Nules eSpain. Lesitselo sivunwa kusuka ngenyanga yaMabasa kuya kunyanga ye Nhlaba.
I-Esbal, leyaba yesibili ngekwatiwa kakhulu kwenhlobo, lebalelwa ku 7% walokutjaliwe.
I-Satsumas
I-Satsumas ikhokha lokuncane kuya kulokusemkhatsini-sitselo lesilinani lelimise kwentfo lengatsi ipatalele. Ngalesinye sikhatsi tivuleke kancane, atikavami kuba netindumbu phindze tinetigaba letimelula kutihlukanisa. eNingizimu Afrika, tiphindze tatiwe ngekutsi ngema naartjies.
Ema Satsumas acatjangwa kutsi anekuvela eChina, kepha atsatsa leligama kusuka endzaweni yeSouth West yase Japan, lapho kwabikwa khona ekucaleni eminyakeni lemakhulu lasikhombisa.
Ngemnyaka wa 2017, isatsumas yabalelwa cishe kufika ku 9% walokuphelele kwendzawo ngaphansi kwetitselo letitsambile. Libe lining letinhlobo lihlanyelwe, lenhlobo lekunguyona ihlanyelwe kakhulu kwakuyi Miho Wase. Lenanhlobo lekhula ngekushesha yabalelwa ngetulu kwa 75% wemkhicito lophelele ngemnyaka wa 2017. Lenhlobo, leyabhaliswa ngemnyaka wa 1960, yakhuliswa eJapan kusuka eMiyagawa Wase Satsuma. Lenhlobo ayizange seyibe ngulenkhulu ngekwentsengo lephumelele eJapan njengoba kunjalo eNingizimu Afrika.
Translated by Phindile Malotana
Titselo letitsambile tiwelela kutitselo letinongotelako tetigaba letinesikhumba lesitsambile phindze kumelula kusicata....