Beauty Skefile
Loko ndzi fika e Cape Town ndzi kumile ntirho eka Mrs Dodson, wansati wa kahle swinene, e Green Point. Kuringana nhungu wa malembe ndirikarhi ndzi tirha ndzi tshama kona na yena. Vana va mina ava tshama e Gugulethu naswona andzi va vhakela hiku hela ka vhiki. Wansati loyi a tshama na vana va mina ari kahle swinene eka vona namina andzi tsakile kuva vatshama na yena. Kambe ke Mrs Dodson u vuye a rhurhela entsungeni wa malwandle leswinga endla leswaku ndzi lahlekeriwa hintirho.
Andzi ngari na mali yaku hakela wansati loyi a tshama na vana va mina, andzi boheka kuva tlhelerisela ekaya e Transkei, laha tatana wa mina anga famba kuya tshama na vona. Hambi leswi ari wanuna naswona a hlayisa vana vantlhanu ari yexe, tata wa mina ari kahle swinene eka vona.
Loko vanga pfumeli kuya eku riseni ka tihomu na tinyimpfu, kumbe loko ku titimela ngopfu, angava fositeli aswitwisisa. Ari kahle swinene eka vona. Kambe hi lembe ra 1972, kwalomu ka nhungu wa malembe endzhaku, ndzu tlhelerile kuya va teka. Andzi vanavela ngopfu naswona andzi lava leswaku vava ekusuhi namina. Ndzi va vuyise hinkwavo laha e Cape Town.
Felicia Mfamana
Andziri na malembe ya 39 naswona andzi nga se tshama ndziya tirha endlwini ya munhu na kanwe kambe andziri na vana va ntlhanu kuva kurisa. Akungari na ndlela yinwana. Mina na sesi wa mina Neliswa ahi kumana swinene. Nuna wa yena a tirha e Cape Town kambe utinyiketele kuva andzi hlayisela vana tani hi sesi wa mina, kukatsa na lava va mune vayena.
'I vana va sesi wa mina,' Loko a vula. 'Hiswona ndzi ta vahlayisa.' Vange dlawi hindlala ndziri kona. Vatakuma swakudya kusuka emasinwini na meleke kusuka eka tihomu naswona andzi kunguhate kurhumela mali ekaya leswaku yitava hakelela xikolofisi, kuva xavela yunifomo, tibuku xikanwe na swinwana na swinwana leswi vaswilavaka. Aswivava swinene kuva ndzi khandziya bazi ndzi siya vana va mina ekaya kuringana nkarhi lowunga tivekeki.
Tenjiwe Tutu
Xana vana va mina avari kwihi loko ndiya tirha ntirho lowu ndzi tirhaka ndzi tshama kona ke? Loko wondzi vutisa xivutiso lexi undzi pfuxela mabibi yambilu. Munhu loyi a hlayisa vana va mina angava khombangi kahle. Akuri tihanyi eka hina kuva hingari na vana va hina naswona sweswi loko vangari kahle hitwa onge hikuva vanga kulangi na hina hiswona swiendlaka leswaku vava hi ndlela leyi. Ndzi boheke ku teka nwana wa mina wosungula leswaku aya tshama na unwana e Gugulethu.
Loko ndziyile kona eku heleni ka vhiki loko ndzi wisile, wansati loyi ari kahle swinene eka mina naswona undzi fihlutile hi namuneti na xinkwa. Kambe loko nwana wa mina loyi ari na malembe mambirhi kumbe manharhu akombela xinkwa, anga nwi nyikangi, ahlamusela leswaku udye ngopfu.' Andzi swivona leswaku nwana ari ku kombeleni ka swakudya himpela. Andzi twa kuvava swinene, mbilu yamina ayi tshovekile. Akuri xilondza lexikulu swinene, kuva vana vakula vangari na mhani.
Ndzi ringetile kuva ndzi teka vana ndzi vayisa eka khazi wa mina, kambe leswi aswingari xiboho xa kahle hikuva siku rinwana Mrs Truter ukume telegram leyi ayinwi byela leswaku ndzi fanele kuta ndzita teka vana va mina eka mavhiki yambirhi lawa ya landzelaka. Andzi nga tivi leswaku ndzita endla yini hi vona, hikuva andzi fanele kuya emahlweni ndzi tirha e mutini lowu. Mrs Truter ute, 'Unga vileli. Famba uya lava laha ungata veka kona vana lava.
Teka nkarhi uya lava munhu loyi angatava hlayisa kahle.' Vanhu lava andziva tirhela avari nantwela vusiwana swinene. Vavula leswaku loko ingi nawu awu hambanile, kumbe loko akuri kuya hi vona, ava ta ndzi nyika ndzhawu yaku tshama eka yonana vana vamina. Kambe hikokwalaho ka nawu, avanga koti ku endla nchumu.
Translated by Ike Ngobeni