UBeauty Skefile
Lokha nangifika eKapa ngathola umsebenzi kwa- Mrs Dodson, nekwakungumma olunge khuluendaweni ye- Green Point. Ngasebenza iminyaka ebunane ngilala khona, Abentwabami bebahlala eGugulethu bengiya ngiyobabona ngamapelaveke.Umma ebebahlala naye wayelungile ahlala kuhle nabo, begodu ngangithabile bona bahalala naye. Kodwana u- Mrs Dodson wakhamba nwayokuhlala ngaphetjheya, ngaloba umsebenzami njalo.
Zange ngisaba nemali yokubhadela umma ogade angigadela abentwana, njeke ngabathumela emuva e Transkei, lapha ubaba agade aye khona, ayokuhlala nabo. Nanyana gade ayindoda, begodu ahlala nabantwana abahlanu ayedwa, ubaba wayebaphethe kuhle. Nagade bamtjela bona abafuni, ukuyokulusa, mhlambe ngoba kumakhaza bekathi kulungile.
Wayelungile kibo. Kodwana ngonyaka ka-1972, ngemva kweminyaka ebunane, ngaya ekhaya ngayobathatha, ngombana ngangibahlulukela khulu, begodu ngifuna bona babe nami. Ngeza nabo boke eKapa.
UFelicia Mfamana
Ngangineminyaka eyi-39, begodu ngingazange khengibe ngunomakhitjhi ngaphambili, kodwana nganginabantwana abahlanu ekwakufanele ngibondle.
Njeke bekungekho into engingayenza. Ngingisondelene khulu nodadwethu uNeliswa. Indodakhe yayisebenza eKapa, wazinikela bona uzangigadela abentwana, kanye nebakhe abane.”bantwana bakadade, watjho njalo ngizabatlhogomela” Ngeze balamba, bazakuthola ukudla kwetenini, nebisi elibuya enkomeni zethu, begodu ngangihlele bona, nami ngazabathumela imali, yokubabhadalela iskolweni, nokuthenga ijinifomu, iincwadi, nokunye abakutlhogago.
Ngaphathwa muzwa wokugula, lokha nangigela ibhesi ngitjhiya abentwabami ngemva, begodu ngangazi nokobana ngiyokukhamba isikhathi esingangani.
UTenjiwe Tutu
Bebakuphi abentwabami lokha, nangilala emakhitjhini? Ngibuza lokho, ungithusa khulu.Umuntu oye gade atlhogomela abentwabami waye balungele.Kwakubuhlungu kithi, bona singabi nabentwabethu, begodu kwanje, nase benza izinto ezingakalungi, sihlumbana bona kungebanga lokobana asikabakhulisi.
Kwafanela bona ngithathe izibulo lami bona liyokuhlala nomunye umuntu e Gugulethu. Kwathi lokha ngibakweriyele ngenye ipelaveke, umma loya angilungele, wanginikela nenamaneyidi neslayi soburotho. Kodwana lokha umntwanami oneminyaka emibili ukuya kwemithathu, eza azokubawa isqetjhana soburotho, wathi kuye. Awa usuthi 'ngingibona bona umntwanami lo, uyakurabhelela ukudlokhu'. Ngezwa ubuhlungu ngaphakathi kwehliziyo yami.
Buhlungu obukhulu khulu, bokobana abentwana bakhule ngaphandle konina. Ngazama ukuthatha abentwabami ngabasa kumzawami emaplasini,kodwana nakho lokho zange kwalunga ngombana ngelinye ilanga u- Mrs Truter wathola i-telegram eyayithi ngifike ekhaya kungakapheli amalanga amabili. Zange ngazi bona ngenzeni ngabo, ngombana kwakufanele ngiragele phambili ngisebenze u- Mrs Truter wangitjela bona ngingatjhwenyeki Khamba uyokufuna bona ungababekaphi.
Thatha iskhathi sakho, uthole bona ngubani ozobalungela. "Abantu egade ngibasebenzela bangizwela ubuhlungu, bathi ukhube umthetho wawuhlukile, nakhibe gade bazenzela, babangangipha indawo yokobana ngihlale nabentwabami." Kodwana ngebanga lomthetho, ayikho into ebebangayenza.
Translated by Busisiwe Skhosana