Inchazelo
Ligilebisi lelimhlophe lelitinhlobonhlobo lilihlanyelwe emaveni lamanengi lakhokha liwayini mhlaba wonkhe.Lapho Avela Khona
Le Se’millon nguyinye yetinhlobonhlobo letimbalwa letatsengwa eningizimu nshona yase France kuya eNingizimu Afrika ngema Huguenots lama French ngetikhatsi ta 1690. Namuhla, isabonwa njengayinye yalamcoka kulamhlophe latinhlobonhlobo letikhicitwa ebordeaux.Lamanye Emabito/Emagama
Aphindze atiwe ngekutsi ngema Hunter Riesling eAustralia, Blanc doux, Colombier nase Malaga eveni lase France, kanye ‘nema Gilebisi Laluhlata’ lase Ningizimu Afrika. Aphindze abekiswa ngekutsi “ Ngemagilebisi” lase Ningizimu Afrika ngetikhatsi ta1820, ngoba abemelela linani lelikhulu lalendzawo leliwakhicitako ngalesosikhatsi.Kukhicita eNingizimu Afrika
Asebentiseke emanani langetulu kwemakhulu layimfica alendzawo lekhicita liwayini lelimhlophe ngetikhatsi taminyaka wa 1820, kepha ehlela endzaweni yekungatsandvwa kulandzela letifo letibamba lamahlanga letibulala tivini letiningi ngeminyaka ya 1820 phindze kuvetwa noma kwetfulwa kwendlela ye kota ye KWV ngeminyanga ya 1950.
Ngemnyaka wa 1995, iSe’millon yamelela tinhlanyelo lebetinelinani linye nasetiphelele eveni. Kusingatsa noma kubambisana kubonakala ngatsi kuyabuya, kepha loku kusengakagcizeleleki ekuhlanyelweni.
Tindzawo noma Tigodzi Tekukhicita
Kuse mfuleni we Olifants, eSwartland, Klein Karoo, Paarl, Robertson, Stellenbosch, Worcester, Breedekloof kanye nase Cape South Coast.Umfutfo/Emandla
Akhula/amila kahle emhlabatsini losemkhatsini kuya etulu, nekukhula lokusemkhatsini wemanani lalishumi nelishumi nesihlanu. Ikhula noma ihluma ligala leliluhlata, lekusho kutsi laNingizimu Afrika kuhlanganyela neliwayini lelisetulu ngemacophelo, uma ihlanyelwe/ikhicitwe Ehlangotsini lelipholile lelivelela emimoyeni leseningizimu lepholile.Sikhatsi Sawo
Tivutfwa ekucaleni kwesikhatsi lesisemkhatsini.Emagumence
Emagumence ayindingilizi noma amise kwelicandza aphindze abesemkhatsini ngebukhulu. Anembala loluhlata samtfubi. Lesigogo sincama futsi silula. Inyama yawo ayinalibala, alula futsi anemanti lamnandzi. Nasekahlume ngalokugcwele, lamagungumence anekuba nekuvakala lokuncane lokusatjani.Emacembe
Licembe leselikhulile lisemkhatsini ngebukhulu, liyindingilizi, nemacembe lasihlanu lapatalele. Lamacembe acalela ngelibala lelihluhlata lelikhanyako, leligucuka libe libeluhlata lotopele maselikhulile.Tilokatane Nemagciwane
Letinhlobonhlobo tingaba nekwehlelwa yimihlwa kanye neBotrytis, ikakhulu nayikhicitwe emhlabatsini longetekile losezingeni leliphakeme, kepha ayitfolwa malula ngemagciwane. Isheshe itsatsele ekumosheni kwemoya ngesikhatsi sekucala sawo sekuhluma.Kuwasebentisa
Ema Se’millon angasetjentiswa ngenhlobo yinye noma ahlanganiswe. Isetjentiswa kakhulu ne Sauvignon blanc ekwenteni/ekwakheni libala lelisehlukile noma lelingakavami le Bordeaux noma letinye tinhlobonhlobo letimhlophe, ikakhulu iChardonnay. Ichazwa njengelunwabu, ngenca yekushintja emabala lehlukene.Emawayini
Lokuvelela kwalo liwayini kushiyana ngesikhatsi sesimo selitulu, ngalesikhatsi sekukhiwa kwemagungumence, lesikhatsi sekukhula kwawo futsi noma lamahlanga angawo alimala ku botrytis.
Tihlahla letifanako tiyatfolwala la Ningizimu Afrika, tinekuvelela kwetjani noma luvelo loluluhlata. Nguyinye yalambalwa etinhlobonhlobo letivumela kuphatfwa luvelo ehlangotsini lwetebuchwephesho.
Kuvulwa kwesivalo emva kwekuba sitselo sihlangane, umphumela etitselweni letihlukene, kube kuvalwe ngci ngetimbonyo kukhokha kuvelela lokusaluhlata njengetjani.
Translated by Phindile Malotana