Beauty Skefile
Ngatsi nangifika eKapa ngatfola umsebenti ka Medemu Dodson, umuntfu wesifazane lobekalungile, eGreen Point. Iminyaka lesiphohlongo, bengihlala lapho bengisebenta khona naye Medemu Dodson. Bantfwabami bebahlala eGugulethu kepha bengiyanjalo ngemamphelasontfo ngiyobabona.
Lowesifazane bebahlala naye bekalungile kubo ngako ngangijabulile kutsi bahlala naye. Kepha ke Medemu Dodson wahamba wayohlala emaveni ngaphandle ngase ngilahlekelwe ngumsebenti. Ngasengite imali yekubhala lowesifazane bekabahlala nabo, ngase ngibabuyisela emuva ekhaya eTranskei, lapho khona babe wami abeyekhona, kuyoba nabo.
Noma nje abeyindvodza, futsi anake bantfwana labasihlanu ayedvwa, babe wami abelungile kubo. Bebatsi nabatsi angeke bakhone kuyolusa tinkhomo netimvu, kumbe ngesikhatsi nakubandza kakhulu, bekatsi kubo kulungile.abelunge kakhulu. Kepha ngemnyaka wa 1972, nakuminyaka lesiphohlongo, ngaya ngayolandza bantfwabam. Ngasengibakhumbule kakhulu futsi ngangifuna kutsi babenami. Ngababuyisa bonkhe eKapa.
Felicia Mfamana
Ngangineminyaka lemashumi lamatsatfu nemfica ngingazange ngisebentele umuntfu ngaphambilini, kepha ngaleso sikhatsi ngasenginebantfwana labasihlanu lebekumele ngibondle. Bengite lenye indlela. Bengikadze ngijwayele kakhulu dzadzewetfu Neliswa. Umyeni wakhe abesebenta eKapa kepha yena watsi angangibonela bantfwabami, kanye nalabakhe labane.
ʹBantfwana badzadze wetfu,ʹ washo njalo. ʹVele, ngitobanakekela.ʹ Angeke balambe. Batotfola kudla lokuphuma emasimini kanye nelubisi loluphuma etinkhomeni, futsi ngilungisela kutfumela imali emuva iyobhadala tembatfo tesikolwa, tincwadzi kanye nalokunye lokudzingekako. Bengitiva ngatsi ngiyagula, nangigibela kulebhasi ngiphindze ngishiya bantfwabami ngemuva kwati bani kutsi kutobasikhatsi lesinganani.
Tenjiwe Tutu
Baphi bantfwabami nangikulomsebenti wekulala lapho ngisebenta khona? Ngibute loko kepha wati kutsi unginika kwetfuka. Lomuntfu longibukele bantfwabami abengekho kahle kibo. Bekukabi kitsi lokutsi singakhoni kuba nebantfwabetfu lenyalo, uma bangekho kahle, sicabanga klutsi kungenca yekutsi bakhuliswa ngaphandle kwetfu.
Ngaphoceleleka kutsi ngitsatse umntfwanami wekucala ayohlala nalomunye umuntfu eGugulethu. Ngatsi nangiya lapho ngayinye imphelasontfo lebengiphumule ngayo, lomake wabakahle kimi wanginika namnede kanye nelicephu lwesinkhwa. Kepha ke umntfwanami, lobekadze anamibili noma mitsatfu iminyaka, weta wacela incenye yesinkhwa naye, watsi, ʹCha, udle kakhulu.ʹ Ngangibona kutsi lomntfwana abevele ancenga kudla.
Ngangikadze, ngikwatele ngaphakatsi enhlitiyweni yami. Buhlungu lobukhulu lobu, kutsi bantfwana bakhule ngaphandle kwamake wabo. Ngazama kutsatsa bantfwabami baye kamzala wami – lobekadze ahlala emapulazini, kepha loko bekungasiko kahle ngoba ngalelinye lilanga Medemu Truter watfola umlayeto lobowutsi angite ngibalandze kungakapheli emaviki lamabili. Ngangingati kutsi ngenteni ngabo, ngoba kwakudzinga kutsi ngichubeke nekusebenta.
Medemu Truter watsi, ʹUngakhatsateki. Hamba uyofuna kutsi ungababeka kuphi bantfwabakho. Tsatsa sikhatsi sakho utfole kutsi ngubani longabanakekela kahle bantfwabakho.ʹ Labantfu bengibasebentela bebasivela buhlungu. Bebatsi kube umtsetfo bowuhlukile, futsi kube kuya ngabo, bebanganginika indzawo labengingahlala nebantfwabami khona. kepha ngendzaba yalomtsetfo kute bebangakwenta.
Translated by Phindile Malotana